12/2/2021
Today from Hiiraan Online:  _
Wararka Maanta- Talaado, July 17, 2012
Duqa degmada Baladweyne ee Xarunta Gobolka Hiiraan oo ku baaqa in la caawiyo dadka dhibaateysan bisha Ramadaan
Talaado, July 17, 2012 (HOL) — Duqa degmada Baladweyne ee maamul gobolka Hiiraan Max’ed Xassan Nuuriye  oo la hadllay HOL ayaa ugu baaqay ganacsatada iyo dadka  dhaqaallahoodu wanaagsan yahay in ay caawiyaan bisha Ramaadaan dadka ku dhibaateysan xareyahay barakacayaasha magaalada Baladweyne.

Max’ed Xassan oo maanta kormeeray qaar ka mid ah xeryaha ay ku jiraan dadka barkacayaasha ah waxaa uu sheegay in xaalado dhinaca nolasha ah oo aad u liita ay halkaa ka jiraan, islamarkaana u baahan yihiin dadkaas in sida ugu dhaqsiyaha badan loo caawiyo.

"Dabcan waa dad u baahan in ay bisha Ramadaan Soomaan, sidaa daraadeed waxaa ay u baahan yihiin in la gargaaro, waayo dhibaato xoog leh oo dhinaca nolasha ayaa heysta,’’ ayuu yiri,’’ Duqa degmada Baladweyne.

Dhinaca kale waxaa uu digniin adag u dirray dadka sida uu hadalka u dhigay caadeystay bisha Ramadaan inta lagu guda jiro in ay iibiyaan raashinka iyo waxyaabaha bisil, isaga oo sheegay in cid kasta oo arintaa lagu qabto sharciga la horgeyn doono.

"Hadda ayaan ka sii digeynaa, ma arki karno goob ganacsi oo raashin bisil lagu iibinayo, lamana arki karo qof magaalada dhaxdeeda wax ku cunaya ama ku cabaya, dadka noocaas ah ciidamada maamulku talaabo ayeey ka qaadi doonaan," ayuu yiri,’’ Max’ed Xassan Nuuriye.

Waxaa uu sheegay in ay jiri karaa dad cudur daar leh oo aan soonka ku waajib, laakiin dadkaasi laftirkooda loo baahan yahay in aysan dibada wax ku cunin si loo ilaaliyo loona xushmeeyo bisha Ramadaan.

Hadalka Duqa degmada Max’ed Xassan Nuuriye ayaa imanaya xili wax ka yar labo cisho ay naga xigto bilashada bisha Ramadaan oo ah bil u baahan in si wada jir ah looga wada faa’ideysto.

C/raxmaan Diini, Hiiraan Online
[email protected]
Baladweyne, Soomaaaliya












Click here
7/17/2012 9:28 AM EST
Talaado, July 17, 2012 (HOL) — Dood wadaaggii u horreeyay oo shacabka ay kaga doodaan marxalada kala guurka oo ay kasoo qayb-galeen madaxda dowladda KMG, wasiiro, xildhibaanno, haweenka iyo culumaa'udiin ayaa maanta Muqdisho lagu qabtay, iyadoo dooddan inteeda badan looga hadlay doorka haweenku ku leeyihiin hoggaanka dalka iyo siyaasadda.

7/17/2012 8:47 AM EST
Talaado, July 17, 2012 (HOL) — Dagaallo culus oo u dhexeeya ciidamada DKMG ah iyo Xarakada Al-shabaab ayaa ka socda duleedka degmada Baardheere ee gobolka Gedo, iyadoo dadka ku sugan degmadaas ay walaac ka muujinayaan dagaallada.

7/17/2012 8:46 AM EST
Talaado, July 17, 2012 (HOL) — golaha Wakiiladda ayaa isku raacay qaabkii ay golaha guurtiddu usoo jeediyeen in lagu galo Doorashadda golaha deegaanka, taas oo ka hor imanaysa qaabka ay rabeen in lagu galo doorashadda Guddidda Doorashooyinka Somaliland.

7/17/2012 8:44 AM EST
Talaado, July 17, 2012 (HOL) — Ardaydan oo ka baxay qaybaha kala duwan ee kulliyadda dhaqaalaha Jaamacadda Muqdisho ayaa maanta munaasabad ay ku qalin jabinayeen loogu sameeyay Muqdisho, taasoo ay ka qaybgaleen mas'uuliyiin kala duwan.

7/17/2012 5:56 AM EST
Talaado, July 17, 2012 (HOL) — Labo qarax oo loo maleynayo in ay ahaayeen kuwo ka dhashay miinada meelaha fog laga hago ayaa saakay waabarigii hore ka dhacay bartamaha magaalada Baladweyne ee xarunta gobolka Hiiraan.

7/17/2012 5:53 AM EST
Talaado, July 17, 2012 (HOL) — Saraakiisha ciidamada dowladda KMG ee ku sugan deegaanka Hoosingoow ee gobolka Jubada Hoose ayaa sheegay in uu isu soo dhiibay sargaal sare oo katirsan Al-shabaab.

7/17/2012 3:19 AM EST
Talaado, July 17, 2012 (HOL) — Ra'iisul wasaare ku xigeenkaTurkiga, Bakir Buzdag iyo wafdi uu hoggaaminayo oo maanta soo gaaray Muqdisho ayaa dhagax-dhigay raadeer cusub oo laga dhisayo garoonka diyaaradaha Aadan Cadde ee magaalada Muqdisho.

7/17/2012 3:12 AM EST
Talaado, July 17, 2012 (HOL) — Saddex ka tirsan saraakiisha booliiska Kenya ayaa lagu dilay weerar gaadmo ah oo ka dhacya deegaan Libooyo oo ku dhow soohdinta ay wadagaan Soomaaliya iyo Kenya, iyadoo la sheegay in kooxihii weerarka fuliyay ay baxsadeen.

7/17/2012 3:07 AM EST
Talaado, July 17, 2012 (HOL) — Guddi farsamo oo ka shaqayn doonta horumarka iyo baahiyaha magaalada Hargeysa ayaa shir ku yeeshay hotel Crown ee Hargeysa kaga hadlay horumarinta magaalada, kuwaasoo kasoo saaray baaq ku aadan in nin aan reer Hargeysa ahayn uusan isku soo sharaxi karin golaha deegaanka Hargeya inta caasimadda loo samaynayo xeer u gaar ah oo ka duwan magaalooyinka kale.