3/29/2024
Today from Hiiraan Online:  _
Wararka Maanta- Axad, Dec 30, 2012
Magacyada Tahriibayaashii Soomaaliyeed ee ku geeriyooday shilkii ka dhacay dalka Liibiya oo lasoo bandhigay

Axad, December 30, 2012 (HOL) — Iyadoo shalay ay ku dhinteen dalka Liibiya 16-qof oo tahriibayaal Soomaali ah ayaa waxaa lasoo bandhigay magacyada maydadkii dadkaas, iyadoo xaaladda saddex ka mid ah kuwii dhaawacmayna aad looga dayrinayo.

Danjiraha Soomaaliya u fadhiya dalka Liibiya, C/qani Maxamed Wacays oo la hadlay VOA-da ayaa sheegay in magacyada dadka la helay aysan qaarkood ahayn kuwo dhameystiran, balse ay soo bandhigi doonaan sawirradii laga qaaday si ay waalidiintood u aqoonsadaan sawirrada.

Magacyada wiilasha geeriyooda oo ahaa 10-qof ayaa waxay kala yihiin: Cali Cabdulle Xirsi, Xasan Cismaan Jeylaani, Maxamed-deeq Barkhad Cali, C/raxiin, Askar, Muuse, Sugaal, Siciid, Axmed iyo Axmed Kheyr.

Sidoo kale, gabadhaha ku dhitay shilkan ayaa waxaa magacyadooda oo qaarkood lasoo gaabiyay ay kala yihiin, Sacdiyo Maxmuud Xasan, Aasiya Cusmaan maxamed, Dahabo, Xaawo, Saamiya, Yaasmiin iyo Xaawo.

Shilkan ayaa wuxuu noqonayaa kii ugu xumaa ee ka dhaca dalka Liibiya, iyadoo danjiruhu uu sheegay in dadka dhaawaca ah ay intooda badan yihiin kuwo fudud, dhammaantoodna lagu daweynayo isbitaallo ku yaalla dalka Liibiya.

Dhanka kale, danjiraha Soomaaliya ee dalka Liibiya wuxuu sheegay inay la socdeen dadka Soomaalida ah toddoba qof oo u dhashay dalka Ertirea, kuwaasoo laba ka mid ah ay ku dhinteen shilka, inta kalena ay dhaawacyo soo gaareen.

Maydadka dadkii ku dhintay shilka ee Soomaalida ahaa ayaa qaarkood shalay lagu aasay deegaankii uu shilku ka dhacay oo 150-km dhinaca bari ka xigta magaalada Tripoli ee ah caasimadda dalka Liibya.

Dalka Liibiya ayaa wuxuu marin u yahay tahriibayaasha Afrikaanka ah ee u tallaaba dalalka ku yaalla Koonfurta Qaaradda Yurub oo ay ka mid yihiin Talyaaniga iyo jasiiradda Malta, waxaana tahriibayaashaas u badan Soomaali.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/30/2012 1:14 PM EST
Axad, December 30, 2012 (HOL) — Kulan ballaaran oo ay isugu yimaadeen qaybaha kala duwan ee bulshada iyo maamulka gobolka Bari, islamarkaana uu kasoo qayb galay wasiirka amniga Puntland, ayaa maanta ka dhacay xarunta dowladda hoose ee degmada Boosaaso.

12/30/2012 11:30 AM EST
Axad, December 30, 2012 (HOL) — Maxkamadda derejada 1-aad ee gobolka Bari - laanteeda magaalada Boosaaso- ayaa maanta xukuno kala duwan ku riddey eedaysaneyaal ay tiradoodu 17 qof gaareyso, kadib markii lagu helay ku lug lahaanshaha falal Burcad-badeednimo.

12/30/2012 6:59 AM EST
Axad, December 30, 2012 (HOL) — Mudaharaad balaadhan ayaa maanta ka dhacay magaalada Boorame ee gobolka Awdal, kaasoo lagu diidan yahay sababta illaa hadda loo dhaarin laayahay maayarkii iyo ku xigeenkii degmadda Saylac oo khilaaf ka taagan yahay.

12/30/2012 6:56 AM EST
Axad, December 30, 2012 (HOL) — Guddoomiyaha maamulka gobolka Hiiraan, Cabdifataax Xasan Afrax ayaa maanta kulan ballaaran kula qaatay gudaha isbitaalka magaalada Baladweyne qeybaha bulshada iyo guud ahaa shaqaallaha isbitaalka, kadib markii ay joojisay hay’adda MSF gacantii ay sii jirtay isbitaalka guud ee Baladweyne.

12/30/2012 6:44 AM EST
Axad, December 30, 2012 (HOL) — Maamulka Puntland ayaa laba maado oo cusub kusoo kordhiyay waxbarashada dugsiyada ku yaalla deegaannada uu maamulkaas ka taliyo, waxaana labadan maaddo ay kala yihiin maaddo lagu baranayo nabadda iyo mid lagu baranayo dimuqraadiyadda.

12/30/2012 6:06 AM EST
Axad, December 30, 2012 (HOL) — Xidlhibannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay xukuumaddu ku shaqeyn doonto sannadka soo socda ee 2013, kaddib markii wax ka bedel lagu soo sameeyay qodobbadii ay mudanayaashu doodda adag ka yeesheen kuna diideen isla todobaadkan miisaaniyada.

12/30/2012 5:43 AM EST
Axad, December 30, 2012 (HOL) — Madaxweynaha Puntland Dr. Cabdiraxmaan Maxamed (Faroole) oo khudbad ka jeediyey xaflad lagu soo xirayey olole caafimaad oo lagu qabtay Isbitaalka weyn ee magaalada Boosaaso ayaa ka hadlay arimo badan.

12/30/2012 1:00 AM EST
Axad, December 30, 2012 (HOL) — Garoonka diyaaradaha ee Muqdisho ayaa ah mid aad u mashquul badan dhowrkii maalmood ee lasoo dhaafay iyadoo halkaas ay kasoo degaan maalin walba in ka badan 100 qof oo kasoo ambabaxay magaalada Nairobi ee xarunta dalka Kenya.