6/25/2022
Today from Hiiraan Online:  _
Wararka Maanta- Khamiis, Dec 20, 2012
Wasiirka Arrimaha Gudaha Somalia oo sheegay in la bedeli doono Maamullada aysan shacabkoodu raalliga ka ahayn
Khamiis, December 20, 2012 (HOL) — Wasiirka arrimaha gudaha Soomaaliya, C/kariin Xuseen Guuleed ayaa si rasmi ah u sheegay in wasaaradda arrimaha gudaha ay isbedel ku sameyn doono maamullada gobollada iyo kuwa degmooyinka ee aysan ku qanasanayn shacabka ay maamulaan.

Sidoo kale, wasiirku wuxuu sheegay in magaalada Muqdisho maalmaha soo socda laga dareemi doono ammaan dhaaraad, isagoo intaas ku daray in dowladdu aysan ogolaan doonin in hubku uu gacanta shacbka kusii jiro.

"Maamullada aysan ku qanacsanayn shacabka Soomaaliyeed si dhaqso ah ayaa loo bedeli doonaa, mana la ogolaan doono inuu xil sii hayo mas'uul ay cabashooyink ka keeneen shacabka uu maamulo, maadaama tiirka ay dowladdu ku dhisan tahay ay yihiin shacabka Soomaaliyeed," ayuu yiri wasiirka arrimaha gudaha Soomaaliya.

Wasiirka ayaa sidoo kale sheegay in wasaaradiisu ay xoogga saari doonto sidii ay shacabka ku nool degmooyinka iyo gobollada dalka iyagu u soo xulan lahaayeen mas'uuliyiinta maamulaya, dowladduna ay gacan ku siin doonto sidii maamulladaas ay howshooda u wadan lahaayeen.

Hadalka wasiirka ayaa imaanaya ay soo badanayaan cabashooyink kasoo baxaya dadka ku nool gobollada iyo degmooyinka dalka ee ay gacanta ku hayso dowladda, kuwaasoo ka cabanaya maamullada deegaannadooda.

Dowladda Soomaaliya ayaa dhawaan sheegtay inay gacan ka siinayso dadka ku nool gobollada iyo degmooyinka dalka sidii ay maamullo ay iyagu raalli ka yihiin u sameysan lahaayeen, iyadoo dowladdu ay sheegtay inaysan jiri doonin in maamul dusha sare looga keeno dadka gobollad dalka ku nool.

Ugu dambeyn, wasiirka arrimaha gudaha Soomaaliya ayaa sheegay inaysan ogolaan doonin wasaaraddiisa inay dadku haystaan hub sharci-darro ah, taasoo uu sheegay inay wax u dhimayso ammaanka magaalada Muqdisho iyo deegaannada kale ee dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/20/2012 3:03 PM EST
Khamiis, 20, 12 2012 (HOL) Saddex ruux ayaa lagu toogtay oo geeriyootay labo dhacdo oo kala duwan caawa gudaha degmada Gaarisa ee Xarunta gobolka Waqooyi Bari, sida ay xaqiijinayaan dad ku dhaqan deegaanka Gaarisa.

12/20/2012 9:51 AM EST
Khamiis, December, 20, 2012 (HOL) – Abaartii sanad hore ku dhufatay qeybo ka mid ah gobollka Hiiraan waxaa la oran karaa saameynta ugu darran waxaa ay ku reebtay dadka reer miyiga ah, gaar ahaa qoysaska ay nolashooda ku tiirsaneyd dhaqashada xoolaha kuwaasoo ku soo dhacay gacmo maran kadib markii ay dhaafeen duunyo wixii ay dhaqanayeen.

12/20/2012 9:38 AM EST
Khamiis, December 20, 2012 (HOL) —Israsaaseyn xooggan ayaa gudaha magaalada Kismaayo ku dhexmartay kooxo hubeysan oo jidgooyo dhigtay xaafadda V-afmadow ee magaalada Kismaayo iyo ciidamada ammaanka degmadaasi.

12/20/2012 9:10 AM EST
Khamiis, December 20, 2012 (HOL) —Munaasabad heersare loo soo agaasimay islamarkaasina lagu xusay maalintii la aasaasay ciidamada Booliska Soomaaliyeed ayaa waxa ay maanta ka dhacay kuliyadda Jeneraal Kaahiye, iyadoona munaasabadda maanta ay ahayd mid siheersare ah loosoo agaasimay.

12/20/2012 8:14 AM EST
Khamiis, December 20, 2012 (HOL) — Madaxweynaha dowlada federaalka Soomaaliya, Xasan Sheekh Maxamuud ayaa maanta xafiiskiisa Muqdisho kula kulmay wasiirka horumarinta dowladda Norway, Heikki Holmas iyadoo kulanka uu goobjoog ka ahaa safiirka Nowray ee Soomaaliya iyo saraakiil ka tirsan Villa Soomaaliya.

12/20/2012 7:58 AM EST
Khamiis, December 20, 2012 (HOL) — Taliska ciidamada Booliska Puntland ee gobolka Mudug ayaa ka warbixiyey qaraxyo xalay ka dhacay magaalada Gaalkacayo iyo howlgal ay ciidamadu sameeyeen oo dad lagu soo qabtay.

12/20/2012 7:57 AM EST
Khamiis, December 20, 2012 (HOL) — Wasiiradda maaliyadda East Timor, Emelia Pires ayaa booqasho ku timid maanta magaalada Muqdisho, iyadoo la kulantay madaxweynaha Somalia iyo wasiirka maaliyadda, Maxamuud Xasan Suleymaan, waxayna kala hadashay xiriirka labada dal iyo sidii uu iskaashi u dhexmari lahaa wasaaradaha maaliyadda labada dal.

12/20/2012 7:44 AM EST
Khamiis, December 20, 2012 (HOL)- Munaasabad ballaaran oo lagu xusayey sanadguuradii 69-aad ee kasoo wareegtey xilligii dhidibada loo taagey ciidamada Booliska Soomaaliyeed, ayaa maanta ka dhacday xarunta wasaaradda amniga Puntland ee magaalada Boosaaso.

12/20/2012 7:35 AM EST
Khamiis, December 20, 2012 (HOL) — Guddidda doorashooyinka Somaliland, ayaa waxba kama jiraan ku tilmaamay eeddo loosoo jeediyey, kuwaas oo la sheegay inay doorashadii ay qabteen guddidu ay musuqmaasuq badani ka jirtay.

12/20/2012 7:32 AM EST
Khamiis, December 20, 2012 (HOL) — Saraakiisha ciidamada Jabuuti ee howlgalka midowgga Africa AMISOM ayaa sheegay in ay wadaan qorshe howlgalkooda ku gaarsiinayaan demooyinka iyo deegaannada gobollka Hiiraan uu ka kooban yahay

12/20/2012 1:19 AM EST
Khamiis, December 20, 2012 (HOL) — Sarkaal ka tirsan booliiska Kenya ayaa la dilay laba kalena dhaawacyo ayaa loo geystay, kaddib markii kooxo hubeysan ay xalay weerar ku qaadeen gaari ay wateen ciidamadan oo marayay bartamaha magaalada Nairobi ee xarunta Kenya.

12/20/2012 12:40 AM EST
Khamiis, December 20, 2012 (HOL) — Ugu yaraan hal qof ayaa ku dhintay saddex kalena dhaawacyo kala duwan ayaa kasoo gaaray qaraxyo xalay ka dhacay Islii oo ka tirsan xaafadaha magaalada Nairobi ee dalka Kenya, halkaaso ay deggen yihiin Soomaalida ku nool xarunta Kenya.