12/2/2021
Today from Hiiraan Online:  _
Wararka Maanta- Talaado, July 31, 2012
Hay'adda CRD oo wadda Barnaamij loogu magac daray Baraarug oo Dhallinyarada Soomaaliyeed lagu Maalgelinayo

baraarug-Team (13).jpg

Talaado, July 31, 2012 (HOL) — Barnaamij loogu magacdaray Baraarug oo haya'dda CRD ay soo qabanqaabisay laguna maalgelinayo dhallinyarada Soomaaliyeed ayaa shalay oo Isniin ahayd lagu qabtay Muqdisho, taasoo ay ka qaybgaleen boqolaal dhallinhyaro ah.

Ra'iisul wasaaraha Soomaaliya, Cabdiweli Maxamed Cali, qaar ka mid ah wasiirradiisa iyo maamulka gobolka Banaadir ayaa ka qaybgalay, iyadoo madaxa haya'dda CRD, Jabriil Ibraahim Cabdulle uu sheegay in barnaamijkan uu yahay mid shaqooyin loogu abuurayo dhalinyarada Soomaaliyeed.

"Ujeeddada barnaamijkan waa in jawi nabadgalyo lagu abuuro, waana mid aanu ku doonayno in dhallinyarada Soomaaliyeed lagu aamino hanti ay iyagu maamulayaan, iyadoo howshan ay qayb ka tahay in dhallinyaradu ay qaybtooda ka qaatana geedi-socodka nabadeed ee dalka ka socda," ayuu yiri Jabriil Ibraahim.

Sidoo kale, waxaa goobta ka hadlay Cabbaas Caddoow oo ka mid ah dhallinyarada guddiga baraarug, isagoo xusay in barnaamijkan uu yahay mid dhallinyaradu ay iyaga maamulayaan dhaqaalaha lagu maal-gelinayo, isagoo xusay in tani ay muujinayso is bedel cusub, uuna bedeli doono abaalmarinnadii hore oo ahaa qoriga AK-47-ka ah.

baraarug-Team (15).jpg

Guddoomiye ku-xigeenka dhinaca maamulka iyo maaliyadda ee Gobolka Banaadir, Iimaan Nuur Iikar oo isaguna goobta ka hadlay ayaa tilmaamay in barnaamijkan uu horay u soo bilaabay maamulka gobolka banaadir, isagoo ammaanay muhiimadda uu barnaamijkan u yeelan karo dhalinyarada.

Wasiir dowlaha dhalinyarada, shaqada iyo shaqaalaha DKMG ah, Cabdullaahi Sheekh Qaloocow ayaa isna sheegay inay horay u sameeyeen wacyi-gelin ku aaddan sidii dhallinyaradu u qaadan lahaayeen qalinka ayna u dhigi lahaayeen qorigana, ayna wasaaraddu abuurtay ciyaartoy si la isugu xiro bulshada.

Wasiirka warfaafinta DKMG ah, C/qaadir Xuseen Jahweyn iyo wasiirka ganacsiga iyo warshadaha, C/wahaab Ugaas Xuseen oo labaduba ka hadlay munaasabadda ayaa ku dheeraaday doorka dhallinyarada ay ka qaadan karaan horumarinta dalkooda iyo inay yihiin madaxdii dalka ee berri, waxayna xuseen in magacooda dhibaatooyin looga geystay dalka.

Wasiirka gaashaandhigga, Xuseen Carab Ciise oo khudbad ka jeediyay goobta ayaa sheegay in dhallinyarada maqaamkooda la bedelay, isagoo ugu baaqay inay soo ceshadaan sumcaddii ay lahaayeen.

"Al-Shabaab magacii dhallinyarada waa xadeen, waxaa la idinka rabaa inaad idinku kasoo celisaan dowladdana aad garab istaagtaan, inaad aamintaan inaad tihiin mustaqbalkii dalka, dhallinyarada badaha isku tuurayana waxaa leeyahay dalka aad deggen tihiin waa dalka adduunka ugu qanisan uguna barwaaqo badan, waxaa tihiin dadkii bawaaqadaas kala soo bixi lahaa," ayuu yiri wasiirka gaashaandhigga DKMG ah.

Ra'iisul wasaaraha Soomaaliya oo gaba-gabadii xafladdii lagu furayay barnaamijkan loogu magacdaray Baraarug ayaa sheegay inuu ku faraxsan yahay in muddadii halka sano ee uu xafiiska joogo inaanu arkin boqolaal dhallinyaro ah, isagoo tilmaamay in muhiim ay tahay in la beddelo fikradii lagu bartay dhallinyarada ee 20-kii sano ee lasoo dhaafay.

Barnaamijkan cusub ee Baraarug ee ay daaha ka qaaday hay’adda CRD ayaa waxaa maamuli doona dhallinyaro gaaraysa 12-qofood kuwaasoo maal-gelin u sameyn doona dhallinyaradda, taasoo la filayo inay wax badan ka bedeli doonto shaqo la’aanta baahsan ee dalka ku haysata dhallinyarada Soomaaliyeed.

baraarug-Team (16).jpg
baraarug-Team (17).jpg

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/31/2012 3:43 PM EST
Talaado, July 31, 2012 (HOL) - Dab geystey khasaare maaliyadeed oo xoogan ayaa gelinkii danbe ee shalay ka kacay deegaan beereedka Karin oo qiyaastii 30km magaalada Boosaaso waqooyiga kaga beegan.

7/31/2012 2:54 PM EST
Talaado, July 31, 2012— Madaxda wasaaradda caafimaadka ee Puntland ayaa maanta kulan la qaatay shaqaalaha ka howlgala Isbitaalka guud ee magaalada Garoowe. kulankan oo ahaa mid ay wasaaradu soo qaban qaabisay waxaa looga wada hadlayey sidii wax looga qaban lahaa baahiyaha uu Isbitaalku qabo, adeega uu bulshada u hayana loo dar dar gelin lahaa.

7/31/2012 2:38 PM EST
Talaado, July 31, 2012 (HOL) - Qabuuraha Cir-jiife ee magaalada Gaalkacayo waxaa duhurnimadii maanta lagu aasay AHN nabadoon Cabdilaahi Maxamed Xasan (Farey) iyo walaalkiis Cismaan Maxamed Xasan, kuwaas oo ay xalay dabley Baaskoolado ku hubeysni ku dileen gudaha xaafadda Israac.

7/31/2012 1:07 PM EST
Talaado, July 31, 2012(HOL): Waxaa caawa Salaaddii maqrib kaddib Muqdisho lagu dilay Majaajiliiste ay si weyn u yaqaaneen dadka Soomaaliyeed oo lagu magacaabi jiray Cabdi Jeylaani (Marshaale), waxaana dilkiisa ka dambeeyay kooxo hubeysan.

7/31/2012 9:49 AM EST
Talaado, July 31, 2012 (HOL) — Xoghayaha arrimaha dibadda ee dalka Mareykanka, Hillary Clinton ayaa lagu wadaa inay madaxda Soomaaliya kula kulanto bisha soo socota ee Ogoosto magaalada Nairobi ee xarunta dalka Kenya oo ay booqasho ku imaanayso.

7/31/2012 9:41 AM EST
Talaado, July 31, 2012 (HOL) — Magaalada Muqdisho ee xarunta Soomaaliya ayaa waxaa looga dhawaaqay maanta isbahaysiga madaxa-bannaan ee turxaan-bixinta Soomaaliya, kaasoo uu guddoomiye u yahay Xasan Shire Sheekh.

7/31/2012 8:35 AM EST
Talaado, July 31, 2012 (HOL) — Taliyaha Booliska Somaliland Jen: Cabdillaahi Fadal Iimaan ayaa sheegay in hawlgal balaaran oo ciidanka Boolisku ay ka sameeyeen magaalada Hargeysa ay kusoo qabqabteen illaa kontomeeyo tuug kuwaasoo maalmihii u dambeeyey falal tuuganimo ah kula kacayey dadweynaha.

7/31/2012 8:25 AM EST
Talaado, July 31, 2012 (HOL) — Siddeed murashax oo ka mid ah xubnaha u taagan xilka madaxnimo ee Soomaaliya ayaa shir ay ku yeesheen Muqdisho ka sheegay inay mideynayaan awooddooda si ay uga qaybgalaan doorashada madaxnimo ee dalka Soomaaliya.

7/31/2012 7:08 AM EST
Talaado, July 31, 2012 (HOL) — Kulankan ayaa looga hadlay sidii ay wada-shaeyn u dhexmari lahayd ganacsatada Soomaaliyeed, gaar ahaan ganacsatadii furay maxjarka Ancaam iyo ganacstada Soomaaliyeed ee dhoofisa xoolaha.

7/31/2012 6:54 AM EST
Talaado, July 31, 2012 (HOL) — Ugu yaraan saddex qof oo shacab ah ayaa ku dhintay shan kalena waxay k dhaawacmeen qarax ciidammo ka tirsan DKMG ah lagula eegay degmada Yaaqshiid iyo shil gaari oo ka dhacay degmada Wadajir ee gobolka Banaadir.

7/31/2012 2:46 AM EST
Talaado, July 31, 2012 (HOL) — Ciidammo ka tirsan kuwa dowladda KMG ah ayaa xalay dhac baahsan ka geystay xaafado ka tirsan degmada Afgooye ee gobolka Shabeellada hoose, iyadoo falkan uu imaanayo xilli madaxweynaha DKMG ah oo shalay booqday degmadaas uu amar ku bixiyay in laga hortago falalka dhaca ah ee ay geysanayaan ciidamada dowladda.

7/31/2012 2:45 AM EST
Talaado, July 31, 2012 (HOL) — Maxkamadda Sare ee Somaliland ayaa si rasmi ah u furantay shalay oo Isniin ahayd dacwad ay afar urur siyaasadeed oo qiimeyntii ururada ku hadhay ku soo oogeen guddidda Diiwaangelinta ururadda yo Axsaabta qaranka.

7/31/2012 2:41 AM EST
Talaado, July 31, 2012 (HOL) — Kooxo hubeysan ayaa xalay ku dilay Waqooyiga degmada Gaalkacyo ee gobolka Mudug nabaddoon caan iyo nin la dhashay, iyadoo sidoo kale ay kooxo hubeysan ku dileen degmada Baydhabo shalay gallinkii dambe nin taksiile ah.