6/25/2022
Today from Hiiraan Online:  _
Wararka Maanta- Khamiis, Dec 20, 2012
Guddiga Doorashooyinka Somaliland oo iska diiday Eedo ay u soo Jeediyeen Ururadda Siyaasadda Somaliland
Khamiis, December 20, 2012 (HOL) — Guddidda doorashooyinka Somaliland, ayaa waxba kama jiraan ku tilmaamay eeddo loosoo jeediyey, kuwaas oo la sheegay  inay doorashadii ay qabteen guddidu ay musuqmaasuq badani ka jirtay.

Sidaas waxay ka sheegeen war-saxaafadeed ay ku garnaqsanayaan, isla markaana waxyaalihii lagu eedeeyey ay iskaga difaacayeen, iyagoo caqabadihii ka hor yimid doorashada ka hadlaya waxay yidhaahdeen “ waxa aynu ogsoonahay dalkan curdinka ah marka loo barbardhigo caalamka ay jireen culays badan kana maqnaayeen qayb ka mid ah kaabayaasha laf-dhabarta u ah doorashooyinka oo ay ka mid yihiin.

1. Iyada oo aanay jirin qofka muwaadinka ah wax lagu aqoonsado, iyada oo aanay jirin wax lagu garto deegaankiisa iyo inuu gaadhay da’dii doorashada.

2. Iyada oo aynu ogsoonahay in aanay jirin diiwaangelinta codbixiyayaasha (taas oo la laalay).

3. Inaga oo ogsoon in la furay ururadii oo ay ku tartamayeen axsaabta badan.

4. Inaga oo bedelnay hanaankii doorashooyinka Golayaasha Deegaanka aynu hore ugu galnay ee ahaa in xisbiga la doorto, laguna bedelay in murashaxa loo codeeyo.

Arrimaha kor ku xusan iyo qaar kale oo jiray awgeed waxa ay ka dhigtay in doorashada aynu galay aad looga walaac qabay sida ay u dhacayso. Allaha weyn awoodiisa iyo xikmadiisana waxa doorashadu inoogu qabsoontay si aad uga wacan waxii laga filaayay”.

Waxay intaas ku dareen: “Doorasho kasta oo caalamka laga qabto waxay leedahay cid guulaysta iyo cid laga guulaysto. Waxa iyana laga wada dharagsan yahay in todobada xisbi/urur ee tartamayay ay hadhayeen 4 ka mid ah, halka 7 murashax oo kasta ay dhacayeen 6 murashax. Waxa tani ka dhigaysaa tirada murashaxiinta aan guulaysanayn in kor u dhaaftay 2000 (laba kun oo murashax), halka ay soo baxayeen oo kaliya 350 murashax.”

Guddida Doorashooyinku waxay sheegeen inuu jiro sanduuq ku qornaa goob ka mid ah degmadda Ceerigaabo oo la gala baxay waraaqihii qaarna lagu soo guray, waxaanu sheegay in xisbiyada iyo iyagu ka wada hadleen arrintaasi iyo waxa laga yeelayo, waxaanu xusay in waraaqaha uu ururka Xaqsoor hayaa ee doorashooyinka ah ay yihiin waraaqahaasi la gala baxay sanduuqa Ceerigaabo,balse aanay jirin sanduuq kale oo wax waraaq ahi ka maqan yihiiin.

“Runtii waxaa iyana aan marnaba dhicin horana u dhicin inta waraaqo doorasho la qaado in doox lagu daadiyo waa arrin taariikhda doorasho ee Somaliland aan ka suurogelin codka sanduuq kasta ka soo hoydana waxa isla hubiya oo isla qaata wakiilada xisbiyada iyo ururada iyo hawl-wadeenada Komishanka Degmooyinka”ayey ku doodeen guddida doorashooyinka.

Si kastaba ha ahaatee, waxa wali cabanaya ururaddii tartanka ka qaybgalay oo sheegay inay cadaalad daro dhacday, isla markaana la boobay codkoodii, waxaanay taageerayaashoodda ugu baaqeen inay ku muujiyaan mudaharaad salmi ah oo aan wax dhibaato ah lahayn.

Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
12/20/2012 3:03 PM EST
Khamiis, 20, 12 2012 (HOL) Saddex ruux ayaa lagu toogtay oo geeriyootay labo dhacdo oo kala duwan caawa gudaha degmada Gaarisa ee Xarunta gobolka Waqooyi Bari, sida ay xaqiijinayaan dad ku dhaqan deegaanka Gaarisa.

12/20/2012 9:51 AM EST
Khamiis, December, 20, 2012 (HOL) – Abaartii sanad hore ku dhufatay qeybo ka mid ah gobollka Hiiraan waxaa la oran karaa saameynta ugu darran waxaa ay ku reebtay dadka reer miyiga ah, gaar ahaa qoysaska ay nolashooda ku tiirsaneyd dhaqashada xoolaha kuwaasoo ku soo dhacay gacmo maran kadib markii ay dhaafeen duunyo wixii ay dhaqanayeen.

12/20/2012 9:38 AM EST
Khamiis, December 20, 2012 (HOL) —Israsaaseyn xooggan ayaa gudaha magaalada Kismaayo ku dhexmartay kooxo hubeysan oo jidgooyo dhigtay xaafadda V-afmadow ee magaalada Kismaayo iyo ciidamada ammaanka degmadaasi.

12/20/2012 9:10 AM EST
Khamiis, December 20, 2012 (HOL) —Munaasabad heersare loo soo agaasimay islamarkaasina lagu xusay maalintii la aasaasay ciidamada Booliska Soomaaliyeed ayaa waxa ay maanta ka dhacay kuliyadda Jeneraal Kaahiye, iyadoona munaasabadda maanta ay ahayd mid siheersare ah loosoo agaasimay.

12/20/2012 8:14 AM EST
Khamiis, December 20, 2012 (HOL) — Madaxweynaha dowlada federaalka Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wasiirka horumarinta dowladda Norway, Heikki Holmas iyadoo kulanka uu goobjoog ka ahaa safiirka Nowray ee Soomaaliya iyo saraakiil ka tirsan Villa Soomaaliya.

12/20/2012 7:58 AM EST
Khamiis, December 20, 2012 (HOL) — Taliska ciidamada Booliska Puntland ee gobolka Mudug ayaa ka warbixiyey qaraxyo xalay ka dhacay magaalada Gaalkacayo iyo howlgal ay ciidamadu sameeyeen oo dad lagu soo qabtay.

12/20/2012 7:57 AM EST
Khamiis, December 20, 2012 (HOL) — Wasiiradda maaliyadda East Timor, Emelia Pires ayaa booqasho ku timid maanta magaalada Muqdisho, iyadoo la kulantay madaxweynaha Somalia iyo wasiirka maaliyadda, Maxamuud Xasan Suleymaan, waxayna kala hadashay xiriirka labada dal iyo sidii uu iskaashi u dhexmari lahaa wasaaradaha maaliyadda labada dal.

12/20/2012 7:44 AM EST
Khamiis, December 20, 2012 (HOL)- Munaasabad ballaaran oo lagu xusayey sanadguuradii 69-aad ee kasoo wareegtey xilligii dhidibada loo taagey ciidamada Booliska Soomaaliyeed, ayaa maanta ka dhacday xarunta wasaaradda amniga Puntland ee magaalada Boosaaso.

12/20/2012 7:32 AM EST
Khamiis, December 20, 2012 (HOL) — Saraakiisha ciidamada Jabuuti ee howlgalka midowgga Africa AMISOM ayaa sheegay in ay wadaan qorshe howlgalkooda ku gaarsiinayaan demooyinka iyo deegaannada gobollka Hiiraan uu ka kooban yahay

12/20/2012 1:19 AM EST
Khamiis, December 20, 2012 (HOL) — Sarkaal ka tirsan booliiska Kenya ayaa la dilay laba kalena dhaawacyo ayaa loo geystay, kaddib markii kooxo hubeysan ay xalay weerar ku qaadeen gaari ay wateen ciidamadan oo marayay bartamaha magaalada Nairobi ee xarunta Kenya.

12/20/2012 1:06 AM EST
Khamiis, December 20, 2012 (HOL) — Wasiirka arrimaha gudaha Soomaaliya, C/kariin Xuseen Guuleed ayaa si rasmi ah u sheegay in wasaaradda arrimaha gudaha ay isbedel ku sameyn doono maamullada gobollada iyo kuwa degmooyinka ee aysan ku qanasanayn shacabka ay maamulaan.

12/20/2012 12:40 AM EST
Khamiis, December 20, 2012 (HOL) — Ugu yaraan hal qof ayaa ku dhintay saddex kalena dhaawacyo kala duwan ayaa kasoo gaaray qaraxyo xalay ka dhacay Islii oo ka tirsan xaafadaha magaalada Nairobi ee dalka Kenya, halkaaso ay deggen yihiin Soomaalida ku nool xarunta Kenya.