6/27/2022
Today from Hiiraan Online:  _
Wararka Maanta- Jimco, Dec 21, 2012
Madaxweynaha Soomaaliya oo dallacsiiyay Saraakiil ka tisran ciidamada Xoogga (Milateriga) Soomaaliya
Jimco, December 21, 2012 (HOL) — Madaxweynaha Soomaaliya, Xasan Sheekh Maxamuud ayaa munaasabad xalay ka dhacday xarunta madaxtooyada Somalia ku dalacsiiyay sagaal sarkaal oo ka tirsan ciidamada xoogga dalka.

Munaasabadan ayaa waxaa goobjoog ka ahaa wasiirka gaashaandhigga, C/xakiin Maxamuud Xaaji Fiqi, taliyaha ciidamada xoogga dalka Jen. Cabdulqaadir Sheekh Cali Diini iyo saraakiil ka tirsan wasaaradda difaaca.

Saraakisha la dalacsiiyay ayaa waxay tababarro heer sare ah kusoo qaateen dalka Uganda, iyadoo wasaaradda gaashaandhiga Soomaaliya ay soo jeedisa in saraakiishan la dallacsiiyo.

"Ummaddan haybadeeda iyo sharafteeda inaad u soo celisaan ayaa la'idinka doonayaa, gabadha Soomaalida ah ee xeradda qaxootiga ku jirta oo aan Soomaaliya garanayn laakiin xerada qaxooti ugu jirto inay Soomaali tahay ayaa la’idinka sugayaa inaad dalkeeda dib ugu  soo celisaan,” ayuu madaxweynuhu ka sheegay munaasabadda dallacsiinta saraakiisha.

Saraakiishan ayaa noqonaya kuwii ugu horreeyay labaatan sano kaddib ay dallacsiiso dowlad aan KMG ahayn oo dalka ka jirta, waxaana saraakiishan ka muuqday farxad iyo rayn-rayn markii garaadaha dallacsiinta loo xirayay.

Ugu dambeyn, madaxweyne Xasan Sheekh ayaa kusoo gabgabeeyay hadalkiisa in saraakiisha la dalacsiiyay ay masuuliyad ka saarantahay shacabka Soomaaliyeed. Sidaas darteedna looga baahan yahay inay dhowraan nidaamka ciidamada iyo sharafta Qaranka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/21/2012 4:53 PM EST
Jimco, December 21, 2012(HOL): Dowladda Soomaaliya oo sanadkii hore ee 2011 ku gudubtay imtixaanka dhowridda shuruucda xuquuqda aadanaha ayaa waxay si dhab ah u dooneysaa in ay dhaqangeliso shuruucda dhowridda xuquuqda aadanaha, kaasi oo dal kasta oo caalamka guudkiisa ku yaalla la marsiiyo Imtixaan ah sida uu u dhaqangeliyay shuruucda Xuquuqul-Insaanka.

12/21/2012 2:50 PM EST
Jimco, December 21, 2012 (HOL) - Madaxweynaha JF Soomaaliya Xassan Sheekh Maxamuud iyo wafdi ballaaran oo uu hoggaaminayo ayaa boooqasho labo maalmood qaadanaysa ku maraya Dalka Kenya.

12/21/2012 2:23 PM EST
Jimco, December 21, 2012(HOL): Madaxweynaha Soomaaliya Xasan Shiikh Maxamuud ayaa booqasho ku tegay magaalada Nairobi ee caasimadda dalka Kenya, halkaasi oo uu ku tegay casuumaad rasmi ah oo uu ka helay madaxweynaha dalkaas.

12/21/2012 3:57 AM EST
Jimco, December 21, 2012 (HOL) — Xildhibannada haweenka ah ee ku jira baarlamaanka Soomaaliya ayaa waxaa magaalada Kampala ee xarunta dalka Uganda uga furmay kulan socon doonaa saddex maalmood, kaasoo billowday shalay oo Khamiis ahayd.

12/21/2012 3:45 AM EST
Jimco, December 21, 2012 (HOL) — Ra'iisul wasaaraha Soomaaliya Cabdi Faarax Shir-doon (Saacid) ayaa wasiir ku xigeenka wasaaradda arrimaha maaliyadda iyo qorsheynta u magacaabay Abuukar Sheekh Cabdi Ibraahim, kaddib markii uu xilkaas iska casilay mas'uulkii horay loogu magacaabay oo ahaa Abuukar Xasan Cali.

12/21/2012 3:15 AM EST
Jimco, December 21, 2012 (HOL) — Iyadoo ay xukuumadda Puntland ku howlan tahay taaba gelinta geedi socodka Dimuqraadiyadda iyo hirgelinta nidaamka axsaabta badan, ayaa waxaa dhowrkii todobaad ee ugu danbeeyey isa soo tarayey tirada urarada siyaasadda ee lagu dhawaaqy.