11/28/2021
Today from Hiiraan Online:  _
Wararka Maanta- Khamiis, Aug 2 , 2012
Kooxo bastoolado ku hubeysan oo Bartamaha Degmada Baladweyne ee Gobolka Hiiraan ku toogtay Injineer caan ah

Inj. Cali Xaaji Shirwac oo arday ku sugan tuulada tarashinte (300) u qaybanyo qalab waxbarasho. Apr 2003 (HOL Files)
Khamiis, Ogoosto 02, 2012 (HOL) — Kooxo hubeysan ayaa baqonimadii maanta ku toogtay degmada Baladweyne ee xarunta gobolka Hiiraan, Inj. Cali Xaaji Shirwac iyadoo kooxaha dilka geystay ay u suurogashay inay ka baxsadeen goobta.

Wariyaha HOL ee Baladweyne C/raxmaan Diini ayaa sheegay in injineerka ay rag ku hubeysan bastoolado ku dileen xafiiskiisa oo ku yaalla bartamaha Baladweyne, iyadoo aan la ogeyn sababta keentay in la dilo injineerkan oo aad looga yaqaannay gobolka Hiiraan.

"Dilka injineerka waxaa ka dambeysay Al-shabaab, madaxa ayayna xabado uga dhufteen, wuxuuna injineerku howl ka bilaabi lahaa garoonka diyaaradaha ee Baldweyne," ayuu yiri guddoomiyha gobolka Hiiraan, C/fitaax Xasan Afrax oo la hadlayay BBC-da.

Guddoomiyaha gobolka Hiiraan oo ka hadlayay sida ay ku ogaadeen in Injineerka ay dileen kooxo xiriiro la leh Al-shabaab ayaa wuxuu sheegay inay maalmahan u soo dirayeen marxuumka fariimo ay ugu hanjabayaan.

Ciidamada maamulka gobolka Hiiraan ayaa howgallo ballaaran oo ay ku raadinayaan kooxihii dilka Injineerka ka dambeeyay ka billaaba xaafadaha Baladweyne, iyadoo la geeyay isbitaalka dedgmadaas oo dhinaca bari ku yaalla dad aad u fara badan.

"Kumannaan qof ayaa la isugu geeyay xabsiga degmada Baladweyne, baaritaanno ayaana dadkaas lagu sameynayaan," ayuu yiri guddoomiye ku xigeenka dhinaca ammaanka ee maamulka gobolka Hiiraan. Axmed Cismaan Cabdalla (Inji).

Magaalada Baladweyne ayaa gabi ahaan la xiray, iyadoo aysan jirin wax dhaqaaq ah oo ay dadku sameynayaan, ciidamaduna waxay galayaan meel walba si ay u baraan kooxihii dilka geystay.

Dilkan ayaa wuxuu qayb ka noqonayaa dilal noocan oo ka dhacay Baladweyne tan iyo markii Al-shabaab laga saaray bishii December ee sannadkii hore, iyadoo aysan jirin wax war ah oo ku saabsan dilkan oo weli kasoo baxay Al-shabaab.

Injineerka la dilay ayaa wuxuu ku takhasusay dhismaha garoommada diyaaradaha, isagoo horay u dhisay garoomada diyaaradaha, Baladweyne, Berbera, Balli-doogle iyo kuwo kale, isagoo hadda gacanta ku hayay dhismaha garoonka diyaaradaha degmada Caabud-waaq ee gobolka Galguduud.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
8/2/2012 4:46 PM EST
Khamiis, August 2, 2012 (HOL) - Waxaa maanta xarigga laga jaray labo kamid ah jidadka waaweyn ee magaalada Boosaaso kuwaas oo bilihii u danbeeyey dayactirkooda lagu howlanaa.

8/2/2012 10:00 AM EST
Khamiis, Ogoosto 02, 2012 (HOL)- Dawladda Hoose ee Degmadda Boorame waaxdeeda Fayo dhawrka ayaa hawlgal ay ka sameeyeen bakhaaradda magaaladaasi ku soo ururiyey Badeecado wakhtigii isticmaalkoodu dhacay oo la iibinayey.

8/2/2012 9:12 AM EST
Khamiis, Ogoosto 02, 2012 (HOL) — Dastuurka KMG Soomaaliya oo shalay aqlabiyad lagu ansixiyay ayaa wuxuu dambi ka dhigayaa gudniinka fircooniga ah ee haweenka, iyadoo lagu tilmaamay gudniinkaas inuu la mid yahay jidil loo geysanayo haweenka.

8/2/2012 8:30 AM EST
Khamiis, Ogoosto 02, 2012 (HOL) — Maamulka Somaliland ayaa guul ku tilmaamay ansixinta dastuurka KMG ah ee Soomaaliya oo shalay lagu ansixiyay Muqdisho, iyagoo sheegay inuu fududeyn karo in Soomaaliya ay dhibaatada ka baxdo.

8/2/2012 8:29 AM EST
Khamiis, Ogoosto 02, 2012 (HOL) — Dablay aan la aqoonsan ayaa xalay bambaano ku weeraray guriga maayarka ama guddoomiyaha degmada Laascaanood ee gobolka Sool, Faarax Cabdi Yare.

8/2/2012 6:40 AM EST
Khamiis, August 02, 2012 (HOL) - Allaha naxariistee marxuum Cabdi Jeylani Malaaq "Marshaale" ayaa si weyn loogu aasay magaalada Muqdisho ayada oo dad aad u farabadan ka soo qayb-galeen aaskiisa.

8/2/2012 4:29 AM EST
Khamiis, Ogoosto 02, 2012 (HOL) — Taliyaha nabadsugidda gobolka Banaadir, Col. Khaliif Axmed Ereg ayaa saakay ka badbaaday qarax miino oo la doonayay in lagu qaarijiyo, iyadoo saraakiisha dowladdu ay sheegeen inay qaraxaas u qabteen hal qof.

8/2/2012 4:12 AM EST
Khamiis, Ogoosto 02, 2012 (HOL) — Shirkadda isgaarsiinta Hormuud oo ka mid ah shirkadaha isgaarsiinta ee ka howlgala Soomaaliya ayaa waxay shalay ugu deeqday matoor weyn oo dab-dhaliye ah isbitaalka Madiina ee magaalada Muqdisho.

8/2/2012 4:00 AM EST
Khamiis, Ogoosto 02, 2012 (HOL) — Guddoomiyaha degmada Huriwaa, Cumar Jacfaan oo la hadlay saxaafadda ayaa ku eedeeyay ciidamada dowladda KMG ah inay dhac, dil iyo kufsi ka geystaan degmadaas, isagoo ka dalbaday mas'uuliyiinta dowladda inay ka hortagaan falalka ay ciidamadu ka geysanayaan degmadaas.

8/2/2012 4:00 AM EST
Khamiis, Ogoosto 02, 2012 (HOL) — Dowladda Puntland ayaa si weyn u soo dhoweysay ansixinta dastuurka cusub ee dalka oo shalay 01-08-2012 ergooyinkii loo xil saaray ay cod aqlabiyad leh ku meel mariyeen.

8/2/2012 3:51 AM EST
Khamiis, Ogoosto 02, 2012 (HOL) — Xarakada Al-shabaab oo dagaal kula jirta DKMG ah iyo AMISOM ayaa sheegtay in ergadii ansixisay dastuurka KMG ah ee Soomaaliya ay ugu xukuman yihiin dil toogasho ah, iyadoo taas sabab uga dhigtay inay meel-mariyeen dastuur ay sheegeen inuu diinta Islaamka kasoo horjeedo.