1/29/2023
Today from Hiiraan Online:  _
Wararka Maanta- Axad, July 29, 2012
Dagaal xooggan oo Ciidamada DKMG, Kenya iyo Al-shabaab ku dhexmaray Degmada Afmadow ee Gobolka Jubbada Hoose
Axad, July 29, 2012 (HOL) — Dagaal aad u xooggan ayaa xalay ka dhacay degmada Afmadow ee gobolka Jubada Hoose, iyadoona dagaalkaasi uu u dhexeeyay ciidamada dowladda KMG oo garab ka helaya kuwa Kenya iyo Xarakada Al-shabaab.

Dagaalkan oo ay labada dhinac isu adeegsanayeen hubka noocyadiisa kala duwan ayaa yimid kadib markii cutubyo katirsan dagaalyahannada Al-shabaab ay weerar aad u xooggan ku qaadeen saldhigyo ay ciidamada dowladda KMG, kuwa Raaskaambooni iyo Militariga Kenya ku leeyihiin duleedka Afmadow.

Goobjoogayaal ku sugan Afmadow ayaa HOL u sheegay in daryanka madaafiicda ay labada dhinac isku ridayeen siweyn looga maqlayay gudaha iyo daafaha magaalada Afmadow, wuxuuna xusay in dagaalkii xalay uu saameeyn ballaaran ku yeeshay shacabka ku dhaqan magaalada Afmadow.

Illaa imika lama garanayo khasaaraha rasmiga ah ee ka dhashay dagaalkii xalay, mana jiraan masuuliyiin katirsan dhinacyadii ay dirirtu dhexmartay oo faahfaahin ka bixiyay dagaalka iyo weliba khasaaraha ka dhashay, waxaana inoo suurogeliweysay xiriirro aynu la sameynay dhinacyadii uu dagaalku dhexmaray.

Ciidamada dowladda oo kaashanaya kuwa Raaskaambooni iyo Militariga Kenya ayaa 31-da bishii May ee sanadkan gacanta ku dhigay degmada Afmadow ee gobolka Jubada Hoose, kadib dagaallo xooggan oo ay Al-shabaab kula galeen deegaanno hoostaga Degmadaasi, waxaana mudooyinkii u danbeeyay isa soo tarayay weerarrada ay Al-shabaab  ku qaadayaan magaalada Afmadow iyo deegaanada kale ee gobolka Jubada Hoose ee ay ku suganyihiin ciidamada huwanta ah.

Xasan Nuur, Hiiraan Online
[email protected]
Kismaayo, Soomaaliya












Click here
7/29/2012 3:39 PM EST
Axad, July 29, 2012 (HOL) - Dab baabi'iyay gabi ahaanba suuqii ugu waynaa ee xeryaha qaxootiga ee Dhadhaab ayaa galabta maqribkii halkaas ka bilowday.

7/29/2012 9:38 AM EST
Axad, July 29, 2012 (HOL) — Guddoomiyaha maamulka gobolka Hiiraan, Cabdifitaax Xasan Afrax iyo xubno ka tirsan maamulka ayaa maanta gaaray degmada Matabaan ee gobolka Hiiraan.

7/29/2012 8:31 AM EST
Axad, July 29, 2012 (HOL) — Kooxo hubeysan ayaa maanta lidka diyaaradaha iyo madaafiic ku weeraray garoonka diyaaradaha ee Gaalkacyo oo ku yaalla dhinaca waqooyi-bari oo ay ka taliso maamulka Puntland, inkastoo aan la sheegin khasaare ay rasaastaasi geysatay.

7/29/2012 7:50 AM EST
Axad, July 29, 2012 (HOL) — Ra'iisul wasaaraha DKMG Soomaaliya C/weli Maxamed Cali ayaa maanta kulan kula yeeshay Muqdisho ra'iisul wasaare ku xigeenka dalka Ireland ahna wasiirka arrimaha dibadda iyo ganacsiga ee dalka Irland iyo wafdi uu hoggaaminayo oo booqasho ku yimid Muqdisho.

7/29/2012 7:24 AM EST
Axad, July 29, 2012 (HOL) — Warsaxafadeed ay hay'adda culummada Soomaaliyeed kasoo saartay Muqdisho maanta oo Axad ah ayay ku sheegtay in dastuurka ay ku jiraan qodobbo ka horimaanaya diinta Islaamka, iyadoo codsatay in lagu asmeeyo isbedel ka hor inta aan la ansixin.

7/29/2012 3:40 AM EST
Axad, July 29, 2012 (HOL) — Hay'adda caafimaadka adduunka ee WHO ayaa salay oo Sabti ahayd sheegtay in cudurka halista ah ee Ebola uu k dillaacay dalka Uganda, uuna dilay 14-qof, tiro kale oo dad ahna ay isbitaallada u jiifaan.

7/29/2012 3:21 AM EST
Axad, July 29, 2012 (HOL) — Afhayeenka howgallada ee Xarakada Al-shabaab, Sheekh C/casiis Abu-Muscab ayaa sheegay inay ciidamadooda sida gaarka ah u tababaran toogasho ku dileen laba ka tirsan ciidamada AMISOM oo ku sugnaa garoonka diyaaradaha ee degmada Dayniile.

7/29/2012 2:59 AM EST
Axad, July 29, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo xalay duleedka deegaanka Yurkud ee gobolka Gedo ku dhexmaray ciidamada DKMG ah, kuwa Itoobiya iyo xoogagga Al-shabaab.