2/7/2023
Today from Hiiraan Online:  _
Wararka Maanta- Axad, Aug 19, 2012
Maxaabiis Cafis loo fidiyay Ciiddul-Fidriga Awgeed oo maanta laga sii daayay Xabsiga Dhexe ee Magaalada Muqdisho
Axad, Ogoosto 19, 2012 (HOL) — Xabsiga dhexe ee Muqdisho (Gaalshire) ayaa laga sii daayay maanta 220 maxbuus oo ciiddul fidriga awgeed cafis loo fidiyay waxayna maxaabiistan isugu jireen rag iyo dumar.

Wasiirka arrimaha diinta iyo awqaafta dowladda KMG ah, Axmed Xasan Gaboobe oo la hadlay wabaahinta ayaa sheegay in maxaabiistan oo ay ku jiraan sideed dumar ah iyo toddoba ruux oo ajnabi ah uu cafis u fidiyay madaxweynaha DKMG ah Shariif Sheekh Axmed.

"Maxaabiistan waxaa lagu cafiyay bilshada ciidda, waxayna laga soo qabqabtay intoda badan Muqdisho iyagoo ku xukunnaa dambiyo fudud," ayuu wasiirku ka sheegay xabsiga dhexe.

Sannad walba marka la gaaro ciidaha ayaa cafis loo fidiyaa qaar ka mid ah maxaabiista ku jira xabsiga dhexe ee Muqdisho, iyadoo maxaabiistan oo qaarkood la hadlay saxaafadda ay muujiyeen sida ay ugu faraxsan yihiin in xabsiga laga sii daayo.

Inkastoo aan la sheegin dambiyada ay ku xukunnaayeen ayaa waxay haddana ku jireen xabsiga muddo bilooyin ah, iyadoo xabsiga dhexe ay ku xiran yihiin maxaabiis aad u fara badan oo ay ku jiraan kuwo ku xukuman dil toogasho.

Maxaabiista ku xiran xabsiga dhexe ayaa waxaa qaarkood loo haystaa dambiyo kala duwan oo ay ka mid yihiin inay ka mid ahaayeen Al-shabaab oo ay falal ammaanka wax u dhimaya ka maleegayeen Muqdisho iyo kuwo kale oo u xirxiran kufsi iyo inay isticmaaleen maan-dooriyeyaal.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/19/2012 11:10 AM EST
Isniin, August 19, 2012(HOL): Magaalada Västerås ee gobolka Västmanland ee dalka Sweden ayaa maanta si weyn looga ciiday, iyadoo dadka ku tukadeen Salaaddii Ciidda goob aad u ballaaran oo loo diyaariyay.

8/19/2012 11:03 AM EST
Axad, Ogoosto, 19, 2012 (HOL)-Dadweynaha Somaliland ayaa maanta si weyn ugu dabaal degay ciidda soonfur oo caalamka oo dhan laga wada Ciiday.

8/19/2012 10:00 AM EST
Axad, August 19, 2012(HOL): Maanta oo ay taariikhdu tahay 1-da bisha Shawaal ee sanadka Hijriga, kuna beegan 19-August-2012, waxaa si weyn dunida Muslimka ah loogaga dabaal degayaa munaasabadda Ciidul-fidriga.

8/19/2012 9:46 AM EST
Axad, Ogoosto 19, 2012 (HOL) — Iyadoo lagu jiro xilligii loo asteeyay inay ka baxdo Soomaaliya ku-meel-gaarnimada ayay xubno ka tirsan beesha caalamka oo Muqdisho ku shiray waxay si wadajir ah warsaxaafadeed uga soo saareen arrintan.

8/19/2012 8:54 AM EST
Axad, Ogoosto 19, 2012 (HOL) — Deegaannada ay ka taliso Xarakada Al-shabaab ayaa si weyn looga ciiday maanta iyadoo ay dadweynihii salaadda kasoo qaybgalay ay la hadleen mas'uuliyiin ka tirsan Al-shabaab oo uu ka mid ahaa Sheekh Xasan Daahir Aweys.

8/19/2012 7:35 AM EST
Axad, Ogoosto 19, 2012 (HOL) — Magaalada Cape-town ee dalka Koofur Afrika ayaa si weyn loogu soo baxay salaadda ciidda, iyadoo muslimiin aad u fara badan oo Soomaali ay ku jirtay ay buux-dhaafiyeen barxadaha lagu oogayay salaadda ciidda oo ku kala yaalla gudaha iyo duleedada magaaladaas.

8/19/2012 7:22 AM EST
Axad, Ogoosto 19, 2012 (HOL) — Magaalada Baladweyne ee xarunta maamulka gobollka Hiiraan ayaa maanta si la mid ah gobollada kale ee dalka Soomaliya waxaa looga oogay munaasabada Ciidul-fidriga.

8/19/2012 7:18 AM EST
Axad, Ogoosto 19, 2012 (HOL) — Madaxda dowladda KMG ah ee Soomaaliya ayaa dadweyne fara badan kula tukaday maanta salaaddii ciidda masjidka weyn ee isbahaysiga Islaamka oo ah midka ugu weyn magaalada Muqdisho.

8/19/2012 6:59 AM EST
Axad, Ogoosto 19, 2012 (HOL) — Munaasabadda Ciidda barakeysan ee ciiddul Fitriga oo maanta muslimiin badan oo caalamka ku nool ay siyaabo kala duwan ugu dabaaldegeen ayaa waxa siweyn looga xusay degmooyinka kala duwan ee Jubooyinka.

8/19/2012 5:40 AM EST
Axad, August 19, 2012 (HOL) - Kumannaan Soomaali ah ayaa maanta isugu soo baxay salaadii ciida, goobo kala duwan oo ka mid ah dalka Kenya.

8/19/2012 1:50 AM EST
Youtube: Halkaan ka dhageyso heeso aan idiinku talagalnay maalinta Ciidda