11/29/2021
Today from Hiiraan Online:  _
Wararka Maanta- Axad, July 15, 2012
Iskahorimaad khasare geystay oo ka dhacay duleedka Degmada Afmadow ee Gobolka Jubbada Hoose

Axad, July 15, 2012 (HOL) — Iska-horimaad xooggan oo u dhexeeya ciidamada dowladda KMG ah oo kaashanaya kuwa AMISOM iyo xoogagga Al-shabaab ayaa maanta ka dhacay meel qiyaastii 5-km u jirta magaalada Afmadow ee gobolka Jubada Hoose.

Iska-horimaadkan ayaa yimid kaddib markii cutubyo ka tirsan dagaalyahannada Al-shabaab ay weerar xooggan ku qaadeen saldhig ay ciidamada dowladda iyo kuwa AMISOM gaar ahaan kuwa Kenya ay ku lahaayeen duleedka Degmadaasi, waxaana labada dhinac dhexmaray dagaal la isku adeegsaday hubka noocyadiisa kala duwan.

"Dagaal culus ayaa ka dhacay meel Magaalada u dhow, rasaasta ay labada dhinac isweeydaarsanayeenna waxaa laga maqlayay magaalada Afmadow," ayuu yiri Goobjooge lagu magacaabo Ibraahim Dhuuboow oo HOL u waramay isagoo ku sugan Afmadow.

Masuuliyiin katirsan dowladda KMG oo aan la xiriirnay ayay inoo suurogeliweysay in aan ka helno wax faahfaahin ah oo ku saabsan iska-horimaadka maanta ka dhacay duleedka Afmadow.

Sidoo kale, illaa hadda ma jiraan wax warar ah oo ku saabsan dagaalkaasi oo kasoo baxay dhanka Xarakada Al-shabaab oo tan iyo bishii Oktoobar ee sannadkii hore kula dagaalamaysay gobolkaas ciidamada Kenya.

Ilo madaxbannaan oo laga helayo Afmadow ayaa sheegaya in dagaalkii maanta uu sababay dhimashada sedex qof iyo dhaawaca laba kale oo dhinacyadii dagaalamayay ah.

Xaaladda magaalada Afmadow ayaa haatan ah mid dagan, waxaana goobihii uu iskahorimaadka ka dhacay weli ku sugan ciidamada huwanta ah ee dagaalka kula jira Al-shabaab.

Xasan Nuur, Hiiraan Online
[email protected]
Kismaayo, Soomaaliya













Click here
7/15/2012 6:48 PM EST
Axad, July 15, 2012 (HOL) - Tartan kubada cagta ah oo loogu magac darey Somali Week Seattle ayaa waxoow si xiiso badan uga socdey garoomada Chief Sealth Stadium iyo Foster High Stadium kasoo eey ka qeyb galayeen 12 kooxood oo ka kala yimid magaaladan Seattle iyo Goboladda waaweyn ee dalka Mareykanka sida Minnesota, Denver, Utah, Oregon.

7/15/2012 9:00 AM EST
Axad, July 15, 2012 (HOL) — Guddoomiyaha guddidda Doorashooyinka Somaliland, Ciise Yuusuf Xamari ayaa ka hadlay tallo soo-jeedin ay u soo jeediyeen goleyaasha Sharci dejinta inay wax ka bedelaan Astaantii hore ee doorashooyinka lagu gali jiray oo ay ka dhigeen in number lagu galo si ay ugu fududaato hawlaha doorashooyinka, balse soo jeedintaasi guddidda Doorashooyinka waxa ku gacan saydhay golaha Guurtidda oo diiday in number lagu galo doorashooyinka, maadaama oo ay badan yihiin dadka aan waxna qorin waxna akhriyin, isla markaana ay ku wareerayaan dadkaasi qofkay codka siin lahaayeen, sidaa awgeed ay lagu gallo doorashadda sidii birigii hore ee astaan lagu gali jiray.

7/15/2012 8:59 AM EST
Axad, July 15, 2012 (HOL) — Kooxo bastoolado ku hubeysan ayaa maanta ku dilay xaafadda Suuqa Xoolaha ee degmada Huriwaa laba wiil oo dhallinyaro ah, halka ay mid kalena ku dhaawacmeen.

7/15/2012 7:57 AM EST
Axad, July 15, 2012 (HOL) — Ugu yaraan hal qof ayaa ku dhintay, 16-qof oo kalena way ku dhaawacmeen iska-horimaadyo bartamaha magaalada Addis Ababa ee dalka Itoobiya ku dhexmaray salay oo Sabti ahayd booliiska federaalka dalkaas iyo kooxo muslimiin ah.

7/15/2012 3:14 AM EST
Axad, July 15, 2012 (HOL) - Kooxda Baarista (Monitoring Group) oo ay Golaha Ammaanka ee Qaramada Midoobay u xilsaartay baarista qaabka loo maamulay dhaqaalaha soo gala dowladda KMG ah ee Soomaaliya ayaa warbixin hordhac ah oo laga helay ku eedesay madaxda sare ee dowladda Soomaaliya inay lunsadeen hanti gaareysa 131-milyan oo doollar.

7/15/2012 2:55 AM EST
Axad, July 15, 2012 (HOL) — Xarakada Al-shabaab ayaa guulo ka sheegatay iska-horimaadyo ka dhacay deegaanno ka tirsan gobollada Bakool iyo Shabeellada Hoose iyo waddada isku xirta Muqdisho iyo Afgooye.

7/15/2012 2:35 AM EST
Axad, July 15, 2012 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa safar shaqo ku tagay magaaladda Boorame ee gobolka Awdal, isagoo sheegay inuu doonayo inuu u yimid si uu gacan uga gaysto abaaraha baahsan ee ka jira deegaanadaasi.