12/6/2021
Today from Hiiraan Online:  _
Wararka Maanta- Isniin, July 16, 2012
Xarakada Al-shabaab oo sheegtay inay difaacanayso Magaalada Kismaayo ee Xarunta Gobolka Jubbada Hoose
Isniin, July 16, 2012 (HOL) — Xarakada Al-shabaab ayaa maanta sheegtay inay difaacaynayso magaalada Kismaayo ee gobolka Jubbada hoose, halkaasoo ay ku wajahan yihiin ciidamada Kenya ee ka mid noqday AMISOM, kuwa Dowladda KMG ah iyo xoogagga Raaskambooni.

Gudoomiyaha Xarakada Al-shabaab ee Kismaayo, Sheekh Xasan Yacquub Cali ayaa sheegay inay ka go'an tahay inay difaacdaan magaalada Kismaayo, isagoo Kenya ku eedeeyay inay doonayso inay boobto hantida shacabka Soomaaliyeed.

"Dowladda Kenya waxay doonaysaa inay nafta iyo maalka umadda Soomaaliyeed boogto, innagana waxaa naga go'an inaan iska difaacno," ayuu yiri Sheekh Xasan Yacquub oo shacabka ku nool Kismaayo ugu baaqay inay diyaar u diyaar-garoobaan.

Saraakiisha AMISOM iyo kuwa Kenya ayaa ku tilmaamay Kismaayo goob muhiim u ah Al-shabaab, iyadoo aan laga qabsanna aan awoodda kooxdaas la dumin karin, iyagoo xilligaas ku dhawaaqay inay Kismaayo qabsan doonaan inta aan la gaarin bisha Ogoosto ee sannadkan oo ay dhacayso dowladda KMG ah.

Sidoo kale, Sheekh Xasan Yacquub ayaa sheegay in ujeedka Kenya ay Soomaaliya u soo gashay aysan ahayn inay difaacanayso xuduudkeeda, balse ujeeddadeedu ay tahay sidii ay u qabsan lahaayeen qaybo ka mid ah dhulka Soomaaliya.

"Kenya waxay dunida weydiisatay kaalmo ay kula dagaalanto mujaahidiinta, taas ayaana caddeyn u ah inaysan doonayn inay xuduudaha dalkeeda difaacato, beentii ay sheegi jirtayna way soo baxday," ayuu yiri Sheekh Xasan Yacquub.

Hadalka mas'uulkan u hadlay Al-shabaab ayaa kusoo beegmaya xilli degmooyin dhowr ah oo ku dhow magaalada Muqdisho ay ka qabsadeen ciidamada AMISOM iyo kuwa dowaldda KMG ah oo is-garabsanaya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/16/2012 1:29 PM EST
Isniin, July 16, 2012 (HOL) - Waxaa maanta albaabada loo laabay in badan oo kamid ah goobaha ganacsiga ee magaalada Boosaaso, oo iyadu ah xarunta ganacsiga iyo dhaqaalaha ee dowlad goboleedka Puntland.

7/16/2012 9:47 AM EST
Isniin, July 16, 2012 (HOL) — Kooxo sita labiska ciidamada DKMG ah ee Soomaaliya ayaa xalay ku toogtay degmada Afgooye ganacsade iyo wiil uu dhalay oo lagu kala magacaabi jiray, Cismaan Axmed Xuseen iyo wiilkiisa Maxamed Cismaan Axmed, kaddib markii ay ku weerareen dukaankooda oo ku yaala bartamaha degmadaas.

7/16/2012 9:45 AM EST
Isniin, July 16, 2012 (HOL) - Ra'iisul wasaarihii hore ee Soomaaliya Maxamed C/laahi Farmaajo ayaa si deggan uga jawaabay warbixintii qaramada midoobay ay soo saartay ee qaar kamid hogaamiyayaasha dawlada ku eedaysay musuqmaasuq iyo lunsashada hantida qaranka.

7/16/2012 8:37 AM EST
Isniin, July 16, 2012 (HOL) — Madaxweyne ku xigeenka Somaliland Md: Cabdiraxmaan Cabdilaahi Ismaaciil (Saylici) oo safar xaqiiqo raadis ah u tagay goboladda galbeedka Somaliland ee abaaruhu aad u dhibaateeyeen, kuwaas oo dad iyo duunyaba saamaysay, waxaanu caalamka iyo bulshadda ku booriyey inay gurmad u fidiyaan dadkaasi.

7/16/2012 8:11 AM EST
Isniin, July 16, 2012 (HOL) — Dowladda Soomaaliya ayaa maamul cusub maanta u magacowday gobolka Galguduud ee bartamaha Soomaaliya oo ay ka kala taliyaan Ururrada Ahlusunna Waljmaaaca iyo Xarakada Al-shabaab.

7/16/2012 8:09 AM EST
Isniin, July 16, 2012 (HOL) — Ra'iisul wasaaraha Itoobiya, Meles Zenawi ayaan ka qaybgalay shirka madaxda ururka Midowga Afrika uga socda Addis Ababa, iyadoo ay ilo wareedyo hoose sheegayaan inuu aad u xanuunsan yahay.

7/16/2012 6:33 AM EST
Isniin, July 16, 2012 (HOL) — Maxamuud Cabdi Ibraahim (Garweyne) oo ka mid ahaa xildhibaannada baarlamaanka Soomaaliya horayna u soo noqday wasiir ayaa ku dhintay qarax maanta oo Isniin ah ka dhacay degmada Xamar-weyne ee gobolka Banaadir; iyadoo qaraxaas ay ku dhaawacmeen sideed qof oo laba ka mid ah ay la saarnaayeen gaariga.

7/16/2012 3:55 AM EST
Isniin, July 16, 2012 (HOL) — Dhallinyaro Soomaaliyeed oo ay xabsi ku hayaan koox malleeshiyo ah oo gacanta ku haysa magaalada Misraata ee dalka Liibiya ayaa ka cabanaya dhibaatooyin lagu hayo.

7/16/2012 3:35 AM EST
Isniin, July 16, 2012 (HOL) — Madaxda ururka Midowga Afrika ayaa xalay u doortay in haweeney ay markii ugu horreysay hoggaamiso ururka Midowga Afrika, taasoo ah wasiirradda arrimaha gudaha ee dalka Koonfur Afrika, Nkosazana Dlamini-Zuma oo dhowr wareeg oo doorasho ah kaga guleysatay hoggaamiyihii Midowga Afrika, Jean Ping oo u dhashay dalka Gaaboon.

7/16/2012 2:55 AM EST
Isniin, July 16, 2012 (HOL) — Ra'iisul wasaaraha xukuumadda Soomaaliya, C/wali Maxamed Cali ayaa sheegay inay heer gabo-gabo ah marayaan howlaha looga gudbayo xilliga KMG ah ee Soomaaliya, isagoo sheegay inuu rajo wanaagsan ka qabo in howshan ay ku dhammaanto xilligii loo qabtay.