12/2/2021
Today from Hiiraan Online:  _
Wararka Maanta- Sabti, Aug 4 , 2012
Shacabka Degmada Huriwaa oo Maanta dhigay Dibadbax ay uga Cabanayaan dhac ay sheegeen inay u geystaan Ciidamada DKMG ah
Sabti, Ogoosto 04, 2012 (HOL) — Bannaanbax ay dhigayeen dadweynaha ku nool degmada Huriwaa ee gobolka Banaadir ayaa maanta ka dhacay degmadaas, kasaoo ay uga cabanayeen dhac ay sheegeen inay ciidamada dowladda KMG ah geystaan.

Dibadbaxayaasha ayaa waxay sheegeen in ciidamada DKMG Soomaaliya ay xilliyada habeenkii ah u geysataan dhac baahsan, iyagoo xusay in xalay la dhacay bakhaarro ku yaalla Suuqa Xoolaha, taasoo ay sheegeen inaysan u adkeysan karin.

"Ciidamada dowladda KMG ah waxay xalay jabsadeen bakhaarro ku yaalla Suuqa Xoolaha, iyagoo agabkii yaallay ku rartay gaadiid ay wateen," ayuu yiri mid ka mid ah dadkii dibadbaxa dhigayay oo saxaafada la hadlay.
 
Bannaabaxayaal kale oo iyaguna saxaafada la hadlay ayaa sheegay in ciidamada DKMG ah ay kufsi u geystaan haweenk xiliyada habeenkii, iyagoo sheegay inay ka doonayaan dowlada inay damaanad-qaaddo ammaankooda.

"Goobihii ganacsiga oo dhan waan xirnay, waayo waxaan doonaynaa inaan muujinno shucuurteenna ku aaddan dhibaatada nalagu hayo," ayuu yiri dibadbaxe kale, balse ma jiro hadal weli kasoo baxay dhinaca dowladda KMG ah ee Soomaaliya.

Toddobaadkii lasoo dhaafay ayaa ahayd markii dibadbax noocan oo kale ah uu ka dhacay degmadaas, inkastoo aysan saraakiisha dowlada ka hadlin, waxaana ay ka mid tahay degmadan degmooyinka ku yaala dhinaca waqooyi ee Muqdisho.

Dhanka kale, ciidammo ka tirsan kuwa dowladda KMG ah ayaa maanta ku toogtay gudaha suuqa weyn ee Bakaaraha wiil arday ah oo u socday jaamacad, waxaana uu dilkiisa yimid kadib markii ay ka shakiyeen ciidamada dowlada oo howlaglo lagu sugayay amaanka kawaday suuqaas.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/4/2012 6:10 PM EST
Sabti, August 04, 2012(HOL): Orodyahanka Mo Farah ayaa caawa taariikh Isboorti oo dhinaca orodka ah sameeyay kaddib markii uu ku guuleystay orodka 10,000 ee mitir ee ragga. Mo Farah oo u ordayay Britain ayaa wuxuu noqday qofkii ugu horreeyay oo Biritish ah oo ku guuleystay billadda dahabka ah ee lagu helo orodka 10,000 mitir.

8/4/2012 2:15 PM EST
Sabti, August 04, 2012 (HOL) - Xoghayaha amuuraha dibadda ee dalka Maraykanka Hillary Clinton ayaa maanta kulan la qaadatay hogaamiyayaasha Soomaalida.

8/4/2012 9:24 AM EST
Sabti, Ogoosto 04, 2012 (HOL) — Guddoomiyaha Urur Siyaasadeedka Umadda Dr Maxamed Cabdi Gaboose ayaa qabsoomi la’aanta Doorashooyinka golaha deegaanka ku eedeeyey madaxweynah Somaliland, maadaama oo ay waajib ku tahay buu yidhi inuu suurtogaliyo dhicitaanka doorashaddaasi.

8/4/2012 8:22 AM EST
Sabti, Ogoosto 04, 2012 (HOL) — Guddiga farasamada ee xulista baarlamaanka Soomaaliya ayaa ka dalbaday odayaasha dhaqanka ee ku howlan soo xulista xidhibaanada inay ugu dambeyn berri oo Axad ah soo gudbiyaan magacyada xildhibaannada baarlamaanka soo socda.

8/4/2012 7:35 AM EST
Sabti, Ogoosto 04, 2012 (HOL) — Madaxweynaha Somaliland, Mudane, Axmed Maxamed Maxamuud (Siilaanyo) ayaa gudoomiyihii urur siyaasadeedka SSCD oo ka mid ahaa ururaddii ku hadhay qiimeyntii guddidda Diiwaangelintu samaysay u magacaabay wasiirudawlaha Nabadaynta Arrimaha goboladda Bariga Somaliland.

8/4/2012 7:26 AM EST
Sabti, Ogoosto 04, 2012 (HOL) — Howgallo ay ciidamada dowladda KMG iyo kuwa AMISOM ka sameynayeen labadii maalmood ee lasoo dhaafay waddada isku xirta Muqdisho iyo Afgooye ayaa waxay kusoo qab-qabteen askari dhaca u geysanayay dadka shacabka ah, iyadoo dhowr askari oo kalena lagu dilay howgalkaas.

8/4/2012 7:16 AM EST
Sabti, Ogoosto 04, 2012 (HOL) — Wararka aynu ka heleyno magaalada Kismaayo ee gobolka Jubbada hoose ayaa sheegaya in xalay xaafado badan oo magaaladaas ka tirsan laga maqlayay daryanka madaafiic iyo hub culus oo ka dhacayay dhanka deegaanno xeebta ku beegan ee hoostaga magaalada Kismaayo.

8/4/2012 7:07 AM EST
Sabti, Ogoosto 04, 2012 (HOL) — Ugu yaraan 14-qof ayaa ku dhintay dagaal culus oo ciidamada DKMG ah iyo kuwa Itoobiya oo dhinac ah iyo xoogagga Al-shabaab ku dhexmaray degmada Qansax-dheer ee gobolka Bay, iyadoo tiro inaas ka badanna ay ku dhaawacmeen.

8/4/2012 5:51 AM EST
Sabti, Ogoosto 04, 2012 (HOL) — Saraakiisha ciidamada DKMG ah ee Soomaaliya ayaa sheegay inay saakay la wareegeen iyagoo gacan milateri ka helaya ciidamada AMISOM garoonka diyaaradaha KM-50 ee gobolka Shabeellada hoose.

8/4/2012 4:55 AM EST
Sabti, August 04, 2012 (HOL) - Qarax shalay maqribkii ka dhacay xaafada Islii ee magaalada Nairobi, oo ah goob ay ku noolyiin kumannaan Soomaali ah ayaa waxaa kasoo baxaya warar is khilaafsan.

8/4/2012 3:50 AM EST
Sabti, August 04, 2012 (HOL) - Xaflad casho sharaf ah oo ay soo qabanqaabiyeen gudiga ganactada xaafada Islii ayaa Ra'iisul wasaaraha Soomaaliya loogu sameeyay Hoteelka Laico Regency ee magaalada Nairobi.