1/29/2023
Today from Hiiraan Online:  _
Wararka Maanta- Sabti, Aug 18, 2012
AMISOM oo iska fogeeysay inay ku lug leedahay duqeymihii loo geystay Magaalada Kismaayo ee Gobolka Jubbada Hoose
Sabti, Ogoosto 18, 2012 (HOL) — Ciidamada Midowga Afrika ee AMISOM ayaa war-saxaafadeed ay soo saareen ku sheegay inay ka walaacsan yihiin khasaaraha dadka rayidka ah ee ku nool Kismaayo oo ay maamusho Al-shabaab kasoo gaaray duqeymo loo geystay magaaladaas.

Magaalada Kismaayo oo 500-km dhinaca Koonfureed kaga beegan Kismaayo oo ah xarunta gobolka Jubbada Hoose ayaa waxaa ku dhacay gantaallo la sheegay inay qaarkood tuureen maraakiib ku sugan xeebaha magaaladaas.

"Waxaan ku talinaynaa awood kasta oo ciidan inay muhiimadda siiyaan dadweynaha," ayuu yiri ergayga gaarka ah ee Midowga Afrika u qaablisan arrimaha Soomaaliya, dajire Abuubakar Diyaara.

Sidoo kale, ergaygu wuxuu ku baaqay in baaritaan lagu sameeyo dadka khasaaraha ay kasoo gaareen duqeymihii loog eystay Kismaayo, isagoo sheeagy in ciidankooda AMISOM aysan duqeyn u geysan Kismaayo.

"AMISOM waxay qaadanaysaa mas'uuliyadda kaga aaddan ilaalinta shacabka Soomaaliyeed, waxayna si cad u fahamsan yihiin sida ay u dagaalamaan iyagoo aanay dadku dhibaato kasoo gaarin," ayuu yiri Diyaara.

Magaalada Kismaayo ayaa ah meel aad ugu xooggan tahay Al-shabaab, halkaasoo ay ciidamada Kenay oo ka tirsan AMISOM dhowr jeer oo hore sheegeen inay weerari doonaan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/18/2012 11:58 AM EST
Sabti, Ogoosto, 18, 2012 (HOL)- Ciidda Soonfur ayaa maalmihii u dambeeyey aad looga dareemayaa guud ahaan Somaliland, gaar ahaan magaaladda Hargeysa, waxaanay dadweynuhu ku qulqulayeen goobaha Tukaamadda ah ee lagu iibiyo agabka kala duwan ee dharka, kabaha iyo waxyaalaha kale ee guryaha lagu qurxisto ka midka yihiin.

8/18/2012 7:48 AM EST
Sabti, Ogoosto 18, 2012 (HOL) — Guddiga xulista baarlamaanka Soomaaliya ayaa sheegay inay hayaan tirada 242-mudane oo baaristooda la dhameeyay, wuxuuna guddigu sheegay in xildhibaannadan ay fadhigooda ugu horreeya yeelanayaan maalinta Isniinta ah ee soo socota.

8/18/2012 7:22 AM EST
Sabti, Ogoosto 18, 2012 (HOL) — Maydadka saddex ruux oo dhallinyaro ah ayaa lagu arkay maanta bartamaha degmada Baladxaawo ee gobolka Gedo, iyadoo ay warar kala duwan kasoo baxayaan dhimashada dhallinyarada.

8/18/2012 3:28 AM EST
Sabti, Ogoosto 18, 2012 (HOL) — Madaxweynaha Soomaaliya, Shariif Sheekh Axmed ayaa sheegay inuu diyaar u yahay inuu aqbalo natiijada kasoo baxda doorashada madaxnimo ee Soomaaliya wax walba oo ay noqoto.

8/18/2012 3:13 AM EST
Sabti, Ogoosto 18, 2012 (HOL) — Madaxweynaha dalka Kenya ayaa sheegay inay ka go'an tahay xukuumaddiisa inay cunno-qabteyn kusoo rogto kuwa caqabada ku ah hannaanka siyaasadda Soomaaliya ee loogu yeero qas-wadayaasha.