6/28/2022
Today from Hiiraan Online:  _
Wararka Maanta- Khamiis, Dec 20, 2012
Xuska Sanad-guurada 69-aad ee Booliiska Somalia oo Boosaaso lagu qabtay iyo Tirakoobka Fal-denbiyeedka Puntland ee 2012 oo lasoo Bandhigay

Khamiis, December 20, 2012 (HOL)- Munaasabad ballaaran oo lagu xusayey sanadguuradii 69-aad ee kasoo wareegtey xilligii dhidibada loo taagey ciidamada Booliska Soomaaliyeed, ayaa maanta ka dhacday xarunta wasaaradda amniga Puntland ee magaalada Boosaaso.

Waxaana kasoo qayb galay madaxweyne Cabdiraxmaan Maxamed Faroole, mas'uuliyiin ka tirsan golaha wasiirada, saraakiisha ugu sareeya ciidamada, xubno ka socdey qaybaha kala duwan ee bulshada iyo fannaaniin.

Ugu horeyn waxaa goobta ka hadlay, islamarkaana ka warbixiyey waxqabadka ciidamada Booliska ee sanadka 2012, Col. Maxamed Siciid Jaqanaf oo isagu ah taliyaha ciidamada Booliska ee Puntland.

Wuxuuna sheegay in Boolisku ay ku guuleysteen gudashada waajibaadka qaran ee saaran. Taliyaha Booliska aya sidoo kale soo bandhigay tirakoobka fal-denbiyeedyada iyo shilalka ka dhacay Puntland sanadka 2012, waxaana kamid ahaa:

Tirada guud ee fal-denbiyeedka  3655
Waxaa loo qabtay 5963
Shilalka gaadiidka 1770 waxaana ku dhintay 330
Miinooyinka la saaray 15673

Madaxweynaha Puntland Dr. Cabdiraxmaan Maxamed Maxamuud (Faroole) oo isna madasha ka hadlay, ayaa ugu horeyn ka sheekeeyey heerarkii kala duwanaa ee uu Booliska Soomaaliya soo maray, wuxuuna sheegay nin Boolisku uu ahaa ciidan sharaf leh.

“Waxan idinku boorinayaa inaad ku faantaan inaad Boolis noqotaan, aad baan ugu faraxsanahay maalinta Booliska, waxanna idiin rajeynayaa in sanadkan sanadkiisa uu ilaahey nabad inaku gaarsiyo” Faroole ayaa yiri.

Munaasabadan oo intii ay socotey ay cutubyo ka tirsan Boolisku gaadda ka ciyaar kusoo bandhigeen, islamarkaana ay madaxweynaha salaan sharaf ugu saareen, waxaa sidoo kale lagu soo bandhigay suugaan kala duwan.

Maanta oo ku beegan 69 guuradii kasoo wareegtey markii 1943 la asaasay Booliskii ugu horeeyey ee Soomaaliyeed, waxaa si weyn looga xusay magaalooyin badan oo kamid ah dalka, kuwaasoo ay ugu horeyso caasimadda dalka ee Muqdisho.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
12/20/2012 3:03 PM EST
Khamiis, 20, 12 2012 (HOL) Saddex ruux ayaa lagu toogtay oo geeriyootay labo dhacdo oo kala duwan caawa gudaha degmada Gaarisa ee Xarunta gobolka Waqooyi Bari, sida ay xaqiijinayaan dad ku dhaqan deegaanka Gaarisa.

12/20/2012 9:51 AM EST
Khamiis, December, 20, 2012 (HOL) – Abaartii sanad hore ku dhufatay qeybo ka mid ah gobollka Hiiraan waxaa la oran karaa saameynta ugu darran waxaa ay ku reebtay dadka reer miyiga ah, gaar ahaa qoysaska ay nolashooda ku tiirsaneyd dhaqashada xoolaha kuwaasoo ku soo dhacay gacmo maran kadib markii ay dhaafeen duunyo wixii ay dhaqanayeen.

12/20/2012 9:38 AM EST
Khamiis, December 20, 2012 (HOL) —Israsaaseyn xooggan ayaa gudaha magaalada Kismaayo ku dhexmartay kooxo hubeysan oo jidgooyo dhigtay xaafadda V-afmadow ee magaalada Kismaayo iyo ciidamada ammaanka degmadaasi.

12/20/2012 9:10 AM EST
Khamiis, December 20, 2012 (HOL) —Munaasabad heersare loo soo agaasimay islamarkaasina lagu xusay maalintii la aasaasay ciidamada Booliska Soomaaliyeed ayaa waxa ay maanta ka dhacay kuliyadda Jeneraal Kaahiye, iyadoona munaasabadda maanta ay ahayd mid siheersare ah loosoo agaasimay.

12/20/2012 8:14 AM EST
Khamiis, December 20, 2012 (HOL) — Madaxweynaha dowlada federaalka Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wasiirka horumarinta dowladda Norway, Heikki Holmas iyadoo kulanka uu goobjoog ka ahaa safiirka Nowray ee Soomaaliya iyo saraakiil ka tirsan Villa Soomaaliya.

12/20/2012 7:58 AM EST
Khamiis, December 20, 2012 (HOL) — Taliska ciidamada Booliska Puntland ee gobolka Mudug ayaa ka warbixiyey qaraxyo xalay ka dhacay magaalada Gaalkacayo iyo howlgal ay ciidamadu sameeyeen oo dad lagu soo qabtay.

12/20/2012 7:57 AM EST
Khamiis, December 20, 2012 (HOL) — Wasiiradda maaliyadda East Timor, Emelia Pires ayaa booqasho ku timid maanta magaalada Muqdisho, iyadoo la kulantay madaxweynaha Somalia iyo wasiirka maaliyadda, Maxamuud Xasan Suleymaan, waxayna kala hadashay xiriirka labada dal iyo sidii uu iskaashi u dhexmari lahaa wasaaradaha maaliyadda labada dal.

12/20/2012 7:35 AM EST
Khamiis, December 20, 2012 (HOL) — Guddidda doorashooyinka Somaliland, ayaa waxba kama jiraan ku tilmaamay eeddo loosoo jeediyey, kuwaas oo la sheegay inay doorashadii ay qabteen guddidu ay musuqmaasuq badani ka jirtay.

12/20/2012 7:32 AM EST
Khamiis, December 20, 2012 (HOL) — Saraakiisha ciidamada Jabuuti ee howlgalka midowgga Africa AMISOM ayaa sheegay in ay wadaan qorshe howlgalkooda ku gaarsiinayaan demooyinka iyo deegaannada gobollka Hiiraan uu ka kooban yahay

12/20/2012 1:19 AM EST
Khamiis, December 20, 2012 (HOL) — Sarkaal ka tirsan booliiska Kenya ayaa la dilay laba kalena dhaawacyo ayaa loo geystay, kaddib markii kooxo hubeysan ay xalay weerar ku qaadeen gaari ay wateen ciidamadan oo marayay bartamaha magaalada Nairobi ee xarunta Kenya.

12/20/2012 1:06 AM EST
Khamiis, December 20, 2012 (HOL) — Wasiirka arrimaha gudaha Soomaaliya, C/kariin Xuseen Guuleed ayaa si rasmi ah u sheegay in wasaaradda arrimaha gudaha ay isbedel ku sameyn doono maamullada gobollada iyo kuwa degmooyinka ee aysan ku qanasanayn shacabka ay maamulaan.

12/20/2012 12:40 AM EST
Khamiis, December 20, 2012 (HOL) — Ugu yaraan hal qof ayaa ku dhintay saddex kalena dhaawacyo kala duwan ayaa kasoo gaaray qaraxyo xalay ka dhacay Islii oo ka tirsan xaafadaha magaalada Nairobi ee dalka Kenya, halkaaso ay deggen yihiin Soomaalida ku nool xarunta Kenya.