1/29/2023
Today from Hiiraan Online:  _
Wararka Maanta- Talaado, Aug 21, 2012
Madaxweynaha iyo Guddoomiyaha Baarlamaanka Soomaaliya oo kula kulay Muqdisho Safiirrada Yurub iyo Mareykanka

Talaado, Ogoosto 21, 2012 (HOL) — Madaxweynaha Soomaaliya ee waqtigiisu sii dhammaanayo, Shariif Sheekh Axmed iyo guddoomiyaha KMG ah ee baarlamaanka cusub ee Soomaaliya, Jen. Muuse Xasan Cabdulle ayaa maanta la kulmay safiirro ka socday dalalka Yurub iyo Mareykanka.

Sheekh Shariif ayaa sheegay in safiirrada ay kala hadleen horumarka nabadda ee Soomaaliya iyo caqabadaha jira, isagoo xusay inay fikrado kala duwan wadaageen kaddibna ay isla garteen in la dardar-geliyo howlaha socda, wax walba oo caqabad ah oo jirana nabad lagu xalliyo.

"Waxyaabihii aan waxaa ugu weynaa waxaa ka mid ahaa xidhibaannadii ay guddiga farsamadu soo celiyeen waxa ka dhalan kara, aragti mideysan ayaana arrintaas ka qaadannay," ayuu Shariif Sheekh ku sheegay hadal uu saxaafadda siiyay markii uu soo dhammaaday kulanka; inkastoo uusan sheegay in go'aankii xildhibaannada lasoo celiyay ay ka gaareen.

Madaxweynaha Soomaaliya wuxuu sheegay in sidoo kale ay ka hadleen sidii ay u dhici lahaayeen doorashada guddoonka baarlamaanka iyo madaxweynaha iyo sidii loo dhameystiri lahaa shaqada harsan.

Shariif Sheekh wuxuu sheegay inay sidoo kale isla garteen in marxaladda ay gashay Soomaaliya ay lagama maarmaan tahay inay ka badalaato sidii hore ayna muujiso kalsooni dowladda dhexdeeda kalsooni shacabka Soomaaiyeed dhexdooda ah iyo in laga shaqeeyo sidii kor loogu qaadi lahaa rajada shacabka.


Sidoo kale, madaxweynuhu wuxuu sheegay in safiirradu ay soo dhaweeyeen heerka ay Soomaaliya joogto, iyagoo sheegay inaysan maleynayn in hal sano halkaas lagu soo gaari karo iyagoo sheegay inay aad u soo dhaweynayaan ayna taageerayaan howsha inay si wanaagsan u socoto.

"Mareykanka iyo Yurub waxay ka mid yihiin dowladaha ka qaybqaatay in howsha ay halkan soo gaarto, waxayna ku bixiyeen dhaqaale badan, iyagoo muujiyay inay ka go'an tahay inay taageeraan horumarka socda," ayuu yiri Sh. Shariif.

Guddoomiyaha KMG ah ee baarlamaanka Soomaaliya, Jen. Muuse Xasan oo isaguna warbaahinta hadal kooban siiyay ayaa sheegay inay dadaal ugu jiraan  sidii ay u qabsoomi lahayd doorashada guddoonka baarlamaanka.

"Waxaan rajeynaynaa in howsha dhiman ay noogu soo dhameystirmaan sida ugu dhaqsiyaha badan, waxaana rajeynaynaa in Alle uu arrintaas noo fududeeyo si ay Soomaaliya uga gudubto halka ay taagan tahay meel muhiim ah ay ugu gudubto," ayuu yiri guddoomiyaha KMG ah ee Soomaaliya oo isaguna la hadlay saxaafadda.


Dhanka kale; madaxweynaha Soomaaliya, Shariif Sheekh ayaa wuxuu uga tacsiyeeyay shacabka iyo dowladda Itoobiya geeridii ku timid ra'iisul wasaarihii hore ee Itoobiya, Meles Zenawi, kaasoo u dhinay xanuun muddo ka hayay caloosha.

"Shacabka iyo dowladda Itoobiya waxaan uga tacsiyeynaynaa geeridii ku timid Meles Zenawi maadaama uu ahaa nin ka mid ah hoggaamiyeyaasha gobolka, sida la ogyahay marxalado kala duwan ayaan isla soo marnay, laakiin marxaladdii ugu dambeysay waxaan ahayn dad isku fiican oo dhinac kawada arka in geeska Afrika uu noqdo mid nabad ah, shacabkiisa iyo hoggaamiyeyaashiisna uu dhexmaro xiriir wanaagsan," ayuu yiri Shariif Sheekh.

Beesha caalamka ayaa dhawaanahan waxay dadaal ugu jireen sidii ay u dardar-gelin lahaayeen howlaha Soomaaliya ay uga baxayso xilliga KMG ah, iyagoo soo dhaweeyay dhaarinta xildhibaannada cusub ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/21/2012 1:29 PM EST
Talaado, August 21, 2012(HOL): Ciidamada la dagaalanka tahriibta ee gobolka Bari, ayaa howgal ay xalay ka sameeyeen deegaanka Shinbiro oo qiyaastii 30km dhinaca bariga magaalada Boosaaso kaga beegan, waxay kusoo qabteen tahriibayaal ay tiradoodu 200 ku dhowdahay iyo weliba gaadiid badeedkii ay ku safrayeen.

8/21/2012 12:47 PM EST
Halkaan ka daawo munaasabaddii lagu dhaarinayey Xildhibaanada cusub ee Soomaaliya

8/21/2012 10:48 AM EST
Talaado, Ogoosto 21, 2012 (HOL) — Kulankii ay maanta ku yeesheen xildhibaanada baarlamaanka federaalka ah ee Soomaaliya xarunta gaadiidka booliiska oo uu shir guddoomiye ka ahaa guddoomiyaha KMG ah, Jen. Muuse Xasan ayaa waxay cod aqlabiyad ku ogolaadeen guddiga doorsahada guddoomiyaha iyo ku xigeennadiisa oo ka kooban 15-xubnood.

8/21/2012 10:18 AM EST
Talaado, Ogoosto 21, 2012 (HOL) — Afhayeenka dowladda Itoobiya ahna wasiirka warfaafinta iyo isgaarsiinta, Bereket Simon ayaa sheegay in ciidamadooda ku sugan gudaha Soomaaliya aysan la baxayn, sidoo kalena aysan bedeli doonin siyaasadooda ku aaddan arrimaha Soomaaliya.

8/21/2012 10:13 AM EST
Talaado, Ogoosto 21, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa ugu baaqay baarlamaanka cusub ee Federalka Soomaaliya inay doortaan musharaxiin ay ka go’an tahay dhaqanka xukun dimoqraadiyadeed.

8/21/2012 10:03 AM EST
Talaado, Ogoosto 21, 2012 (HOL) — Madaxweynaha Somaliland, Axmed Maxamed Mxamuud (Siillaanyo) ayaa Itoobiya uga tacsiyadeeyey geeridii ku timid Ra’isal wasaarahoodii Meles Zenawi.

8/21/2012 9:55 AM EST
Talaado, Ogoosto 21, 2012 (HOL) — Arday tiradoodu tahay 1,500 ayaa maanta u fariistay imtixaanka aqbalaadda ah ee Jaamacadda Muqdisho, iyadoo ardaydan ay kasoo qalin-jabiyeen dugsiyada sare ee dalka, doonaya inay waxbarashadooda horay u sii wataan.

8/21/2012 9:39 AM EST
Talaado, Ogoosto 21, 2012 (HOL) — Madaxweynaha dhawaan la doortay ee maamul gobolleedka Galmudug Cabdi Xassan Cawaalle Qeybdiid ayaa isaga oo ku sugan magaalada Gaalkacyo waxaa uu ku dhawaaqay golle wasiiro cusub oo uu yeelanayo maamulka Galmudug.

8/21/2012 8:37 AM EST
Bandhiga faneedkan oo ahaa mid si weyn ay uga soo qeybgaleen dadweynaha magaalada Muqdisho ayaa waxaa soo qabanqaabiyey wariyayaasha Muqdisho waxaana maalgalinayey hay’ada arimaha dhalinyarada ka shaqeysa ee SYAO.

8/21/2012 6:48 AM EST
Talaado, August 21, 2012 (HOL) - Xarakada Alshabaab ayaa ku tilmaantay geerida Ra'iisul wasaarihii Itoobiya inay tahay maalin taariikhi ah.

8/21/2012 4:11 AM EST
Talaado, Ogoosto 21, 2012 (HOL) — Qaramada Midoobay iyo Mareykanka ayaa soo dhaweeyay dhaarinta xildhibaannada cusub ee baarlamaanka Soomaaliya iyagoo ku tilmaamay guul la gaaray, iyadoo Mareykanka uu sheegay inuusan u dulqaadanayn cid walba oo isku dayda inay carqaladeyso howlaha siyaasadeed ee Soomaaliay.

8/21/2012 3:52 AM EST
Talaado, Ogoosto 21, 2012 (HOL) — Guddoomiyaha maamulka gobolka Hiiraan C/fitaax Xassan Afrax oo warbaahinta kula hadllay magaalada Baladweyne ayaa sheegay in marnaba la qabli doonin maleeshiyo ku saleysan beelo iyo ururo diimeed ka sameysma magaalada Baladweyne.

8/21/2012 3:38 AM EST
Talaado, Ogoosto 21, 2012 (HOL) — Xildhibaanada baarlamaanka Federaalka ee Soomaaliya ayaa maanta yeelanaya kulankoodii labaad kaddib markii xalay fiidkii lagu dhaariyay garoonka diyaaradaha Muqdisho ayna doorteen guddoomiye KMG ah.

8/21/2012 3:16 AM EST
Talaado, Ogoosto 21, 2012 (HOL) — Ra'iisul wasaarihii Itoobiya, Meles Zenawi ayaa la shaacisay maanta oo Talaado ah inuu u geeriyooday xanuun daran oo uu isbitaal ugu jirtay tan iyo bishii July ee sannadkan.