3/28/2024
Today from Hiiraan Online:  _
Wararka Maanta- Jimco, Dec 7 , 2012
Madaxweynaha Soomaaliya oo Magaalada Istanbuul kula kulmay Ra'iisul Wasaaraha Dalka Turkiga Erdogan

Jimco, December 07, 2012 (HOL) — Madaxweynaha Soomaaliya, Xasan Sheekh Maxamuud ayaa xalay magaalada Istanbuul ee dalka Turkiga kulan kula yeeshay ra'iisul wasaaraha dalkaas Recep Tayyip Erdogan, iyagoo kawada hadlay sidi xiriirka labada dal loo xoojin lahaa.


Xasan Sheekh iyo Erdogan ayaa waxay kulankooda uga hadleen sidii Turkiga uu qayb uga qaadan lahaa dib u dhiska ciidamada xoogga dalka, sidoo kalena loo sii wadi lahaa mashaariicda horumarineed ee Turkiga uu kawado Soomaaliya.

"Kulanka waxaa looga hadlay sidii Turkiga ay gacan uga geysan lahaayeen dib u dhiska ciidamada xoogga iyo kuwa booliiska Soomaaliya," ayuu yiri wasiirka difaaca Soomaaliya, Cabdixakiin Maxamuud Xaaji Fiqi oo ka mid ah wafdiga uu madaxweyne Xasan Sheekh hoggaaminayo.

Madaxweynaha Soomaaliya ayaa dalka Turkiga ku jooga booqasho afar maalmood qaadatay, isagoo magaalada Ankara kula soo kulmay madaxweyanah dalka Turkiga, Cabdalla Gul, waxayna labada mas'uul kawada hadleen sidii Turkiga uu gacan weyn uga geysan lahaa dib u dhiska Soomaaliya.

Hay'adaha Turkiga ayaa olole lagu caawinayo shacabka Soomaaliyeed ka billaabay sannadkii hore kaddib markii ay abaaro ku dhufteen gobollada Koonfureed iyo kuwa dhexe ee Soomaaliya, taasoo xoojisay xiriirka u dhexeeya Soomaaliya iyo Turkiga.

Ra'iisul wasaaraha Turkiga ayaa isaguna booqday xilli baqdin weyn laga qabay in la tagi karo Muqdisho, sidoo kalena Turkiga waxay ka furteen safaarad, diyaaradda Turkish Arilines iyaduna waxay duullimaadyo caalami ah ka billowday Muqdisho, taas oo indhaha caalamka ku jeedisay Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/7/2012 2:21 PM EST
Jimco, December 07, 2012 (HOL) - Hal qof ayaa ku dhintay toban kalena waa ay ku dhaawacmeen qarax loo maleynayo bombka gacanta laga tuuro oo lala beegsaday Masaajidka Al-Hidaaya ee waddada Jaam Street ee xaafdda Eastleigh.

12/7/2012 8:04 AM EST
Jimco, December 07, 2012 (HOL) — Maamulka gobolka Banaadir ayaa sheegay in hay'adda horumarinta caalamiga ah ee Turkiga [TIKA] ay dib u dhis ku sameyn doonto waddooyinka magaalada Muqdisho oo aan wax dayactir ah lagu sameyn tan iyo markii ay dhacday dowladdii dhexe ee Soomaaliya 1991-kii.

12/7/2012 7:21 AM EST
Jimco, December 07, 2012 (HOL) — Afduubyadii ay burcadbadeedda Soomaalidu ka geysan jireen xeebaha Soomaaliya ayaa sannadkan 2012 uu aad hoos ugu dhacay sida ay sheegtay hay'adda la socodka badaha bariga Afrika oo fadhigeedu yahay magaalada Mombassa ee dalka Kenya.

12/7/2012 2:59 AM EST
Jimco, December 07, 2012 (HOL) — Hal qof ayaa ku dhintay, ilaa lix qofna way ku dhaawacmayn rabshado xalay ka dhacay magaaladda Hargeysa ka dib markii lagu dhowaaqay natiijadii doorashadda golaha deegaanka ee magaaladda Hargeysa sida ay noo xaqiijiyeen hawl-wadeenadda caafimaadka ee Adna Cisbitaal oo la dhigay dhawaaci.

12/7/2012 2:59 AM EST
Jimco, December 07, 2012 (HOL) — Ururka dhallinyarada SYL II ayaa bandhig lagu dhiiri-galinayo dhaqanka iyo afka Soomaaliga ku qabtay Muqdisho, bandhigan oo ay kasoo qeyb-galeen agaasimaha wasaaradda waxbarashada, hidaha iyo tacliinta Sare, Ismaaciil Macalin Cabdullahi ayaa si aad ah u soo dhaweeyay bandhigga sheegayna in wasaaradu ay dhiiri-gallin doonto dhaqanka Soomaaliyeed iyo afkaba.

12/7/2012 2:49 AM EST
Jimco, December 07, 2012 (HOL) — Taliyaha ciidanka booliiska degmada Baydhabo ee gobolka Bay, Col. Mahad C/raxmaan Aadan ayaa sheegay in sarkaal ka tirsan hay'adda FAO oo ay gacanta ku hayaan loo haysto dambi ah inuu la shaqeyn jiray Al-shabaab.

12/7/2012 2:49 AM EST
Jimco, December 07, 2012 (HOL) — Komishanka ama guddiga doorashooyinka Somaliland ee magaaladda Hargeysa, ayaa ku dhawaaqay natiijadii degmooyinka magaaladda Hargeysa, kaas oo si weyn loo hadal hayey.