2/7/2023
Today from Hiiraan Online:  _
Wararka Maanta- Sabti, July 28, 2012
Munaasabad ka dhacday Muqdisho oo lagu dhaariyay Garsoorayaal loogu talo-galay in ay ka howlgalaan Maxkamadda dalka
Sabti, July 28, 2012 (HOL) — Munaasabad maanta ka dhacday Muqdisho ayaa lagu dhaafiyay 52 garsoore oo loogu talo-galay inay ka howlgalaan maxkamadda dalka, iyadoo xafladda dhaarinta ay ka qaybgaleen madaxweynaha Soomaaliya, Shariif Sheekh Axmed, wasiirro iyo guddoomiyaha maxkamadda sare ee dalka.


Wasiirka garsoorka iyo cadaaladda dowladda KMG ah, Axmed Xasan Gaboobe ayaa dhaariyay garsoorayaasha oo isugu jiray rag iyo dumar, wuxuuna kula dardaarmay garsoorayaashan oo isugu jiray kuwa maxkamadda sare, maxkamadda rafcaanka iyo maxkamadda gobollada iyo degmooyinka dalka inay howshooda si daacadnimo ah uga soo baxaan.

"Garsoorka waa meesha ay ummadi ka toosto, haddii uu xumaadana waa xumaataa, haddii uu toosana waa toostaa; sidaa daraadeed waxaana loo baahan yahay inaad dhaarta ilaalisaan oo aad si daacad ah howshiinna u gudataan," ayuu yiri wasiirka gasoorka oo goobta ka hadlay.

Sidoo kale, waxaa goobta ka hadlay guddoomiyaha maxkamadda sare, Caydiid C/llaahi Ilko-xanaf oo sheegay in garsoorku uu yahay aasaaska muujinaysa nidaamka dowliga ah, wuxuuna kula dardaarmay garsoorayaasha inay howsha loo igmaday kasoo baxaan.

Madaxweynaha dowladda KMG Soomaaliya, Shariif Sheekh Axmed oo isaguna hadal jeediyay dhaarinta kaddib ayaa sheegay in dhibaatooyinkii dalka k dhacay ay ku yeesheen saameyn weyn garsoorka, balse ay nasiib-wanaag tahay in aasaaskiisa dib salka loogu dhigo.

"Waaxa loo baahan yahay inay idin hoggaamiyaan damiirkiinna, mas'uuliyadda dusha la idinka saaray iyo Soomaalinimadu, Allena uu idin waafajiyo xaqa iyo cadaaladda," ayuu yiri Sheekh Shariif oo hadal dardaaran u jeedinayay garsoorayaasha maanta la dhaariyay.

Ugu dambeyn, madaxweynuhu wuxuu sheegay in baahiyaha dalka ka jira oo dhan aan mar qura la dabooli karin, balse ay dadaal ugu jiraan sidii loo dabooli lahaa intii mar walba suurogal noqota. Iyadoo ay noqonayso markii ugu horreysay oo 52-qof loo dhaariyo hay'adaha kala duwan ee garsoorka dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/28/2012 9:07 AM EST
Sabti, July 28, 2012 (HOL) — Hay'adda nabadsugidda DKMG ah ee Soomaaliya ayaa soo bandhigtay maanta sarkaal iyo askari kasoo goostay Xarakada Al-shabaab sida ay labadan ruux u sheegeen warbaahinta.

7/28/2012 8:55 AM EST
Sabti, July 28, 2012 (HOL) — Xaflad si heer sare ah loosoo agaasimay oo ay ka qayb-galeen mas'uuliyiin ka tirsan dowladda KMG ah ee Soomaaliya, ganacsato, dhakhaatiirta caafimaadka xoolaha, mas'uuliyiin ka tirsan maamullada gobollada Banaadir iyo Shabeellada hoose oo lagu furayay maxjar weyn oo maanta ka dhacday magaalada Muqdisho.

7/28/2012 8:30 AM EST
Sabti, July 28, 2012 (HOL) — Guddidda la dagaanka cudurka HIV/AIDS Somaliland, ayaa sheegay in sanadkan hoos u dhac ku yimid fiditaankii cudurkaasi marka loo eego heerkiii uu sanadkii hore marayey.

7/28/2012 8:20 AM EST
Sabti, July 28, 2012 (HOL) — Ergada ansixinaysa dastuurka qaybo-qoraalka ah ee Soomaaliya ayaa maanta oo Sabti ah loo akhriyay dastuurka oo ka kooban 79-qodob, iyadoo lagu wado in berri ay ka doodaan qodobbada ay u arkaan inay yihiin kuwo ay khaladaad ku jiraan.

7/28/2012 7:35 AM EST
Sabti, July 28, 2012 (HOL) — Guddoomiyaha maxkamadda sare ee dowladda KMG Soomaaliya, Caydiid C/llaahi Ilko-Xanaf oo maanta ka hadlayay munaasabad lagu qabtay Muqdisho oo lagu dhaarinayay garsoorayaal ayaa sheegay in dastuurka qaybo-qoraalka aysan ku caddeyn xuquuqda garsoorka Soomaaliya.

7/28/2012 7:03 AM EST
Sabti, July 28, 2012 (HOL) — Kooxo hubeysan iyo ciidamada DKMG ah ayaa siyaabo kala duwan saddex qof ugu dilay maanta degmooyinka Ufuroow iyo Baydhabo oo ka tirsan gobolka Ba iyo duleedka magaalada Muqdisho, gaar ahaan deegaanka Lafoole.

7/28/2012 2:16 AM EST
Sabti, July 28, 2012 (HOL) — Madaxweynaha Puntland, Cabdiraxmaan Maxamed Faroole ayaa ka dlabaday beesha calaamka inay gacan ka geystaan sidii dhallinta Soomalaiyeed ee dalka ka tahriibaya dib loogu soo celin lahaa, isagoo madaxda DKMG ah ka dalbaday inay iyaguna doorkooda ka qaataan arrintan.

7/28/2012 2:15 AM EST
Sabti, July 28, 2012 (HOL) — Shirkii ansixinta dastuurka qabyada ah ee Soomaaliya ayaa maanta dib uga billaabanaya magaalada Muqdisho kaddib markii uu shalay ku yimid hakad, taasoo uu wasiirka dastuurku ku sheegay inay ahayd cillad farsamo oo dhinaca kambiyuutarrada ah.

7/28/2012 2:06 AM EST
Sabti, July 28, 2012 (HOL) — Ugu yaraan shan qof oo saddex ka mid ah ahaayeen ciidamada dowladda KMG ah ayaa ku dhintay qaraxyo shalay oo Jimco ahayd ka dhacay koontaroolka ku yaalla duleedka degmada Baydhabo ee xarunta gobolka Bay.