12/6/2021
Today from Hiiraan Online:  _
Wararka Maanta- Khamiis, Aug 3 , 2012
Kulan lagu taageerayo maamul goboleedka Jubbaland oo lagu qabtay xarunta dalka Kenya ee Nairobi (SAWIRRO)

Jubba5.jpg
Jimco, August 03, 2012 (HOL) - Kulan ay isugu yimaadeen siyaasiyiin,aqoonyahanno iyo waxgarad kale ayaa lagu taageeray maamul goboleedka Jubbaland oo kamid ah maamul goboleedyada deegaannadaas looga dhawaaqay.

Waxaana halkaas ka hadlay madaxweynaha maamul goboleedkan Dr. Axmed Faarax Ducaale oo sheegay inay aqoonsi ka heleen DKMG ah ee Soomaaliya.

“Waxaan dhawaantaan ku sugnayn magaalada Muqdisho, waxaanan si wanaagsan isu afgaranay masuulyiinta DKMG ah ee Soomaaliya” ayuu yiri Dr, Axmed.

Waxaa uu ka codsaday dadweynaha ku dhaqan gobollada Jubbooyinka iyo degaannada ku hareeraysan inay is garab taagaan maamulkiisa oo uu ku tilmaamay inuu si cadaalada ah ugu qaybiyay jagooyinka dadka ku dhaqan gobolladaas.

Jubba4.jpg

Madaxweyne ku xigeenka maamulka Jubbaland Ismaaciil Macallin Axmed (Booliyo) oo isna goobtaas ka hadlay ayaa dalbaday in xarakada Alshabaab ay ka baxdo gobolladaas, hadii kalana ay awood u isticmaali doonaan.

Waxaa uu Ismaaciil sheegay in maamulkoodu uu si toos ah uu hoostagayo DKMG ah ee Soomaaliya, isagoo ka codsaday dhammaan wadamada iyo hay’adaha danaynaya gobolladaas inay lasoo xiriiraan maamulkooda.

Dadweyne isugu jiray qaybaha kala duwan ee bulshada oo iyaguna halkaas hadallo ka jeediyay ayaa soo dhaweeyay maamulkan oo ay ku tilmaameen inay iska wada dhex arki karaan dadka deggan gobollada koonfur galbeed ee Soomaaliya.

Gobollada Jubbooyinka iyo deegaannada ku hareeraysan ayaa sannadihii ugu dambeeyay looga dhawaayay maamul goboleedyo kala duwan oo dhammaantood sheegta inay ka arrimayaan dhulkaas oo intiisa badan ay gacanta ku hayso xarakada Alshabaab.

Jubba2.jpg
Jubba.jpg
Jubba3.jpg
Jubba6.jpg

Axmed Cabdisamad, Hiiraan Online
[email protected]
Nairobi , Kenya













Click here
8/3/2012 9:47 AM EST
Jimco, Ogoosto 03, 2012 (HOL) — Orodyahanadda Soomaaliyeed ee ka qaybgalaysa ciyaaraha Olombikada caalmaka ee ka socda London ayaa kaalinta tododbaad ka gashay orodka 400-mitir ee haweenka.

8/3/2012 7:02 AM EST
Madaxweynaha xilka kasii dagaya ee Galmudug Maxamed Axmed Caalin ayaa si kulul u weeraray doorashadii ka dhacday Galmudug ee lagu soo doortay Cabdi Qaybdiid.

8/3/2012 4:59 AM EST
Jimco, Ogoosto 03, 2012 (HOL) — Kooxo bastoolado ku hubeysan ayaa xalay ku dilay degmada Laascaabood ee gobolka Sool mas'uul ka tirsnaa maamulka gobolka kaasoo lagu magacaabi jiray, Cabdi Cawil Xasan.

8/3/2012 4:53 AM EST
Jimco, Ogoosto 03, 2012 (HOL) — Jen. Cabdi Qaybdiid oo maalin ka hor loo doortay madaxweynaha cusub ee Galmudug ayaa sheegay isagoo ka jawaabayay hadal uu warbaahinta kasii daayay Col. Caalin in doorashadii uu kusoo baxay ay ahayd mid ku dhacday si sharci ah.

8/3/2012 4:28 AM EST
Jimco, Ogoosto 03, 2012 (HOL) — Madaxda dowladda KMG ah ayaa u dhoofay dalka Kenya, halkaasoo ay berri oo Sabti ah kula kulmi doonaan xoghayaha arrimaha dibadda Mareykanka Hillary Clinton oo booqasho ku maraysa dalal Afrika ku yaalla oo ay Kenya ka mid tahay.

8/3/2012 4:23 AM EST
Jimco, Ogoosto 03, 2012 (HOL) — Waxaa saakay lagu aasay magaalada Baladweyne ee xarunta gobolka Hiiraan Alle ha u naxariisteen Inj. Cali Xaaji Shirwac oo maalintii shalay rag hubeysan ku dileen magaalada Baladweyne.