12/6/2021
Today from Hiiraan Online:  _
Wararka Maanta- Khamiis, Aug 2 , 2012
Shirkadda Isgaarsiinta Hormuud oo Matoor dab-dhaliye ah ugu deeqday Isbitaalka Madiina ee Magaalada Muqdisho


Khamiis, Ogoosto 02, 2012 (HOL) — Shirkadda isgaarsiinta Hormuud oo ka mid ah shirkadaha isgaarsiinta ee ka howlgala Soomaaliya ayaa waxay shalay ugu deeqday matoor weyn oo dab-dhaliye ah isbitaalka Madiina ee magaalada Muqdisho.

Mas'uliyiinta shirkadda Hormuud ayaa sheegeen inay ka jawaabayeen codsi horay uga yimid isbitaalka, iyadoo martoorka lagu wareejiyay agaasimaha guud ee isbitaalka Madiina, Dr. Maxamed Yuusuf.

Madaxa waaxda xiriirka guud ee shirkadda Hormuud Cali Sheekh Yaasiin (Cali fadhaa) oo faahfaahin ka bixiyay matoorka ay ku wareejiyeen isbitaalka Madiina ayaa sheegay in markii ay ogaadeen baahida koronto ee ka jirta isbitaalka Madiina ay go'aansadeen inay ku wareejiyaan martoor weyn oo dabooli kara baahida koronto ee isbitaalka.



Dr. Maxamed Yuusuf oo isaguna saxaafadda la hadlay ayaa uga mahad-celiyey shirkadda isgaarsiinta Hormuud sida ay codsigooda uga jawaabtay, wuxuuna sheegay in matoorradii hore oo isbitaalku isticmaali jiray ay dabooli waayeen baahida xagga dabka ah ee isbitaalka ka jirta.

"Shirkadda Hormuud waxay hormuud u tahay caawinta shacabka Soomaaliyeed iyo goobaha ay isbitaalladu ka mid yihiin, dhowr jeer oo hore ayayna isbitaalka kaalmo soo gaarsiiyeen," ayuu yiri Dr. Maxamed Yuusuf.

Ma ahan markii ugu horreysay oo shirkadda Hormuud ay kaalmooyin gaarsiiyo qaar ka mid ah isbitaallada Muqdisho, iyadoo dhawaan shidaal iyo joodariyaal ugu deeqday isbitaallada: Banaadir, Keydsaney iyo Madiina.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/2/2012 4:46 PM EST
Khamiis, August 2, 2012 (HOL) - Waxaa maanta xarigga laga jaray labo kamid ah jidadka waaweyn ee magaalada Boosaaso kuwaas oo bilihii u danbeeyey dayactirkooda lagu howlanaa.

8/2/2012 10:00 AM EST
Khamiis, Ogoosto 02, 2012 (HOL)- Dawladda Hoose ee Degmadda Boorame waaxdeeda Fayo dhawrka ayaa hawlgal ay ka sameeyeen bakhaaradda magaaladaasi ku soo ururiyey Badeecado wakhtigii isticmaalkoodu dhacay oo la iibinayey.

8/2/2012 9:12 AM EST
Khamiis, Ogoosto 02, 2012 (HOL) — Dastuurka KMG Soomaaliya oo shalay aqlabiyad lagu ansixiyay ayaa wuxuu dambi ka dhigayaa gudniinka fircooniga ah ee haweenka, iyadoo lagu tilmaamay gudniinkaas inuu la mid yahay jidil loo geysanayo haweenka.

8/2/2012 8:30 AM EST
Khamiis, Ogoosto 02, 2012 (HOL) — Maamulka Somaliland ayaa guul ku tilmaamay ansixinta dastuurka KMG ah ee Soomaaliya oo shalay lagu ansixiyay Muqdisho, iyagoo sheegay inuu fududeyn karo in Soomaaliya ay dhibaatada ka baxdo.

8/2/2012 8:29 AM EST
Khamiis, Ogoosto 02, 2012 (HOL) — Dablay aan la aqoonsan ayaa xalay bambaano ku weeraray guriga maayarka ama guddoomiyaha degmada Laascaanood ee gobolka Sool, Faarax Cabdi Yare.

8/2/2012 7:28 AM EST
Khamiis, Ogoosto 02, 2012 (HOL) — Kooxo hubeysan ayaa baqonimadii maanta ku toogtay degmada Baladweyne ee xarunta gobolka Hiiraan, Inj. Cali Xaaji Shirwac iyadoo kooxaha dilka geystay ay u suurogashay inay ka baxsadeen goobta.

8/2/2012 6:40 AM EST
Khamiis, August 02, 2012 (HOL) - Allaha naxariistee marxuum Cabdi Jeylani Malaaq "Marshaale" ayaa si weyn loogu aasay magaalada Muqdisho ayada oo dad aad u farabadan ka soo qayb-galeen aaskiisa.

8/2/2012 4:29 AM EST
Khamiis, Ogoosto 02, 2012 (HOL) — Taliyaha nabadsugidda gobolka Banaadir, Col. Khaliif Axmed Ereg ayaa saakay ka badbaaday qarax miino oo la doonayay in lagu qaarijiyo, iyadoo saraakiisha dowladdu ay sheegeen inay qaraxaas u qabteen hal qof.

8/2/2012 4:00 AM EST
Khamiis, Ogoosto 02, 2012 (HOL) — Guddoomiyaha degmada Huriwaa, Cumar Jacfaan oo la hadlay saxaafadda ayaa ku eedeeyay ciidamada dowladda KMG ah inay dhac, dil iyo kufsi ka geystaan degmadaas, isagoo ka dalbaday mas'uuliyiinta dowladda inay ka hortagaan falalka ay ciidamadu ka geysanayaan degmadaas.

8/2/2012 4:00 AM EST
Khamiis, Ogoosto 02, 2012 (HOL) — Dowladda Puntland ayaa si weyn u soo dhoweysay ansixinta dastuurka cusub ee dalka oo shalay 01-08-2012 ergooyinkii loo xil saaray ay cod aqlabiyad leh ku meel mariyeen.

8/2/2012 3:51 AM EST
Khamiis, Ogoosto 02, 2012 (HOL) — Xarakada Al-shabaab oo dagaal kula jirta DKMG ah iyo AMISOM ayaa sheegtay in ergadii ansixisay dastuurka KMG ah ee Soomaaliya ay ugu xukuman yihiin dil toogasho ah, iyadoo taas sabab uga dhigtay inay meel-mariyeen dastuur ay sheegeen inuu diinta Islaamka kasoo horjeedo.