1/29/2023
Today from Hiiraan Online:  _
Wararka Maanta- Talaado, Aug 21, 2012
Ururka Alshabaab iyo Qaar ka mid ah Shacabka Soomaalida oo soo dhaweyay geerida Ra'iisul Wasaarihii Itoobiya Melez Zenawi
Talaado, August 21, 2012 (HOL) - Xarakada Alshabaab ayaa ku tilmaantay geerida Ra'iisul wasaarihii Itoobiya inay tahay maalin taariikhi ah.

Afhayeenka Alshabaab Sheekh Cali Maxamuud Raage ayaa sheegay inay aad ugu faraxsanyihiin dhimashada Zenawi. "Aad ayaan ugu faraxsannahay geerida Meles' , Itoobiya hadda ayay burburaysaa  ," ayuu yiri Sheekh Cali Dheere.

Sheekh Cali Dheere ayaa sidoo kale sheegay in ciidamada Itoobiya ee haatan ku sugan qaybo kamid ah Soomaaliya inay kala burburi doonaan.

Dhanka kalana magaalada Nairobi oo ay ku noolyihiin kumanaan Soomaali ah ayaa laga dareemayaa farxad goobaha qaar, gaar ahaana meelaha ay ku suganyihiin dadweynaha kasoo qaxay gobolka Soomaalida ee Itoobiya.

Xaliimo Maxamed oo dukaan ku gadata xaafada Islii, kana soo qaxday gobolka Soomaali galbeed oo la hadashay Hiiraan Online ayaa sheegtay inay u tahay maalin farxadeed.

Xaliimo ayaa sababta ku sheegtay in ciidamada Zenawi ay kasoo qaxiyeen deegaankaadii ayna dileen qaar badan oo kamid ah qaraabadeeda ayadana jirdil loo gaystay kahor inta aysan Kenya uu soo qaxin.

Mid kamid ah siyaasiyiinta Soomaalida ee ku dhaqan Nairobi oo diiday in magaciisa la shaaciyo ayaa sheegay in geerida Meles Zenawi ay fursad u tahay Soomaalida ayna ku heshiin karaan, isagoo ku tilmaamay inuu ahaa caqabada hortaagnayd is faham dhex mara dadka Soomaaliyeed.

Waxaana uu ugu baaqay Soomaalida ku nool gudaha dalka iyo kuwa Soomaali galbeedba inay ka faa'iidaystaan fursadan taariikhiga ah oo uu sheegay inay tahay mid aan markale soo mari doonin.

Ra'iisul wasaarihii Itoobiya, Meles Zenawi ayaa la shaaciyay maanta oo Talaado ah inuu u geeriyooday xanuun daran oo uu isbitaal ugu jirtay tan iyo bishii July ee sannadkan.

Telefishinka Itoobiya ayaa laga sheegay in xilka ra'iisul wasaarenimo ee Itoobiya uu si KMG ah u haynayo ra'iisul wasaare ku xigeenka ahna wasiirka arrimaha dibadda ee Itoobiya Hailemariam Desalegn.

Zenawi ayay Soomaalidu ku xasuustaan inuu ahaa hogaamiyihii suuragaliyay in ciidamada Itoobiya ay gudaha u galaan caasimada Soomaaliya markii ugu horreysay taariikhda Soomaaliya sannadkii 2006-dii, taasoo kordhisay nacaybka ay Soomaalidu u hayeen.

Axmed C/samad, Hiiraan Online
[email protected]
Nairobi , Kenya












Click here
8/21/2012 1:29 PM EST
Talaado, August 21, 2012(HOL): Ciidamada la dagaalanka tahriibta ee gobolka Bari, ayaa howgal ay xalay ka sameeyeen deegaanka Shinbiro oo qiyaastii 30km dhinaca bariga magaalada Boosaaso kaga beegan, waxay kusoo qabteen tahriibayaal ay tiradoodu 200 ku dhowdahay iyo weliba gaadiid badeedkii ay ku safrayeen.

8/21/2012 12:47 PM EST
Halkaan ka daawo munaasabaddii lagu dhaarinayey Xildhibaanada cusub ee Soomaaliya

8/21/2012 10:48 AM EST
Talaado, Ogoosto 21, 2012 (HOL) — Kulankii ay maanta ku yeesheen xildhibaanada baarlamaanka federaalka ah ee Soomaaliya xarunta gaadiidka booliiska oo uu shir guddoomiye ka ahaa guddoomiyaha KMG ah, Jen. Muuse Xasan ayaa waxay cod aqlabiyad ku ogolaadeen guddiga doorsahada guddoomiyaha iyo ku xigeennadiisa oo ka kooban 15-xubnood.

8/21/2012 10:18 AM EST
Talaado, Ogoosto 21, 2012 (HOL) — Afhayeenka dowladda Itoobiya ahna wasiirka warfaafinta iyo isgaarsiinta, Bereket Simon ayaa sheegay in ciidamadooda ku sugan gudaha Soomaaliya aysan la baxayn, sidoo kalena aysan bedeli doonin siyaasadooda ku aaddan arrimaha Soomaaliya.

8/21/2012 10:13 AM EST
Talaado, Ogoosto 21, 2012 (HOL) — Isbaheysiga madaxa-bannaan ee turxaan bixinta Soomaaliya ee IFISO (Independent Vetting Coalition Somalia) ayaa ugu baaqay baarlamaanka cusub ee Federalka Soomaaliya inay doortaan musharaxiin ay ka go’an tahay dhaqanka xukun dimoqraadiyadeed.

8/21/2012 10:03 AM EST
Talaado, Ogoosto 21, 2012 (HOL) — Madaxweynaha Somaliland, Axmed Maxamed Mxamuud (Siillaanyo) ayaa Itoobiya uga tacsiyadeeyey geeridii ku timid Ra’isal wasaarahoodii Meles Zenawi.

8/21/2012 9:55 AM EST
Talaado, Ogoosto 21, 2012 (HOL) — Madaxweynaha Soomaaliya ee waqtigiisu sii dhammaanayo, Shariif Sheekh Axmed iyo guddoomiyaha KMG ah ee baarlamaanka cusub ee Soomaaliya, Jen. Muuse Xasan Cabdulle ayaa maanta la kulmay safiirro ka socday dalalka Yurub iyo Mareykanka.

8/21/2012 9:55 AM EST
Talaado, Ogoosto 21, 2012 (HOL) — Arday tiradoodu tahay 1,500 ayaa maanta u fariistay imtixaanka aqbalaadda ah ee Jaamacadda Muqdisho, iyadoo ardaydan ay kasoo qalin-jabiyeen dugsiyada sare ee dalka, doonaya inay waxbarashadooda horay u sii wataan.

8/21/2012 9:39 AM EST
Talaado, Ogoosto 21, 2012 (HOL) — Madaxweynaha dhawaan la doortay ee maamul gobolleedka Galmudug Cabdi Xassan Cawaalle Qeybdiid ayaa isaga oo ku sugan magaalada Gaalkacyo waxaa uu ku dhawaaqay golle wasiiro cusub oo uu yeelanayo maamulka Galmudug.

8/21/2012 8:37 AM EST
Bandhiga faneedkan oo ahaa mid si weyn ay uga soo qeybgaleen dadweynaha magaalada Muqdisho ayaa waxaa soo qabanqaabiyey wariyayaasha Muqdisho waxaana maalgalinayey hay’ada arimaha dhalinyarada ka shaqeysa ee SYAO.

8/21/2012 4:11 AM EST
Talaado, Ogoosto 21, 2012 (HOL) — Qaramada Midoobay iyo Mareykanka ayaa soo dhaweeyay dhaarinta xildhibaannada cusub ee baarlamaanka Soomaaliya iyagoo ku tilmaamay guul la gaaray, iyadoo Mareykanka uu sheegay inuusan u dulqaadanayn cid walba oo isku dayda inay carqaladeyso howlaha siyaasadeed ee Soomaaliay.

8/21/2012 3:52 AM EST
Talaado, Ogoosto 21, 2012 (HOL) — Guddoomiyaha maamulka gobolka Hiiraan C/fitaax Xassan Afrax oo warbaahinta kula hadllay magaalada Baladweyne ayaa sheegay in marnaba la qabli doonin maleeshiyo ku saleysan beelo iyo ururo diimeed ka sameysma magaalada Baladweyne.

8/21/2012 3:38 AM EST
Talaado, Ogoosto 21, 2012 (HOL) — Xildhibaanada baarlamaanka Federaalka ee Soomaaliya ayaa maanta yeelanaya kulankoodii labaad kaddib markii xalay fiidkii lagu dhaariyay garoonka diyaaradaha Muqdisho ayna doorteen guddoomiye KMG ah.

8/21/2012 3:16 AM EST
Talaado, Ogoosto 21, 2012 (HOL) — Ra'iisul wasaarihii Itoobiya, Meles Zenawi ayaa la shaacisay maanta oo Talaado ah inuu u geeriyooday xanuun daran oo uu isbitaal ugu jirtay tan iyo bishii July ee sannadkan.