6/25/2022
Today from Hiiraan Online:  _
Wararka Maanta- Khamiis, Dec 20, 2012
Gargaar dib u kabasho ah oo la gaarsiiyay dadkii ku xoolo beellay abaartii sanad hore ku dhuftay gobollka Hiiraan

Khamiis, December, 20, 2012 (HOL) – Abaartii sanad hore ku dhufatay qeybo ka mid ah gobollka Hiiraan waxaa la oran karaa saameynta ugu darran waxaa ay ku reebtay dadka reer miyiga ah, gaar ahaa qoysaska ay nolashooda ku tiirsaneyd dhaqashada xoolaha kuwaasoo ku soo dhacay gacmo maran kadib markii ay dhaafeen duunyo wixii ay dhaqanayeen.

Qoysaskan oo ahaa kuwo aan markii horeba u baran nolasha magaalada ayeey qasab ku noqotay qaarkood in ay isaga nagaadaan deegaannadii ay markii horeba ku dhaqnaayeen halka kuwa kalana ay soo maciin bideen magaalada oo ay kala kulmeen daruufo dhinaca nolasha ah.

Habada gargaarkii ugu horeeyay ee ujeedadiisu tahay sidii ay dib ugu soo kaban lahaayeen dadkii ay xoolahooda dhaafeen ayaa la gaarsiiyay  175 qoys oo ka mid ah kuwii ku xoolo waayay abaarta 1750 neef oo Ari ah.

Mashruucan lagu kaalmeynayo qoysaska ku tiirsanaa nolasha xoolo dhaqashada ayaa waxaa maalgalinaya dowladda Sacuudiga, iyadoo dhinaca kalana ay si wada jir ah u fulinayeen hay’addaha UNHCR, NRC, iyo SYPD sida uu HOL u sheegay Max'ed Max'ed Gooreey oo ah madaxa xafiiska SYDP ee magaalada Baladweyne.

‘’Qoyskiiba waxaa siinay oo aan ugu talagalnay in ay nolashooda dib ugu abuurtaan 10 neef oo Ari ah ‘’Sagaal dhidig ah iyo hal neef oo Lab ah’’ ujeedada ka danbeysana waa in qoysaska xoolahoodii dhaafeen dib u kabasho ka dhigtaan ayuu yiri,’’ Max'ed Max'uud Gooreey

Deegaannada gargaarka laga qeybiyay ayaa kala ah tuulada Dheen-jeefto, Max’uud Gacal, iyo Bacaad oo dhamaantood ka wada tirsan gobollka Hiiraan.

Dadkii ka faa’ideystay gargaarka ayaa siweyn uga mahad celiyay kaalmada ay helleen iyaga oo sheegay in aysan wali horay u arag gargaar noocan oo kale ah si ay dib ugu bilaabaan nolashoodii xoola dhaqashada.

‘’Tirada qoyskiiba la siiyay waa bilow fiican, annaga agteena 10 neef wax sahlan kama ah, sidaa daraadeed cid kasta oo na soo garsiisay waan uga mahad celineynaa ayuu yiri,’’ Xassan Colaad oo ka mid ah dadkii gargaarkan hellay.

Si kastaba ha ahaatee  gargaarkan ay helleen dadka xoola dhaqatada ah ayaa noqonaya mid ka duwan kuwii hore, madaama ay horay ugu barteen marka ay la soo darsaan xaaladaha oo kale kaalmo maalmo ama waqti kooban nolashooda ku filnaata, halka ay loo qeybiyay gargaar dib u kabasho si ay ugu abuurtaan nolal danbe.

C/raxmaan Diini, Hiiraan Onlin
[email protected] 
Baladweyne, Soomaaliya.













Click here
12/20/2012 3:03 PM EST
Khamiis, 20, 12 2012 (HOL) Saddex ruux ayaa lagu toogtay oo geeriyootay labo dhacdo oo kala duwan caawa gudaha degmada Gaarisa ee Xarunta gobolka Waqooyi Bari, sida ay xaqiijinayaan dad ku dhaqan deegaanka Gaarisa.

12/20/2012 9:38 AM EST
Khamiis, December 20, 2012 (HOL) —Israsaaseyn xooggan ayaa gudaha magaalada Kismaayo ku dhexmartay kooxo hubeysan oo jidgooyo dhigtay xaafadda V-afmadow ee magaalada Kismaayo iyo ciidamada ammaanka degmadaasi.

12/20/2012 9:10 AM EST
Khamiis, December 20, 2012 (HOL) —Munaasabad heersare loo soo agaasimay islamarkaasina lagu xusay maalintii la aasaasay ciidamada Booliska Soomaaliyeed ayaa waxa ay maanta ka dhacay kuliyadda Jeneraal Kaahiye, iyadoona munaasabadda maanta ay ahayd mid siheersare ah loosoo agaasimay.

12/20/2012 8:14 AM EST
Khamiis, December 20, 2012 (HOL) — Madaxweynaha dowlada federaalka Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wasiirka horumarinta dowladda Norway, Heikki Holmas iyadoo kulanka uu goobjoog ka ahaa safiirka Nowray ee Soomaaliya iyo saraakiil ka tirsan Villa Soomaaliya.

12/20/2012 7:58 AM EST
Khamiis, December 20, 2012 (HOL) — Taliska ciidamada Booliska Puntland ee gobolka Mudug ayaa ka warbixiyey qaraxyo xalay ka dhacay magaalada Gaalkacayo iyo howlgal ay ciidamadu sameeyeen oo dad lagu soo qabtay.

12/20/2012 7:57 AM EST
Khamiis, December 20, 2012 (HOL) — Wasiiradda maaliyadda East Timor, Emelia Pires ayaa booqasho ku timid maanta magaalada Muqdisho, iyadoo la kulantay madaxweynaha Somalia iyo wasiirka maaliyadda, Maxamuud Xasan Suleymaan, waxayna kala hadashay xiriirka labada dal iyo sidii uu iskaashi u dhexmari lahaa wasaaradaha maaliyadda labada dal.

12/20/2012 7:44 AM EST
Khamiis, December 20, 2012 (HOL)- Munaasabad ballaaran oo lagu xusayey sanadguuradii 69-aad ee kasoo wareegtey xilligii dhidibada loo taagey ciidamada Booliska Soomaaliyeed, ayaa maanta ka dhacday xarunta wasaaradda amniga Puntland ee magaalada Boosaaso.

12/20/2012 7:35 AM EST
Khamiis, December 20, 2012 (HOL) — Guddidda doorashooyinka Somaliland, ayaa waxba kama jiraan ku tilmaamay eeddo loosoo jeediyey, kuwaas oo la sheegay inay doorashadii ay qabteen guddidu ay musuqmaasuq badani ka jirtay.

12/20/2012 7:32 AM EST
Khamiis, December 20, 2012 (HOL) — Saraakiisha ciidamada Jabuuti ee howlgalka midowgga Africa AMISOM ayaa sheegay in ay wadaan qorshe howlgalkooda ku gaarsiinayaan demooyinka iyo deegaannada gobollka Hiiraan uu ka kooban yahay

12/20/2012 1:19 AM EST
Khamiis, December 20, 2012 (HOL) — Sarkaal ka tirsan booliiska Kenya ayaa la dilay laba kalena dhaawacyo ayaa loo geystay, kaddib markii kooxo hubeysan ay xalay weerar ku qaadeen gaari ay wateen ciidamadan oo marayay bartamaha magaalada Nairobi ee xarunta Kenya.

12/20/2012 1:06 AM EST
Khamiis, December 20, 2012 (HOL) — Wasiirka arrimaha gudaha Soomaaliya, C/kariin Xuseen Guuleed ayaa si rasmi ah u sheegay in wasaaradda arrimaha gudaha ay isbedel ku sameyn doono maamullada gobollada iyo kuwa degmooyinka ee aysan ku qanasanayn shacabka ay maamulaan.

12/20/2012 12:40 AM EST
Khamiis, December 20, 2012 (HOL) — Ugu yaraan hal qof ayaa ku dhintay saddex kalena dhaawacyo kala duwan ayaa kasoo gaaray qaraxyo xalay ka dhacay Islii oo ka tirsan xaafadaha magaalada Nairobi ee dalka Kenya, halkaaso ay deggen yihiin Soomaalida ku nool xarunta Kenya.