2/7/2023
Today from Hiiraan Online:  _
Wararka Maanta- Talaado, Aug 21, 2012
Madaxweynaha Somaliland oo ka hadlay Geerida Zenawi iyo Aragtida ay Dadweynaha Somaliland ka bixiyeen Geeridaas

Talaado, Ogoosto 21, 2012 (HOL) — Madaxweynaha Somaliland, Axmed Maxamed Mxamuud (Siillaanyo) ayaa Itoobiya uga tacsiyadeeyey geeridii ku timid Ra’isal wasaarahoodii Meles Zenawi.

“Waxaan dadka Itoobiya iyo mandaqada geeska afrika uga tacsiyadaynayaa geerida naxdinta leh ee ku timid Meles Zenawi, wuxuu ahaaa nin door weyn ku leh geeska afrika iyo Afrikaba guud ahaan,”ayuu yidhi madaxweyne Siillaanyo oo BBC-da la hadlayey, waxaanu sheegay inuu ilaalin jiray nabdgalyada geeska afrika.

“Itoobiya aad bay iskugu wanaagsanaayeen Somaliland ilaa wakhtigi Halganka, waana wadan weyn oo mar walba wax iskaga xidhan yihiin labadda umaddood, marka wada shaqaynta xaga nabadgalyada, siyaasada, hurumarinta, ganacsiga waa mid lagama maarmaan ah” ayuu raaciyey Siilaanyo Mar uu ka hadlayey xidhiidhka ka dhexeeya labadda dhinac.

Xafiiska Itoobiya ku leedahay Magaaladda Hargeysa ayaa iyaguna furay buug loogu baroordiiqayo geerida Meles Zenawi, waxaanu madaxweynuhu sheegay inuu buugaas soo saxeexayo, isla markaana uu ka qaybgali doono aaska loo samayn doono Ra’isal wasaraaha Itoobiya.

Dhinaca kale, waxa iyana magaaladda Hargeysa ka furan ilaa shan jaamacadood oo laga leeyahay dalka Itoobiya, kaas oo boqolaal arday wax ka bartaan, waxa kale oo jira arday farobadan oo waxbarasho u joogga Itoobiya iyo qaar waxbarasho bilaash ay siisay dawladda Itoobiya oo ciidamadda iyo shaqaalaha dawladda iskugu jira.

Haseyeeshee, Dadweynaha magaaladda Hargeysa ayaa siyaabo kala duwan u arkay geeridaasi, qaar ka naxay iyo qaar soo dhoweeyeyba, haseyeeshee dadweynaha ayaa intooda badan sheegeen inuu Meles aad u taageeri jiray Somaliland, isla markaana Baasaboorka Somaliland ay si toos ah ugu gali jireen Itoobiya, iyadoo gaadiidka shacabka qaarkoodna waraaq ka qaadan jiray xafiiskooda Itoobiya ay ku tagi jireen ilaa Addis ababa, halka qaarkoodna ka  duuli jireen garoonka magaaladda jigjiga, iyadoo baryihii dambe wasiiraddu ay inta badan ka duuli jireen garoonkaasi Jiga Jiga ee Itoobiya, taas oo aanay wax dhibaato ah kala kulmi jireen, waxaanay sheegeen in  Ra’isal wasaarahaasi ahaa nin aad u yaqaan soomaalida oo aqoon badan u leh, iyagoo ka cabsi qaba ninka bedelo doona sida uu soomaalida ula dhaqmi doona.


Dhinaca kale, waxa ay sheegeen in Meles uu aad u taageeri jiray Sooomaalida Itoobiya, isla markaana u ogolaaday in deegaankooda maamulaan,mashaariic horumarineedna ka fuliyey, balse waxay tilmaameen in  haddii nin kale yimaado ay keenayso in guud ahaan soomaalida cadaadis iyo dhibaato u keeni karo, isla markaana horumarka ka socda deegaanka iyo isku socodka uu xumaan doono, iyadoo aad uga cabsi qaba haddii nin ka soo jeedda amxaarada ama Oromadu la wareego taladda aanay soomaalida u fiicnayn.

 Si kastaba ha ahaatee, dadka qaar ayaa iyaguna Meles aad uga soo horjeestay markii uu ciidanka galiyey Somalia, kaas oo dhibaato badan ka geysteen koonfurta Somalia, iyadoo taariikhda markii ugu horaysay ee ciidanka Itoobiya ahi ay galaan caasimada Somalia, taasina ay ceeb ku ahayd ummaada Soomaaliyeed, iyagoo tilmaamaya inay aad uga xumaayeen ciidankaasi galay Somalia ee ilaa hadda ku jira.

Dadka qaar ayaa Aaminsan in geeridaas Meles Zenawi Itoobiya ku abuuri karto khilaaf hor leh iyo nabadgalyo daro, maadaama oo Meles ahaa nin awood iskugu haya qoomiyadaha kala duwan ee Itoobiya.

Haseyeeshee, waxa la eegi doona cidda bedeli doonta iyo itoobiya siday ahaan doonto Meles dabadii.






Barkhad-Ladiif M. Cumar, Hiiraan Online  
[email protected]
Hargeysa, Somaliland












Click here
8/21/2012 1:29 PM EST
Talaado, August 21, 2012(HOL): Ciidamada la dagaalanka tahriibta ee gobolka Bari, ayaa howgal ay xalay ka sameeyeen deegaanka Shinbiro oo qiyaastii 30km dhinaca bariga magaalada Boosaaso kaga beegan, waxay kusoo qabteen tahriibayaal ay tiradoodu 200 ku dhowdahay iyo weliba gaadiid badeedkii ay ku safrayeen.

8/21/2012 12:47 PM EST
Halkaan ka daawo munaasabaddii lagu dhaarinayey Xildhibaanada cusub ee Soomaaliya

8/21/2012 10:48 AM EST
Talaado, Ogoosto 21, 2012 (HOL) — Kulankii ay maanta ku yeesheen xildhibaanada baarlamaanka federaalka ah ee Soomaaliya xarunta gaadiidka booliiska oo uu shir guddoomiye ka ahaa guddoomiyaha KMG ah, Jen. Muuse Xasan ayaa waxay cod aqlabiyad ku ogolaadeen guddiga doorsahada guddoomiyaha iyo ku xigeennadiisa oo ka kooban 15-xubnood.

8/21/2012 10:18 AM EST
Talaado, Ogoosto 21, 2012 (HOL) — Afhayeenka dowladda Itoobiya ahna wasiirka warfaafinta iyo isgaarsiinta, Bereket Simon ayaa sheegay in ciidamadooda ku sugan gudaha Soomaaliya aysan la baxayn, sidoo kalena aysan bedeli doonin siyaasadooda ku aaddan arrimaha Soomaaliya.

8/21/2012 10:13 AM EST
Talaado, Ogoosto 21, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa ugu baaqay baarlamaanka cusub ee Federalka Soomaaliya inay doortaan musharaxiin ay ka go’an tahay dhaqanka xukun dimoqraadiyadeed.

8/21/2012 9:55 AM EST
Talaado, Ogoosto 21, 2012 (HOL) — Madaxweynaha Soomaaliya ee waqtigiisu sii dhammaanayo, Shariif Sheekh Axmed iyo guddoomiyaha KMG ah ee baarlamaanka cusub ee Soomaaliya, Jen. Muuse Xasan Cabdulle ayaa maanta la kulmay safiirro ka socday dalalka Yurub iyo Mareykanka.

8/21/2012 9:55 AM EST
Talaado, Ogoosto 21, 2012 (HOL) — Arday tiradoodu tahay 1,500 ayaa maanta u fariistay imtixaanka aqbalaadda ah ee Jaamacadda Muqdisho, iyadoo ardaydan ay kasoo qalin-jabiyeen dugsiyada sare ee dalka, doonaya inay waxbarashadooda horay u sii wataan.

8/21/2012 9:39 AM EST
Talaado, Ogoosto 21, 2012 (HOL) — Madaxweynaha dhawaan la doortay ee maamul gobolleedka Galmudug Cabdi Xassan Cawaalle Qeybdiid ayaa isaga oo ku sugan magaalada Gaalkacyo waxaa uu ku dhawaaqay golle wasiiro cusub oo uu yeelanayo maamulka Galmudug.

8/21/2012 8:37 AM EST
Bandhiga faneedkan oo ahaa mid si weyn ay uga soo qeybgaleen dadweynaha magaalada Muqdisho ayaa waxaa soo qabanqaabiyey wariyayaasha Muqdisho waxaana maalgalinayey hay’ada arimaha dhalinyarada ka shaqeysa ee SYAO.

8/21/2012 6:48 AM EST
Talaado, August 21, 2012 (HOL) - Xarakada Alshabaab ayaa ku tilmaantay geerida Ra'iisul wasaarihii Itoobiya inay tahay maalin taariikhi ah.

8/21/2012 4:11 AM EST
Talaado, Ogoosto 21, 2012 (HOL) — Qaramada Midoobay iyo Mareykanka ayaa soo dhaweeyay dhaarinta xildhibaannada cusub ee baarlamaanka Soomaaliya iyagoo ku tilmaamay guul la gaaray, iyadoo Mareykanka uu sheegay inuusan u dulqaadanayn cid walba oo isku dayda inay carqaladeyso howlaha siyaasadeed ee Soomaaliay.

8/21/2012 3:52 AM EST
Talaado, Ogoosto 21, 2012 (HOL) — Guddoomiyaha maamulka gobolka Hiiraan C/fitaax Xassan Afrax oo warbaahinta kula hadllay magaalada Baladweyne ayaa sheegay in marnaba la qabli doonin maleeshiyo ku saleysan beelo iyo ururo diimeed ka sameysma magaalada Baladweyne.

8/21/2012 3:38 AM EST
Talaado, Ogoosto 21, 2012 (HOL) — Xildhibaanada baarlamaanka Federaalka ee Soomaaliya ayaa maanta yeelanaya kulankoodii labaad kaddib markii xalay fiidkii lagu dhaariyay garoonka diyaaradaha Muqdisho ayna doorteen guddoomiye KMG ah.

8/21/2012 3:16 AM EST
Talaado, Ogoosto 21, 2012 (HOL) — Ra'iisul wasaarihii Itoobiya, Meles Zenawi ayaa la shaacisay maanta oo Talaado ah inuu u geeriyooday xanuun daran oo uu isbitaal ugu jirtay tan iyo bishii July ee sannadkan.