6/30/2022
Today from Hiiraan Online:  _
Wararka Maanta- Khamiis, Dec 20, 2012
Wasiiradda Maaliyadda East Timor oo Muqdisho timid la kulantay Mas'uuliyiin uu ka mid yahay Madaxweynaha Soomaaliya
Khamiis, December 20, 2012 (HOL) — Wasiiradda maaliyadda East Timor, Emelia Pires ayaa booqasho ku timid maanta magaalada Muqdisho, iyadoo la kulantay madaxweynaha Somalia iyo wasiirka maaliyadda, Maxamuud Xasan Suleymaan, waxayna kala hadashay xiriirka labada dal iyo sidii uu iskaashi u dhexmari lahaa wasaaradaha maaliyadda labada dal.


Kulanka kaddib ayay labada wasiir u sheegeen warbaahinta in waxyaabihii ay uga hadleen kulankooda oo dhan ay isku afgarteen, iyagoo sheegay inuu u billowday labada wasaaradooda xiriir wadashaqeyneed oo adag.

"Maanta waxaa halkan noogu timid wasiiradda maaliyadda East Timor, waxaana na dhexmaray kulan aan uga hadlay sidii loo xoojin lahaa xiriirka labada dal, waana isku afgaranay wax walba oo aan kawada hadalnay," ayuu yiri wasiirka maaliyadda oo intaas ku daray in kulammada noocan oo kale ah ay joogto noqon doonaan.

Emelia Pires oo iyaduna saxaafadda la hadashay ayaa sheegtay inay aad ugu faraxsan tahay booqashada ay ku timid Muqdisho iyo kulanka ay la yeelatay wasiirka maaliyadda Soomaaliya; iyadoo ugu hambalyeysay sahacabka iyo dowladda Soomaaliya isbedellada dalka ka dhacay.

Dhanka kale, war kasoo baxay xafiiska madaxweyaha Soomaaliya ayaa lagu sheegay in madaxweynaha Soomaaliya uu ka codasday wasiirradda in Soomaaliya inay Soomaaliya u baahan tahay inay khibrado la wadaagto dalalka ay dhibaatooyinka ka jiraan.

Waddanka East Timor oo ka mid ah dalalka ku yaalla bariga fog ee Aasiya ayaa ka go'ay Indonesia inteeda kale 12 sano ka hor, iyadoo wasiiradda ay madax u tahay urur ay ku mideysan yihiin dalaka dhaqaale xumada ba'ani ay ka jirto iyo kuwa deeq bixiyeyaasha ah, si dalalka dhibaatooyinka dhaqaale ay haystaan loo caawiyo.

Magaalada Muqdisho ayaa waxaa tan iyo sannadkii hore dhamaadkiisa socdaallo ku imaanayay madax ka socota calaamka dacalladiisa kuwaasoo ay ka mid ahaayeen madaxweynayaal, ra'iisul wasaarayaal, wasiirro iyo mas'uuliyiin kale, kuwaas oo kala hadlay madaxda Soomaalida sidii loo xoojin lahaa xiriirka ay dunida la leeyihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/20/2012 3:03 PM EST
Khamiis, 20, 12 2012 (HOL) Saddex ruux ayaa lagu toogtay oo geeriyootay labo dhacdo oo kala duwan caawa gudaha degmada Gaarisa ee Xarunta gobolka Waqooyi Bari, sida ay xaqiijinayaan dad ku dhaqan deegaanka Gaarisa.

12/20/2012 9:51 AM EST
Khamiis, December, 20, 2012 (HOL) – Abaartii sanad hore ku dhufatay qeybo ka mid ah gobollka Hiiraan waxaa la oran karaa saameynta ugu darran waxaa ay ku reebtay dadka reer miyiga ah, gaar ahaa qoysaska ay nolashooda ku tiirsaneyd dhaqashada xoolaha kuwaasoo ku soo dhacay gacmo maran kadib markii ay dhaafeen duunyo wixii ay dhaqanayeen.

12/20/2012 9:38 AM EST
Khamiis, December 20, 2012 (HOL) —Israsaaseyn xooggan ayaa gudaha magaalada Kismaayo ku dhexmartay kooxo hubeysan oo jidgooyo dhigtay xaafadda V-afmadow ee magaalada Kismaayo iyo ciidamada ammaanka degmadaasi.

12/20/2012 9:10 AM EST
Khamiis, December 20, 2012 (HOL) —Munaasabad heersare loo soo agaasimay islamarkaasina lagu xusay maalintii la aasaasay ciidamada Booliska Soomaaliyeed ayaa waxa ay maanta ka dhacay kuliyadda Jeneraal Kaahiye, iyadoona munaasabadda maanta ay ahayd mid siheersare ah loosoo agaasimay.

12/20/2012 8:14 AM EST
Khamiis, December 20, 2012 (HOL) — Madaxweynaha dowlada federaalka Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wasiirka horumarinta dowladda Norway, Heikki Holmas iyadoo kulanka uu goobjoog ka ahaa safiirka Nowray ee Soomaaliya iyo saraakiil ka tirsan Villa Soomaaliya.

12/20/2012 7:58 AM EST
Khamiis, December 20, 2012 (HOL) — Taliska ciidamada Booliska Puntland ee gobolka Mudug ayaa ka warbixiyey qaraxyo xalay ka dhacay magaalada Gaalkacayo iyo howlgal ay ciidamadu sameeyeen oo dad lagu soo qabtay.

12/20/2012 7:44 AM EST
Khamiis, December 20, 2012 (HOL)- Munaasabad ballaaran oo lagu xusayey sanadguuradii 69-aad ee kasoo wareegtey xilligii dhidibada loo taagey ciidamada Booliska Soomaaliyeed, ayaa maanta ka dhacday xarunta wasaaradda amniga Puntland ee magaalada Boosaaso.

12/20/2012 7:35 AM EST
Khamiis, December 20, 2012 (HOL) — Guddidda doorashooyinka Somaliland, ayaa waxba kama jiraan ku tilmaamay eeddo loosoo jeediyey, kuwaas oo la sheegay inay doorashadii ay qabteen guddidu ay musuqmaasuq badani ka jirtay.

12/20/2012 7:32 AM EST
Khamiis, December 20, 2012 (HOL) — Saraakiisha ciidamada Jabuuti ee howlgalka midowgga Africa AMISOM ayaa sheegay in ay wadaan qorshe howlgalkooda ku gaarsiinayaan demooyinka iyo deegaannada gobollka Hiiraan uu ka kooban yahay

12/20/2012 1:19 AM EST
Khamiis, December 20, 2012 (HOL) — Sarkaal ka tirsan booliiska Kenya ayaa la dilay laba kalena dhaawacyo ayaa loo geystay, kaddib markii kooxo hubeysan ay xalay weerar ku qaadeen gaari ay wateen ciidamadan oo marayay bartamaha magaalada Nairobi ee xarunta Kenya.

12/20/2012 1:06 AM EST
Khamiis, December 20, 2012 (HOL) — Wasiirka arrimaha gudaha Soomaaliya, C/kariin Xuseen Guuleed ayaa si rasmi ah u sheegay in wasaaradda arrimaha gudaha ay isbedel ku sameyn doono maamullada gobollada iyo kuwa degmooyinka ee aysan ku qanasanayn shacabka ay maamulaan.

12/20/2012 12:40 AM EST
Khamiis, December 20, 2012 (HOL) — Ugu yaraan hal qof ayaa ku dhintay saddex kalena dhaawacyo kala duwan ayaa kasoo gaaray qaraxyo xalay ka dhacay Islii oo ka tirsan xaafadaha magaalada Nairobi ee dalka Kenya, halkaaso ay deggen yihiin Soomaalida ku nool xarunta Kenya.