1/29/2023
Today from Hiiraan Online:  _
Wararka Maanta- Axad, July 1 , 2012
Faahfaahinno kasoo baxaya Weerarro khasaare badan geystay oo lagu qaaday Kaniisado ku yaalla Magaalada Gaarisa

Axad, July 01, 2012 (HOL) — Ugu yaraan 15-qof oo laba sarkaal oo booliiska Kenya ka tirsan ay ku jireen ayaa ku dhintay, 50-ruux oo kalena way ku dhaawacmeen weerarro lagu qaaday lagu weeraray laba kaniisadood oo ku yaalla magaalada Gaarisa ee gobolka Waqooyi-bari ee dalka Kenya.

Weerarradan oo isugu jiray qaraxyo iyo kuwo toos ah ayaa dowladda Kenya waxay ku eedeysay Xarakada Al-shabaab oo ciidamadooda ay kula dagaalamayaan qaybo ka tirsan Koonfurta Soomaaliya, inkastoo Al-shabaab aysan sheegin inay mas'uul ka tahay weerarkaas iyo in kale.

Taliye ku xigeenka ciidanka booliiska gobolka Waqooyi-bari ee Kenya, Philip Ndolo oo saxaafadda la hadlay ayaa sheegay in weerarka kaniisadaha ay isugu jireen kuwo toos ah iyo bambooyin isagoo xusay in 15-qof ee dhintay dhammaantood la toogtay.

"Dadka dhintay waxaa ku jiray laba sarkaal oo booliis ah, kuwaasoo lagu toogasho toos ah; dadka kale ee dhintay waxaa ka mid ahaa lix haween ah iyo laba rag ah," ayuu taliye ku xigeenku u sheegay warbaahinta.

Isbitaalka guud ee Gaarisa ayaa la dhigay dhaawacyadii ka dhashay weerarrada, iyadoo dadka intooda badan ay ku dhaawacmeen rasaas la furay qaraxyada kaddib, waxayna dhaawacyadu isugu jiraan kuwo halis ah iyo kuwo fudud.

Goobjooge magaciisa ku sheegay Dennis Nzioki oo ku sugnaa bannaanka kaniisadda AIC ayaa saxaafadda u sheegay in bambooyin lagu tuuray kaniisadda ayna kaga dhaceen dusha sare uuna maqlay qarax weyn, markaas kaddibna la furay rasaas fara badan.

Weerar ayaa wuxuu imaanayaa iyadoo maalin ka hor laga xeryaha Dhadhaab ee dalka Kenya laga afduubay afar ruux oo samafalayaal ah kuwaasoo u shaqeynayay hay'adda NRC weli aan la ogeyn halka lagu haysto.

Bishii Abriil ee sannadkan ayaa bambooyin lagu weeraray kaniisad ku taalla magaalada Nairobi ee dalka Kenya waxaa lagu dilay laba qof 15-qof oo kalena dhaawacyo kala duwan ayaa gaaray.

Dalka Kenya ayaa tan iyo bishii Oktoobar ee sannadkii hore oo uu ciidammo u diray gudaha Soomaaliya waxaa ka dhacayay qaraxyo lala beegsanayo goobo ay ka mid yihiin kaniisadaha, boosteejooyinka basaska laga raaco iyo goobaha kale ee muhiimka ah, kuwaasoo geystay khasaarooyin isugu jira dhimasho iyo dhaawac.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/1/2012 5:05 PM EST
Axad, July 01, 2012(HOL): Xulka Spain ayaa markii 2aad ku guuleystay koobka qaaradda Yurub kaddib markii uu 4—0 ku dhuftay xulka Italy oo rajo ka qabay in uu koobkan hanto.

7/1/2012 4:16 PM EST
Axad, July 01, 2012(HOL): Xaflad lagu maamuusayay 52 guuradii ka soo wareegatay markii ay Gobollada Koofureed ee Soomaaliya ay xornimada ka qaadeen gumeystihii Talyaaniga, sidoo kale ay midoobeen gobollada Waqooyi iyo Koofur ee Soomaaliya ayaa maanta lagu qabtay magaalada Eskilstuna ee dalka Sweden.

7/1/2012 8:38 AM EST
Axad, July 01, 2012 (HOL) — Munaabasad lagu xusayay 1-da Luuliyo ayaa maanta ka dhacday garoonka kubadda cagta ee Banaadir, kaasoo ay ka qaybgaleen madax ka tirsan dowladda KMG ah oo uu ku jiray madaxweynaha iyo kumannaan dadweyne ah.

7/1/2012 8:34 AM EST
Axad, July 01, 2012 (HOL) — Kooxo hubeysan ayaa xalay waqooyiga degmada Gaalkacyo ee gobolka Mudug ku toogtay xeer ilaaliyihii maxkamadda gobolka ee maamulka Puntland, Bashiir Cabdi Maxamed oo ku magac-dheeraa Garas.

7/1/2012 7:35 AM EST
Boqollaal Soomaali ah ayaa xalay isugu tagay gurigii hore ee safaarada Soomaalida ee magaalada Nairobi, halkaasoo ay isugu yimaadeen qaar kamid madaxda qaranka.

7/1/2012 7:33 AM EST
Axad, July 01, 2012 (HOL) — Xarakada Al-shabaab ayaa sheegatay inay weerar ka dhacay deegaanka Lafoole ee duleedka Muqdisho ku dishay taliyihii ciidamada DKMG ah ee deegaankaas oo u dhexeeya Muqdisho iyo Afgooye.

7/1/2012 7:08 AM EST
Axad, July 01, 2012 (HOL) — Dhowr sano kadib waxaa xalay lagu qabtay magaalada Beledweyne ee xarunta gobollka Hiiraan munaasabad lagu maamuusayay 1-Luulyo oo ku beegan 1960-kii, maanta oo kale waqtigii ay ka xuroobeen gobollada Koonfurta Soomaaliya gumeystihii Talyaaniga iyo is raacii labada gobol Koonfur iyo Waqooyi.

7/1/2012 5:57 AM EST
Axad, July 01, 2012 (HOL) — Madaxweynaha Somaliland Mudane: Axmed Maxamed Maxamuud (Siillaanyo), ayaa kulan kula yeeshay hotelka uu ka degan yahay ee magaaladda Dubia hogaamiyihii SSC ee Sool, Sanaag iyo Cayn.

7/1/2012 5:55 AM EST
Axad, July 01, 2012 (HOL) — Ciidmaada dowladda KMG oo kaashanaya kuwa Raaskaambooni iyo Xoogagga Al-shabaab ayaa xalay ku dagaalamay deegaanka Qooqaani oo hoostaga Degmada Afmadow, iyadoona dagaalkaasi uu sababay khasaarooyin kala gaaray labada dhinac.

7/1/2012 4:07 AM EST
Axad, July 01, 2012 (HOL) — Wararka aynu ka heleyno magaalada Garisa ayaa sheegaya in goordhow qarax xooggan uu ka dhacay goob kaniisad ah oo ay ku sugnaayeen dadweeyne fara badan, iyadoona la sheegay in qaraxu sababay khasaarooyin lixaad leh.

7/1/2012 4:00 AM EST
Axad, July 01, 2012 (HOL) — Munaasabado lagu xusayay sannad-guuradii 52-aad ee kasoo wareegtay markii ay gobollada Koonfureed xoriyaddooda ka qaateen dalka Talyaaniga ayna midoobeen gobollada Koonfureed iyo waqooyi ee Soomaaliya ayaa xalay ka dhacay gobollada dalka qaarkood.

7/1/2012 3:34 AM EST
Axad, July 01, 2012 (HOL) — Wasiirka arrimaha dibadda ee dalka Yemen Abubakar Cabdalla Al-Qarbi ayaa ka guddoomaya waqadihii aqoonsiga danjirenimo qunsulka guud ee dowladda Soomaaliya u magacowday magaalada Cadan, Axmed Cabdi Xasan (Axmed Suudaan) kaddib kulan uu kula qaatay wasiirka oo ka dhacay Sanca.

7/1/2012 3:17 AM EST
Axad, July 01, 2012 (HOL) — Madaxweynaha Soomaaliya, Sheekh Shariif Sheekh Axmed oo khudbad dheer ka jeediyay munaasabad lagu xusayay 1-da Luuliyo oo xalay ka dhacday xarunta madaxtooyada Soomaaliya ayaa sheegay in loo baahan yahay in fikir mideysan la qaato si looga gudbo dhibaatada hadda jirta, dalkana loogu soo dabaalo dowladnimo iyo amni.