2/7/2023
Today from Hiiraan Online:  _
Wararka Maanta- Sabti, July 28, 2012
Qaraxyo khasaare geystay oo ka dhacay Duleedka Degmada Baydhabo iyo ciidamada DKMG ah oo dad u Qabqabtay
Sabti, July 28, 2012 (HOL) — Ugu yaraan shan qof oo saddex ka mid ah ahaayeen ciidamada dowladda KMG ah ayaa ku dhintay qaraxyo shalay oo Jimco ahayd ka dhacay koontaroolka ku yaalla duleedka degmada Baydhabo ee xarunta gobolka Bay.

Goobjoogayaal ayaa sheegay in qaraxyadan oo ahaa kuwo is-xigay loo adeegsaday miinooyinka meelaha fog-fog laga hago, shanta qof ee dhintay laba ka mid ah rayid ahaayeen, iyadoo ay sidoo kale qaraxyadaas ay ku dhaawacmeen afar askari oo kale.

Qaraxyadan ayaa waxay ka dhaceen waddo isku xirta degmooyinka Baydhabo iyo Bardaale ee gobolka Bay, halkaasoo ay gacanta ku hayaan ciidamada DKMG ah iyo kuwa gacanta siinaya ee Itoobiya, iyadoo weerarradan ay sheegatay Xarakada Al-shabaab.

Ciidamada DKMG ah ee ku sugan degmada Baydhabo ayaa waxay degmadaas ka sameeyeen baaritaanno ay dad badan kusoo qabqabteen kuwaasoo lala xiriirinayo inay gacan ka geysteen qaraxyadaas.

Guddoomiyaha degmada Baydhabo Xasan Biikole oo saxaafadda la hadlay ayaa sheegay in qaraxyadaas ay ahaayeen kuwo la doonayay in waxyeello badan lagu geysto, balse la fashiliyay, isagoo sheegay inay afar askari kaga dhaawacmeen.

Dhanka kale, iska-horimaad u dhexeeyay ciidamada DKMG ah iyo kuwa Al-shabaab ayaa shalay ka dhacay deegaanka Goof-guduud oo 30-km dhinaca koonfur-galbeed kaga beegean degmada Baydhabo.

Iska-horimaadkan ayaa qarxay kaddib markii xoogagga Al-shabaab ay weerar lama filaan ah ku qaadeen saldhigyo ay ku sugnaayeen ciidamada DKMG ah, si dhab ahna looma oga khasaaraha dhimasho iyo midka dhaawac ee ka dhashay dagaalkaas.

Weerarradan ayaa waxay imaanayaa iyadoo xabsiga Baydhabo ay ku jiraan saraakiishii booliiska gobolka iyo kan degmada ugu sarreeya oo ciidamada Itoobiya ay ku eedeeyeen inay mas'uul ka yihiin falal ammaan-darro oo ka dhacay Baydhabo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/28/2012 9:07 AM EST
Sabti, July 28, 2012 (HOL) — Hay'adda nabadsugidda DKMG ah ee Soomaaliya ayaa soo bandhigtay maanta sarkaal iyo askari kasoo goostay Xarakada Al-shabaab sida ay labadan ruux u sheegeen warbaahinta.

7/28/2012 8:55 AM EST
Sabti, July 28, 2012 (HOL) — Xaflad si heer sare ah loosoo agaasimay oo ay ka qayb-galeen mas'uuliyiin ka tirsan dowladda KMG ah ee Soomaaliya, ganacsato, dhakhaatiirta caafimaadka xoolaha, mas'uuliyiin ka tirsan maamullada gobollada Banaadir iyo Shabeellada hoose oo lagu furayay maxjar weyn oo maanta ka dhacday magaalada Muqdisho.

7/28/2012 8:30 AM EST
Sabti, July 28, 2012 (HOL) — Guddidda la dagaanka cudurka HIV/AIDS Somaliland, ayaa sheegay in sanadkan hoos u dhac ku yimid fiditaankii cudurkaasi marka loo eego heerkiii uu sanadkii hore marayey.

7/28/2012 8:20 AM EST
Sabti, July 28, 2012 (HOL) — Ergada ansixinaysa dastuurka qaybo-qoraalka ah ee Soomaaliya ayaa maanta oo Sabti ah loo akhriyay dastuurka oo ka kooban 79-qodob, iyadoo lagu wado in berri ay ka doodaan qodobbada ay u arkaan inay yihiin kuwo ay khaladaad ku jiraan.

7/28/2012 8:06 AM EST
Sabti, July 28, 2012 (HOL) — Munaasabad maanta ka dhacday Muqdisho ayaa lagu dhaafiyay 52 garsoore oo loogu talo-galay inay ka howlgalaan maxkamadda dalka, iyadoo xafladda dhaarinta ay ka qaybgaleen madaxweynaha Soomaaliya, Shariif Sheekh Axmed, wasiirro iyo guddoomiyaha maxkamadda sare ee dalka.

7/28/2012 7:35 AM EST
Sabti, July 28, 2012 (HOL) — Guddoomiyaha maxkamadda sare ee dowladda KMG Soomaaliya, Caydiid C/llaahi Ilko-Xanaf oo maanta ka hadlayay munaasabad lagu qabtay Muqdisho oo lagu dhaarinayay garsoorayaal ayaa sheegay in dastuurka qaybo-qoraalka aysan ku caddeyn xuquuqda garsoorka Soomaaliya.

7/28/2012 7:03 AM EST
Sabti, July 28, 2012 (HOL) — Kooxo hubeysan iyo ciidamada DKMG ah ayaa siyaabo kala duwan saddex qof ugu dilay maanta degmooyinka Ufuroow iyo Baydhabo oo ka tirsan gobolka Ba iyo duleedka magaalada Muqdisho, gaar ahaan deegaanka Lafoole.

7/28/2012 2:16 AM EST
Sabti, July 28, 2012 (HOL) — Madaxweynaha Puntland, Cabdiraxmaan Maxamed Faroole ayaa ka dlabaday beesha calaamka inay gacan ka geystaan sidii dhallinta Soomalaiyeed ee dalka ka tahriibaya dib loogu soo celin lahaa, isagoo madaxda DKMG ah ka dalbaday inay iyaguna doorkooda ka qaataan arrintan.

7/28/2012 2:15 AM EST
Sabti, July 28, 2012 (HOL) — Shirkii ansixinta dastuurka qabyada ah ee Soomaaliya ayaa maanta dib uga billaabanaya magaalada Muqdisho kaddib markii uu shalay ku yimid hakad, taasoo uu wasiirka dastuurku ku sheegay inay ahayd cillad farsamo oo dhinaca kambiyuutarrada ah.