2/7/2023
Today from Hiiraan Online:  _
Wararka Maanta- Jimco, July 27, 2012
Safiiraddii dalka Venezuela u fadhiday Kenya oo maydkeeda laga helay Nairobi
Jimco, July 27, 2012 (HOL) - Haweenaydii ahayd safiirka dalka Venezuela u joogta Kenya Olga Fonseca ayaa laga helay maydkeeda guriga ay daganayd oo ku yaallay xaafada Runda ee magaalada Nairobi.

Olga Fonseca ayaan la xaqiijin sida ay ku dhimatay inkastoo warar hordhac ah ay sheegayaan in la sumeeyay amaba la ceejiyay.

Taliyaha ciidamada booliska ee magaalada Nairobi
Anthony Kibuchi ayaa saxaafadda u sheegay in wali ay socdaan baaritaan lagu ogaanayo qaabka loo dilay haweenaydan, iyadoo loo qabtay dilkeeda 4 qof oo Kenyaati ah kuwaasoo kamid ahaa shaqaalahii gurigeeda.

Waxaa maalmihii lasoo dhaafay soconayay buuq u dhexeeya qaar kamid ah shaqaalaha safaarada oo Kenyaati ah iyo
Olga Fonseca oo iyadu dhawaan shaqada kala wareegtay safiirkii iyada ka horreeyay.

Shaqaalaha Kenyaanka ah ayaa dacwad ka geeyay safiirkii hore ee dalka Venezuela
ambassador Gerarto da Silva oo ay ku eedeeyeen inuu isku dayay falal anshax xumo ah, sida kufsi iyo waxyaabo kale, waxaase arrintan ka hortimid safiiradda cusub ee la dilay oo shaqadii ka eriday dhammaan dadkii dacwadaha soo joodiyay, taasoo markii dambe isu badashay buuq hareeyay safaarada.

Ma cada wali cida ka dambaysa dhimashada safiirada
Venezuela, waxaase madaxweynaha dalkaasi Hugo Chavez uu ku eedayaa Maraykanka iyo Israel inay maleegayaan weeraro ka dhan ah dalkiisa, isagoo dhowr goor oo horana ku eedeeyay Maraykanka inay isku dayeen shirqoollo lagu khaarajinayo.

Venezuela ilaa iyo hadda wax war kama soo saarin dilka safiiradoodii magaalada Nairobi, waxaase ay Kenya ballan qaaday inay soo qaban doonto cidii ka dambaysay.

Axmed Cabdisamad, Hiiraan Online
[email protected]
Nairobi , Kenya












Click here
7/27/2012 8:16 PM EST
Sabti, July 28, 2012(HOL): Calanka Soomaaliya ayaa caawa lagu soo bandhigay fagaare caalami ah oo lagu soo bandhigayay calamada in ka badan 200 oo dal oo caalamka ka tirsan.

7/27/2012 7:16 PM EST
Warbixin Oradyahanada Soomaaliyeed oo lagu qabtay Olympic Village ee magaalada London. Waxaa warbixintaan magaalada London nooga soo diray wariye Ibrahim Baafo

7/27/2012 9:18 AM EST
Jimco, July 27, 2012 (HOL) — Wasiirka arrimaha dibadda ee Somaliland, Maxamed C/llaahi Cumar (Cirro) ayaa sheeagy maanta oo Jimco ah inay si KMG ah u hakiyeen wadahadalladii ay kula jireen dowladda KMG ah ee Soomaaliya.

7/27/2012 8:52 AM EST
Jimco, July 27, 2012 (HOL) — Hay'adda Bisha Cas ee dalka Turkiga ayaa sheegtay in Soomaaliya ay u dirtay 77 baabuurta waaweyn oo qayb ka qaadaanya dib u dhiska magaalada Muqdisho oo ah xarunta dalka Soomaaliya.

7/27/2012 8:35 AM EST
Jimco, July 27, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa maanta soo saaray war-murtiyeed ka kooban 11-qodob oo lagu eegayo dadka u sharaxan ka mid noqonshada xubnaha baarlamaanka cusub ee Soomaaliya oo lagu wado inay odayaasha dhaqanku soo gudbiyaan dhawaan magacyadooda.

7/27/2012 7:54 AM EST
Jimco, July 27, 2012 (HOL) — Waxaa maanta oo Jimco ah hakaday shirkii ansixinta dastuurka oo geli lahaa maalitiisii saddexaad, iyadoo qarax khasaare geystay lagu weeraray bar-koontarool oo laga ilaaliyo goobta uu shirku ka socdo.

7/27/2012 7:37 AM EST
Jimco, July 27, 2012 (HOL) — Saraakiisha ciidamada dowladda KMG iyo kuwa ururka Raaskaambooni ee gobollada Jubooyinka ayaa ku hanjabay in xoogagga Al-shabaab ay kala wareegi doonaan guud ahaan Jubooyinka kahor inta aan la gaarin 20-ka bisha fooda nagu soo heyso ee August.

7/27/2012 7:31 AM EST
Jimco, July 27, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay in xalay hoobiyeyaal lagu weeraray goobta uu shirka ansixinta dastuurku ka socdo, kuwaasoo uu sheegay inaysan wax khasaare ah geysan.

7/27/2012 6:52 AM EST
Jimco, July 27, 2012 (HOL) — Afhayeenka AMISOM Col. Cali Aadan Xaamud ayaa sheegay inay soo gaba-gabeeyeen wajigii koowaad ee howlgalladii ciidan ee ay ka wadeen magaalada Muqdisho iyo hareeraheeda, isagoo sheegay inuu billaabi doono wajiga labaad ee howgalkooda Soomaaliya.

7/27/2012 6:34 AM EST
Jimco, July 27, 2012 (HOL) — Waxaa si rasmi ah galinkii danbe ee maalintii shalay oo Khamiis aheyd uga furmay magaalada Baladweyne Tartan kubadda cagta ah oo lagu maamusayo bisha Ramadaan.

7/27/2012 5:39 AM EST
Jimco, July, 27, 2012 (HOL)- Hogaanka Sare ee ururka Siyaasadeedka XAQSOOR Somaliland, ayaa soo dhoweeyey nabaddii uu ku dhawaaqay hogaamiyaha SSC Saleebaan Xago Toosiye, waxaanay ku baaqeen in nabadaasi la wada qaato, xukuumadana ugu baaqay inay baaqii nabadeed ee ay u jeediyeen reer Buuhoodle ay ficilkii ku daraan oo nabadaasi si weyn loo taageero.

7/27/2012 5:33 AM EST
Jimco, July 27, 2012 (HOL)- Dadweyne Cadhaysan ayaa shiid iyo dhagax ku weeraray maamulka dawladda Hoose ee degmadda Caynaba, waxaanay halkaasi dhaawac ka soo gaadhay maayarkii magaalada iyo masuuliyiin kale.

7/27/2012 4:47 AM EST
Jimco, July 27, 2012 (HOL) — Wasaaradda gaashaandhigga Britain ayaa xaqiijisay in koox yar oo ciidammo ah isla markaana caawinaya kuwa Midowga Afrika ee AMISOM ay kaga sugan yihiin gudaha Soomaaliya.