12/6/2021
Today from Hiiraan Online:  _
Wararka Maanta- Axad, July 15, 2012
Kooxo Bastoolado hubeysan oo Degmada Huriwaan ee Gobolka Banaadir ku dilay laba ruux mid kalena ku dhaawacay
Axad, July 15, 2012 (HOL) — Kooxo bastoolado ku hubeysan ayaa maanta ku dilay xaafadda Suuqa Xoolaha ee degmada Huriwaa laba wiil oo dhallinyaro ah, halka ay mid kalena ku dhaawacmeen.

Ma jirto cid sheegatay inay mas'uul ka tahay dilka loo geystay labadan ruux ee dhallinyarada ah iyo dhaawaca mid kale, iyagoo kooxihii dilalka iyo dhaawaca geystay ay u suurogashay inay ka baxsadana halkii ay falka dilka ah ku geysteen.

"Laba nin oo wajiga qarsaday kuna hubeysan bastoolado ayaa dilka geystay, wayna baxsadeen... ma garanayno sababta ay u dileen dhallinyaradan," ayuu yiri wiil la dhashay mid ka mid ah labada wiil ee la toogtay.

Goobjoogayaal ayaa sheegay in falalka noocan oo kale ah ay dhowr jeer ka dhaceen xaafadda Suuqa Xoolaha halkaasoo horraantii bishan ay ciidamada DKMG ah iyo kuwa AMISOM kala wareegeen Al-shabaab.

Ciidammo ka tirsan kuwa dowladda oo isugu jira booliis iyo milateri ayaa goobta gaaray iyagoo billaabay inay baaritaanno sameeyaan, waxaana falkan uu kusoo beemayaa iyadoo shalay isla degmadaas qarax lagula beegsaday ciidammo ka tirsan kuwa dowladda.

Degmada Huriwaa oo cirifka waqooyi ee Muqdisho ku taalla ayaa waxaa inta badan ka dhaca dilal qorsheysan oo ay geystaan kooxo hubeysan oo wajiyada qarsaday, waxaana sidoo kale ka dhaca weerarro intooda badan lala beegsado saldhigga iyo guriga guddoomiyaha degmada Huriwaa.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/15/2012 6:48 PM EST
Axad, July 15, 2012 (HOL) - Tartan kubada cagta ah oo loogu magac darey Somali Week Seattle ayaa waxoow si xiiso badan uga socdey garoomada Chief Sealth Stadium iyo Foster High Stadium kasoo eey ka qeyb galayeen 12 kooxood oo ka kala yimid magaaladan Seattle iyo Goboladda waaweyn ee dalka Mareykanka sida Minnesota, Denver, Utah, Oregon.

7/15/2012 9:00 AM EST
Axad, July 15, 2012 (HOL) — Guddoomiyaha guddidda Doorashooyinka Somaliland, Ciise Yuusuf Xamari ayaa ka hadlay tallo soo-jeedin ay u soo jeediyeen goleyaasha Sharci dejinta inay wax ka bedelaan Astaantii hore ee doorashooyinka lagu gali jiray oo ay ka dhigeen in number lagu galo si ay ugu fududaato hawlaha doorashooyinka, balse soo jeedintaasi guddidda Doorashooyinka waxa ku gacan saydhay golaha Guurtidda oo diiday in number lagu galo doorashooyinka, maadaama oo ay badan yihiin dadka aan waxna qorin waxna akhriyin, isla markaana ay ku wareerayaan dadkaasi qofkay codka siin lahaayeen, sidaa awgeed ay lagu gallo doorashadda sidii birigii hore ee astaan lagu gali jiray.

7/15/2012 7:57 AM EST
Axad, July 15, 2012 (HOL) — Ugu yaraan hal qof ayaa ku dhintay, 16-qof oo kalena way ku dhaawacmeen iska-horimaadyo bartamaha magaalada Addis Ababa ee dalka Itoobiya ku dhexmaray salay oo Sabti ahayd booliiska federaalka dalkaas iyo kooxo muslimiin ah.

7/15/2012 3:14 AM EST
Axad, July 15, 2012 (HOL) - Kooxda Baarista (Monitoring Group) oo ay Golaha Ammaanka ee Qaramada Midoobay u xilsaartay baarista qaabka loo maamulay dhaqaalaha soo gala dowladda KMG ah ee Soomaaliya ayaa warbixin hordhac ah oo laga helay ku eedesay madaxda sare ee dowladda Soomaaliya inay lunsadeen hanti gaareysa 131-milyan oo doollar.

7/15/2012 2:55 AM EST
Axad, July 15, 2012 (HOL) — Xarakada Al-shabaab ayaa guulo ka sheegatay iska-horimaadyo ka dhacay deegaanno ka tirsan gobollada Bakool iyo Shabeellada Hoose iyo waddada isku xirta Muqdisho iyo Afgooye.

7/15/2012 2:35 AM EST
Axad, July 15, 2012 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa safar shaqo ku tagay magaaladda Boorame ee gobolka Awdal, isagoo sheegay inuu doonayo inuu u yimid si uu gacan uga gaysto abaaraha baahsan ee ka jira deegaanadaasi.

7/15/2012 2:32 AM EST
Axad, July 15, 2012 (HOL) — Iska-horimaad xooggan oo u dhexeeya ciidamada dowladda KMG ah oo kaashanaya kuwa AMISOM iyo xoogagga Al-shabaab ayaa maanta ka dhacay meel qiyaastii 5-km u jirta magaalada Afmadow ee gobolka Jubada Hoose.