11/28/2021
Today from Hiiraan Online:  _
Wararka Maanta- Sabti, July 14, 2012
Bannaanbax sababay dhimasho oo Maanta ka dhacay Degmada Dhuuso-Mareeb
Sabti, July 14, 2012 (HOL) — Hal qof ayaa ku dhintay bannaanbax cabasho ah oo maanta ka dhacay degmada Dhuusomareeb ee xarunta gobolka Galguduud halkaas oo uu ka taliyo maamulka Ahlusunna Waljamaaca.

Dadweyne badan oo ka cabanayay xirnaashaha isbitaalka guud ee degmada ayaa waxay dibadbaxan ka hordhigeen illinka hore ee isbitaalka, iyadoo halka qof uu ku dhintay rasaas ay fureen ilaalada isbitaalkaas.

"Waxaan ka cabanaynaa waa xirnaashaha isbitaalka Dhuuso-mareeb; mana helno daryeel caafimaad. Isbitaal waxaa noogu sokeysa Guriceel," ayuu yiri C/qani Axmed Nuur oo ka mid ahaa dadkii dibadbaxa dhigayay.

Haween ka qaybqaadanayay dibadbaxa ayaa iyaguna sheegay in sababta ay u dhigeen dibadbaxa ay tahay si ay uga cawdaan xirnaashaha isbitaalka iyadoo ay caruurta iyo haweenka degmadaas ku sugan haysato xaalado caafimaad darro.

Isbitaalka degmada Dhuusomareeb ayaa wuxuu maalmo ka hor u xirnay muran soo dhexgalay hay'adda Chispa oo caawin jirtay isbitaalka iyo maamulka isbitaalkaas, taasoo keentay in hay'addu ku dhawaaqdo inay joojiso howlihii ay isbitaalkaas ka haysay.

Maamulka Ahlusunna ayaan weli ka hadlin dibadbaxii maanta, waxaase markii uu soo xirnay dibadbaxa gaaray goobta ciidammo fara badan oo ka mid ah kuwa Ahlusunna kuwaasoo sheegay inay baaris ku sameyn doonaan sababaha keenay in la dhigo dibadbaxa uu qofka rayidka ah ku dhintay.

Waa markii ugu horreysay oo shacabka ku nool degmada Dhuuso-mareeb ay isugu soo baxaan bannaanbax ay uga cabanayaan xirnaashaha isbitaalka degmadaas oo ay ku nool yihiin dadweyne fara badan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/14/2012 9:29 AM EST
Sabti, July 14, 2012 (HOL)- Carwadda caalamiga ah ee Buugaagta ee Hargeysa oo sanad walba la dhigo ayaa lagu qabtay hoolka guriga shaqaalaha ee badhtamaha magaaladda Hargeysa, halkaas oo ay ka soo qaybgaleen boqolaal dadweyne oo xiisaynaya barnaamijyadda kala duwan ee ka socday hoolkaasi.

7/14/2012 8:54 AM EST
Sabti, July 14, 2012 (HOL) — Shir looga hadlayay xaqiijinta ammaanka goobaha lagu qabanayo shirka ansixinta dastuurka iyo xulidda xildhibaannada Soomaaliya ayaa maanta waxaa Muqdisho ku yeeshay mas'uuliyiin ka socday dowladda KMG ah, AMISOM iyo xubno matalayay Qaramada Midoobay.

7/14/2012 8:12 AM EST
Sabti, July 14, 2012 (HOL) — Madaxweynaha Soomaaliya, Sheekh Shariif Sheekh Axmed, ra'iisul wasaaraha C/weli maxamed Cali iyo afhayeenka baarlamaanka Shariif Xasan Sheekh Aadan oo maanta si wadajir ah ula kulmay odayaasha dhaqanka ee ku shirsan Muqdisho ayaa ka codsaday inay soo dedejiyaan xulista ergooyinka.

7/14/2012 7:37 AM EST
Sabti, July 14, 2012 (HOL) — Ciidamada AMISOM ayaa fariisin rasmi ah ka dhigtay xerada Laanta-buuro ee gobolka Shabeellada hoose oo maalmo ka hor ay dagaal uga qabsadeen Xarakada Al-shabaab.

7/14/2012 7:21 AM EST
Sabti, July 14, 2012 (HOL) — Iyadoo lagu wado in dhammaadka bishan uu ka furmo magaalada London ee dalka Britain ciyaaraha olombikada dunida ayaa Soomaaliya waxay nasiib u yeelatay inay ka qaybgasho ciyaarahan, waxayna sheegeen orod-yahannada ku ordaya magaca Soomaaliya inay natiijo wanaagsan kasoo hoyn doonaan ciyaarahaas.

7/14/2012 5:16 AM EST
Sabti, July 14, 2012 (HOL) — Munaasabad si heer sare ah loo soo agaasimaya oo ay soo qaban qaabiyeen maamulka, macalimiinta iyo ardayda wax ka barata Jaamacadda Hiiraan University ayaa lagu qabtay magaalada Baladweyne.

7/14/2012 5:13 AM EST
Sabti, July 14, 2012 (HOL) — Maamulka Xarakada Al-shabaab ee gobollada Jubbooyinka ayaa maanta meel fagaare ah ku gubay gaadiid si sharci-darro ah jaad kusoo geliyay magaalada Kismaayo ee xarunta gobolka Jubada hoose.

7/14/2012 3:31 AM EST
Sabti, July 14, 2012 (HOL) — Xukuumadda KMG ah ee Soomaaliya ayaa sheegtay in howgallo ay ciidamada dowladdu ka sameeyeen Muqdisho lagu soo qabqabtay dad badan oo xiriir la leh Xarakada Al-shabaab.

7/14/2012 3:23 AM EST
Sabti, July 14, 2012 (HOL) — Hay'adda sirdoonka Faransiiska ayaa sheegtay inuu weli nool yahay, Denis Allex oo ah sarkaal tababaray ciidamada Dowladda Somalia oo sannadkii 2009 ay isaga iyo sarkaal kale oo baxsaday ku afduubeen magaalada Muqdisho ee xarunta Soomaaliya.

7/14/2012 3:09 AM EST
Sabti, July 14, 2012 (HOL) — Hay'adda caafimaadka dunida ee WHO ayaa sheegtay inay walaac xooggan ka qabto inay kordhaan tirada dadka qaba cudurka daacuunka ee ku nool magaalada Kismaayo ee gobolka Jubbada Hoose oo ay gacanta ku hayso Xarakada Al-shabaab.

7/14/2012 2:53 AM EST
Sabti, July 14, 2012 (HOL) — Guddoomiyaha baarlamaanka Soomaaliya, Shariif Xasan Sheekh Aadan oo dib ugu soo laabtay dalka Jimcihii shalay ayaa sheegay in caasimadda Soomaaliya ee Muqdisho aysan ahayn wax gorgortan geli kara, sidoo kale wuxuu ku baaqay in la taageero hannaanka looga baxayo xiolliga KMG ah.