2/7/2023
Today from Hiiraan Online:  _
Wararka Maanta- Jimco, July 27, 2012
Wasiirka Dastuurka Somalia oo sheegay in xalay Hoobiyeyaal lagu Weeraray Xarunta uu ka socdo shirka Ansixinta Dastuurka
Jimco, July 27, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay in xalay hoobiyeyaal lagu weeraray goobta uu shirka ansixinta dastuurku ka socdo, kuwaasoo uu sheegay inaysan wax khasaare ah geysan.

Wasiirka ayaa sheegay in ujeeddada hoobiyeyaashaas looga dan leeyahay in lagu cabsi-geliyo ergada, balse aysan taasi cabsi gelin karin, wuxuuna wasiirku xusay in weerar walba iyo duqeyn walba oo lasoo qaado uusan hakin karin shirka dastuurka lagu ansixinayo.

"Xalay qolooyin ayaa hoobiye soo tuuray, balse wuxuu ku dhacay meel aad uga fog halka uu shirku ka socdo, mana ahan mid hakin kara shirka," ayuu yiri wasiirka oo sheegay in shirka uu maanta u hakaday cillado farsamo, balse uu sii socon doono.

Sidoo kale, wasiirku wuxuu sheegay in ammaanka gooibta uu shirku ka socdo ay tahay mid aad u sugan, isagoo aan sheegin cidda ka dambeysay hoobiyeyaasha laug soo weeraray goobta shirka, balse waxaa jirtay in Al-shabaab ay dhowr jeer oo hore sheegeen inay beegsan doonaan goobta uu shirku ka socdo.

Dugsiga tababarka booliiska ee magaalada Muqdisho oo ah goobta uu shirku ka socdo ayaa waxaa ku sugan ciidammo badan oo ka tirsan DKMG ah iyo kuwa AMISOM kuwaasoo aad u baaraha ergooyinka iyo dadka kale ee shirka qaybta ka qaadanaya.

Goobjoogayaal ayaa sheegay in ay maqleen qaraxyo waaweyn oo xalay ka dhacay goobta uu shirku ka socdo, balse lama sheegin khasaare ka dhashay, waxaana tani ay noqonaysaa markii ugu horreysay oo shirka la weeraro tan iyo markii uu furmay 25-kii bishan.

Magaalada Muqdisho ayaa waxay gacanta ugu jirtaa dowladda KMG Soomaaliya lama oga halka laga tuuray hoobiyeyaasha lagu weeraray goobta shirku ka socdo, iyadoo dowladdu ay horay u sheegtay inay sugtay ammaanka magaalada oo dhan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/27/2012 8:16 PM EST
Sabti, July 28, 2012(HOL): Calanka Soomaaliya ayaa caawa lagu soo bandhigay fagaare caalami ah oo lagu soo bandhigayay calamada in ka badan 200 oo dal oo caalamka ka tirsan.

7/27/2012 7:16 PM EST
Warbixin Oradyahanada Soomaaliyeed oo lagu qabtay Olympic Village ee magaalada London. Waxaa warbixintaan magaalada London nooga soo diray wariye Ibrahim Baafo

7/27/2012 9:18 AM EST
Jimco, July 27, 2012 (HOL) — Wasiirka arrimaha dibadda ee Somaliland, Maxamed C/llaahi Cumar (Cirro) ayaa sheeagy maanta oo Jimco ah inay si KMG ah u hakiyeen wadahadalladii ay kula jireen dowladda KMG ah ee Soomaaliya.

7/27/2012 8:52 AM EST
Jimco, July 27, 2012 (HOL) — Hay'adda Bisha Cas ee dalka Turkiga ayaa sheegtay in Soomaaliya ay u dirtay 77 baabuurta waaweyn oo qayb ka qaadaanya dib u dhiska magaalada Muqdisho oo ah xarunta dalka Soomaaliya.

7/27/2012 8:47 AM EST
Haweenaydii ahayd safiirka dalka Venezuela u joogta Kenya Olga Fonseca ayaa laga helay maydkeeda guriga ay daganayd oo ku yaallay xaafada Runda ee magaalada Nairobi.

7/27/2012 8:35 AM EST
Jimco, July 27, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa maanta soo saaray war-murtiyeed ka kooban 11-qodob oo lagu eegayo dadka u sharaxan ka mid noqonshada xubnaha baarlamaanka cusub ee Soomaaliya oo lagu wado inay odayaasha dhaqanku soo gudbiyaan dhawaan magacyadooda.

7/27/2012 7:54 AM EST
Jimco, July 27, 2012 (HOL) — Waxaa maanta oo Jimco ah hakaday shirkii ansixinta dastuurka oo geli lahaa maalitiisii saddexaad, iyadoo qarax khasaare geystay lagu weeraray bar-koontarool oo laga ilaaliyo goobta uu shirku ka socdo.

7/27/2012 7:37 AM EST
Jimco, July 27, 2012 (HOL) — Saraakiisha ciidamada dowladda KMG iyo kuwa ururka Raaskaambooni ee gobollada Jubooyinka ayaa ku hanjabay in xoogagga Al-shabaab ay kala wareegi doonaan guud ahaan Jubooyinka kahor inta aan la gaarin 20-ka bisha fooda nagu soo heyso ee August.

7/27/2012 6:52 AM EST
Jimco, July 27, 2012 (HOL) — Afhayeenka AMISOM Col. Cali Aadan Xaamud ayaa sheegay inay soo gaba-gabeeyeen wajigii koowaad ee howlgalladii ciidan ee ay ka wadeen magaalada Muqdisho iyo hareeraheeda, isagoo sheegay inuu billaabi doono wajiga labaad ee howgalkooda Soomaaliya.

7/27/2012 6:34 AM EST
Jimco, July 27, 2012 (HOL) — Waxaa si rasmi ah galinkii danbe ee maalintii shalay oo Khamiis aheyd uga furmay magaalada Baladweyne Tartan kubadda cagta ah oo lagu maamusayo bisha Ramadaan.

7/27/2012 5:39 AM EST
Jimco, July, 27, 2012 (HOL)- Hogaanka Sare ee ururka Siyaasadeedka XAQSOOR Somaliland, ayaa soo dhoweeyey nabaddii uu ku dhawaaqay hogaamiyaha SSC Saleebaan Xago Toosiye, waxaanay ku baaqeen in nabadaasi la wada qaato, xukuumadana ugu baaqay inay baaqii nabadeed ee ay u jeediyeen reer Buuhoodle ay ficilkii ku daraan oo nabadaasi si weyn loo taageero.

7/27/2012 5:33 AM EST
Jimco, July 27, 2012 (HOL)- Dadweyne Cadhaysan ayaa shiid iyo dhagax ku weeraray maamulka dawladda Hoose ee degmadda Caynaba, waxaanay halkaasi dhaawac ka soo gaadhay maayarkii magaalada iyo masuuliyiin kale.

7/27/2012 4:47 AM EST
Jimco, July 27, 2012 (HOL) — Wasaaradda gaashaandhigga Britain ayaa xaqiijisay in koox yar oo ciidammo ah isla markaana caawinaya kuwa Midowga Afrika ee AMISOM ay kaga sugan yihiin gudaha Soomaaliya.