2/7/2023
Today from Hiiraan Online:  _
Wararka Maanta- Sabti, July 28, 2012
Ergooyinka Ansixinaya Dastuurka Qabyada ah ee Soomaaliya oo maanta loo akhriyay Qodobbada Dastuurka Cusub
Sabti, July 28, 2012 (HOL) — Ergada ansixinaysa dastuurka qaybo-qoraalka ah ee Soomaaliya ayaa maanta oo Sabti ah loo akhriyay dastuurka oo ka kooban 79-qodob, iyadoo lagu wado in berri ay ka doodaan qodobbada ay u arkaan inay yihiin kuwo ay khaladaad ku jiraan.

Wasiirka dastuurka iyo arrimaha federaalka Soomaaliya, Cabdiraxmaan Xoosh Jabriil oo saxaafadda la hadlay ayaa sheegay in ergooyinka laga doonayo in fadhigooda berri ay kaga doodaan qodobbada dastuurka.

"Dastuurka oo dhan ayaa maanta ergooyinka loo akhriyay, iyagoo calaameystay qodobbada ay arkaan inuu madmadow ku jiro, berri ayayna ka doodi doonaa," ayuu yiri wasiirka dastuurka oo sheegay in ergadu ay xaq u leeyihiin inay sheegaan qodob kasta oo ay u arkaan inuu khalad ku jiro.

Ergooyinka ayaa waxay maanta soo saarayeen qodobbo dhowr ah oo ay u arkaan inay wax badan ka qaldan yihiin, iyadoo aanay ergada ansixinta dastuurka oo ka kooban 825-xubnood aysan xaq u lahayn inay wax ka bedel ku sameeyaan qabyo-qoraalka dastuurka sida uu horay u sheegay madaxweynaha Soomaaliya.

Sidoo kale, Khaalid Cumar Cali oo ka mid guddiga fududeynta shirka ayaa sheegay in ergooyinku ay si wanaagsan howsha u wadaan, isagoo sheegay in lagu ansixin doono dastuurka qabyada ah xilligii loo qabtay ee sagaalka maalmood ah.

Dowladda KMG Soomaaliya ayaa waxay dadaal ugu jirtaa inay howlaha horyaalla oo ay ka mid yihiin dastuurka iyo xulidda xildhibaannada cusub lagu soo dhameystiro ka hor 20-ka bisha Ogoosto ee sannadkan oo uu ku eg-yahay xilligeeda shaqo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/28/2012 9:07 AM EST
Sabti, July 28, 2012 (HOL) — Hay'adda nabadsugidda DKMG ah ee Soomaaliya ayaa soo bandhigtay maanta sarkaal iyo askari kasoo goostay Xarakada Al-shabaab sida ay labadan ruux u sheegeen warbaahinta.

7/28/2012 8:55 AM EST
Sabti, July 28, 2012 (HOL) — Xaflad si heer sare ah loosoo agaasimay oo ay ka qayb-galeen mas'uuliyiin ka tirsan dowladda KMG ah ee Soomaaliya, ganacsato, dhakhaatiirta caafimaadka xoolaha, mas'uuliyiin ka tirsan maamullada gobollada Banaadir iyo Shabeellada hoose oo lagu furayay maxjar weyn oo maanta ka dhacday magaalada Muqdisho.

7/28/2012 8:30 AM EST
Sabti, July 28, 2012 (HOL) — Guddidda la dagaanka cudurka HIV/AIDS Somaliland, ayaa sheegay in sanadkan hoos u dhac ku yimid fiditaankii cudurkaasi marka loo eego heerkiii uu sanadkii hore marayey.

7/28/2012 8:06 AM EST
Sabti, July 28, 2012 (HOL) — Munaasabad maanta ka dhacday Muqdisho ayaa lagu dhaafiyay 52 garsoore oo loogu talo-galay inay ka howlgalaan maxkamadda dalka, iyadoo xafladda dhaarinta ay ka qaybgaleen madaxweynaha Soomaaliya, Shariif Sheekh Axmed, wasiirro iyo guddoomiyaha maxkamadda sare ee dalka.

7/28/2012 7:35 AM EST
Sabti, July 28, 2012 (HOL) — Guddoomiyaha maxkamadda sare ee dowladda KMG Soomaaliya, Caydiid C/llaahi Ilko-Xanaf oo maanta ka hadlayay munaasabad lagu qabtay Muqdisho oo lagu dhaarinayay garsoorayaal ayaa sheegay in dastuurka qaybo-qoraalka aysan ku caddeyn xuquuqda garsoorka Soomaaliya.

7/28/2012 7:03 AM EST
Sabti, July 28, 2012 (HOL) — Kooxo hubeysan iyo ciidamada DKMG ah ayaa siyaabo kala duwan saddex qof ugu dilay maanta degmooyinka Ufuroow iyo Baydhabo oo ka tirsan gobolka Ba iyo duleedka magaalada Muqdisho, gaar ahaan deegaanka Lafoole.

7/28/2012 2:16 AM EST
Sabti, July 28, 2012 (HOL) — Madaxweynaha Puntland, Cabdiraxmaan Maxamed Faroole ayaa ka dlabaday beesha calaamka inay gacan ka geystaan sidii dhallinta Soomalaiyeed ee dalka ka tahriibaya dib loogu soo celin lahaa, isagoo madaxda DKMG ah ka dalbaday inay iyaguna doorkooda ka qaataan arrintan.

7/28/2012 2:15 AM EST
Sabti, July 28, 2012 (HOL) — Shirkii ansixinta dastuurka qabyada ah ee Soomaaliya ayaa maanta dib uga billaabanaya magaalada Muqdisho kaddib markii uu shalay ku yimid hakad, taasoo uu wasiirka dastuurku ku sheegay inay ahayd cillad farsamo oo dhinaca kambiyuutarrada ah.

7/28/2012 2:06 AM EST
Sabti, July 28, 2012 (HOL) — Ugu yaraan shan qof oo saddex ka mid ah ahaayeen ciidamada dowladda KMG ah ayaa ku dhintay qaraxyo shalay oo Jimco ahayd ka dhacay koontaroolka ku yaalla duleedka degmada Baydhabo ee xarunta gobolka Bay.