6/25/2022
Today from Hiiraan Online:  _
Wararka Maanta- Isniin, Dec 18, 2012
Madaxweynaha Somalia oo Muqdisho kula kulmay Wakiilka Midowga Afrika ee Arrimaha Soomaaliya
Talaado, December 18, 2012 (HOL) — Madaxweynaha Soomaaliya, Xasan Sheekh Maxamuud oo kasoo laabtay dalka Jabuuti ayaa maanta kula kulmay xafiiskiisa ergayga Midowga Afrika ee arrimaha Soomaaliya, Maxamed Saalax Aanaadiif, isagoo kala hadlay howgallada AMISOM.

Markii uu kulanka soo xirmay kulanka oo muddo saacad ah qaatay ayaa waxaa la hadlay saxaafadda ergayga Midowga Afrika isagoo sheegay in imaatinkiisa Muqdisho uu salka ku hayo sidii ay isku baran lahaayeen madaxweynaha Soomaaliya ayna uga hadli lahaayeen howgalka ciidamada Midowga Afirka.

"Kulankan waa kii iigu horreeyay oo aan la yeesho madaxweyaha tan iyo markii la ii magacaabay xilkan muddo bil laga joogo, wuxuu ahaa mid isugu jira isbarasho iyo in aan wadaagno howlgallada ay AMISOM ugu adeegayso shacabka Soomaaliyeed," ayuu yiri ergayga.

Ergaygu wuxuu sheegay in qorshihiisa uu yahay sidii loo adkeyn lahaa howgallada ay AMISOM ka wadaan Soomaaliya, isagoo xusay in isaga iyo madaxweynuhu ay si aad iskula garteen waxyaabihii ay kawada hadleen oo dhan.

Dhanka kale, warsaxaafadeed kasoo baxay xafiiska madaxweynaha oo faahfaahin looga bixinayay kulanka ayaa lagu sheegay in madaxweynuhu uu soo dhaweeyay in xafiiska Midowga Afrika uu dhawaan u soo guurayo Muqdisho.

"Madaxweynuhu wuxuu soo dhaweeyay guurista xafiiska Midowga Afrika, isagoo ku tilmaamay tallaabo muhiim ah oo qayb ka ah hor-u-socodka Soomaaliya. Sidoo kale wuxuu wuxuu ugu baaqay ururrada kale ee caalamiga ah in xafiisyadooda ay u soo raraan Soomaaliya," ayaa lagu yiri warsaxaafadeedka kasoo baxay villa Soomaaliya.

Ugu dambeyn, madaxweynaha Soomaaliya wuxuu ku baaqay in Midowga Afrika ay kala shaqeeyaan dowladda Soomaaliya hirgelinta lixda qodob ee ay dowladdu ku shaqeynayso muddada ay xilka hayso.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/18/2012 2:27 PM EST
Talaada, December 18, 2012 (HOL)- Ugu yaraan 50-qof oo tahriibayaal ah ayaa geeriyoodey, kadib markii ay dooni kula degtey deegaanka Mareera oo dhowr KM ka durugsan magaalada Boosaaso ee xarunta gobolka Bari. Meydadka 18-qof oo dadkaas kamid ah ayaa ka soo caariyey xeebta, waxaa sidoo kale nolol lagu helay 4-qof, iyadoo ilaa iyo hadda la la'yahay dad ka badan 30.

12/18/2012 8:03 AM EST
Talaado, December 18, 2012 (HOL) — Xarakada Al-shabaab ayaa boqolaal ka tirsan xoogaggeeda tababar ugu soo xirtay saldhig ay ku leeyihiin degmada Buulo-burte oo lagu magacaabo Khaalid Bin Waliid, waxaana guutadan loogu magac-daray mid ka mid ah hoggaamiyeyaashii Al-Qaacida ee la dilay Abuu-Yaxye Al-Liibi.

12/18/2012 7:17 AM EST
Talaado, December 18, 2012 (HOL) — Mas'uuliyiinta maamulka Somaliland ayaa ku dhawaaqay inay diyaar u yihiin inay lasii wadaan dowladda Somalia wadahadalladii billowday bishii Feberaayo ee sannadkan, kuwaasoo looga hadlayay sidii go'aan mideysan looga gaari lahaa mustaqbalka siyaasadda Soomaaliya.

12/18/2012 6:42 AM EST
Talaado, December 18, 2012 (HOL) — Golaha Deegaanka ee degmadda Ceerigaabo ee gobolka Sanaag ayaa dib u doortay maayarkii hore ee degmadaasi Xildhibaan Ismaaciil Xaaji Nuur iyo maayar ku xigeen cusub Xildhibaan:Saalax Yuusuf Cabaase.

12/18/2012 3:58 AM EST
Isniin, December 17, 2012 (HOL) —Saraakiisha ciidamada dowladda Soomaalya ayaa sheegay in ay sugeen ammaanka wadada dheer ee isku xirta magaalooyinka Afgooye iyo Marko oo marar ay xoogagga Al-shabaab ka geeysteen weerrro dhabbagal ah.

12/18/2012 3:00 AM EST
Ciidamada dowladda federaalka Soomaaliya, kuwa raaskaambooni iyo Militariga Kenya oo iskaashanaya ayaa saaka aroortii si nabadgelyo ah kula wareegay jaziiradda Kudhaa....