3/29/2024
Today from Hiiraan Online:  _
Wararka Maanta- Axad, Dec 30, 2012
Maxkamadda Darajada Koowaad ee Gobolka Bari oo xukunno ku ridday 17 qof oo ku eedeysnaa Burcad-badeednimo [Sawirro]


Axad, December 30, 2012 (HOL) —  Maxkamadda derejada 1-aad ee gobolka Bari - laanteeda magaalada Boosaaso- ayaa maanta xukuno kala duwan ku riddey eedaysaneyaal ay tiradoodu 17 qof gaareyso, kadib markii lagu helay ku lug lahaanshaha falal Burcad-badeednimo.

Eedeysaneyaasha maanta la xukumay ayaa qayb ka ahaa koox burcad-badeed ah oo ay todobaadkii hore ciidamada badda Puntland xoog kaga soo furteen markab ay muddo 3 sano ku dhow ku haysteen xeebaha Puntland.

Inkasta oo aan lagu guuleysan in dhamaan kooxdii markabka MV-iceberg haysatey gacanta lagu soo wada dhigo, waxaa hadana maanta maxkamada lahor keenay sadex kamid oo nolol lagu soo qabtay.

Gudoomiyaha maxkamadda Sheekh Aadan Aw-cabdi oo isagu si rasmi ah ugu dhawaaqay xukunka raggan, ayaa sheegay in sadexda nin ee maxkamadda lahor keenay labo kamid ah lagu ridey mid 10-sano oo xarig ah iyo ganaax lacageed oo gaaraya 50-Milyan oo Shilin Soomaali ah, midka harayna sadex sano.

Eedeysano lagu magacaabo Maxamed Macallin  islamarkaana diley mid kamid ahaa shaqaalaha markabka MV-iceberg -  oo Hindi ahaa- mid kalena labada dhegood ka jaray, waxaa isagoo maqan ay maxkamadu ku ridey xukun dil ah.

Eedeysane kale oo isagana magaciisa lagu soo koobay Khaalid wuxuu gudoomiyuhu sheegay in lagu xukumay xabsi daa'im, halka 12ka kale lagu ridey xukun ah xarig ay mudadiisu tahay 10sano oo uga bilaabanaya marka gacanta lagu soo dhigo.

Hub raggan lala soo qabtay oo isagana maxkamadda lahor keenay, isuguna jirey: 6qori oo AK-47 ah iyo hal qori oo PKM (Daba-jeex) ah ayey maxkamadu ku xukuntay in ay dowladdu si toos ah ula wareegto.

Waa markii labaad ee ay sanadkan maxkamadda gobolka Bari xukunno kala duwan ku riddo eedaysaneyaal lagu helay falal burcad-badeednimo.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
12/30/2012 1:14 PM EST
Axad, December 30, 2012 (HOL) — Kulan ballaaran oo ay isugu yimaadeen qaybaha kala duwan ee bulshada iyo maamulka gobolka Bari, islamarkaana uu kasoo qayb galay wasiirka amniga Puntland, ayaa maanta ka dhacay xarunta dowladda hoose ee degmada Boosaaso.

12/30/2012 6:59 AM EST
Axad, December 30, 2012 (HOL) — Mudaharaad balaadhan ayaa maanta ka dhacay magaalada Boorame ee gobolka Awdal, kaasoo lagu diidan yahay sababta illaa hadda loo dhaarin laayahay maayarkii iyo ku xigeenkii degmadda Saylac oo khilaaf ka taagan yahay.

12/30/2012 6:56 AM EST
Axad, December 30, 2012 (HOL) — Guddoomiyaha maamulka gobolka Hiiraan, Cabdifataax Xasan Afrax ayaa maanta kulan ballaaran kula qaatay gudaha isbitaalka magaalada Baladweyne qeybaha bulshada iyo guud ahaa shaqaallaha isbitaalka, kadib markii ay joojisay hay’adda MSF gacantii ay sii jirtay isbitaalka guud ee Baladweyne.

12/30/2012 6:44 AM EST
Axad, December 30, 2012 (HOL) — Maamulka Puntland ayaa laba maado oo cusub kusoo kordhiyay waxbarashada dugsiyada ku yaalla deegaannada uu maamulkaas ka taliyo, waxaana labadan maaddo ay kala yihiin maaddo lagu baranayo nabadda iyo mid lagu baranayo dimuqraadiyadda.

12/30/2012 6:06 AM EST
Axad, December 30, 2012 (HOL) — Xidlhibannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay xukuumaddu ku shaqeyn doonto sannadka soo socda ee 2013, kaddib markii wax ka bedel lagu soo sameeyay qodobbadii ay mudanayaashu doodda adag ka yeesheen kuna diideen isla todobaadkan miisaaniyada.

12/30/2012 5:43 AM EST
Axad, December 30, 2012 (HOL) — Madaxweynaha Puntland Dr. Cabdiraxmaan Maxamed (Faroole) oo khudbad ka jeediyey xaflad lagu soo xirayey olole caafimaad oo lagu qabtay Isbitaalka weyn ee magaalada Boosaaso ayaa ka hadlay arimo badan.

12/30/2012 1:02 AM EST
Axad, December 30, 2012 (HOL) — Iyadoo shalay ay ku dhinteen dalka Liibiya 16-qof oo tahriibayaal Soomaali ah ayaa waxaa lasoo bandhigay magacyada maydadkii dadkaas, iyadoo xaaladda saddex ka mid ah kuwii dhaawacmayna aad looga dayrinayo.

12/30/2012 1:00 AM EST
Axad, December 30, 2012 (HOL) — Garoonka diyaaradaha ee Muqdisho ayaa ah mid aad u mashquul badan dhowrkii maalmood ee lasoo dhaafay iyadoo halkaas ay kasoo degaan maalin walba in ka badan 100 qof oo kasoo ambabaxay magaalada Nairobi ee xarunta dalka Kenya.