2/7/2023
Today from Hiiraan Online:  _
Wararka Maanta- Jimco, Aug 17, 2012
Xaflad lagu taageerayay Murashax Dr C/raxmaan Baadiyow oo lagu qabtay Magaalada Stockholm (SAWIRRO)


Sabti, August 18, 2012(HOL): Xaflad si heer sare ah loo agaasimay oo lagu taageerayay musharraxa Dr. Cabdiraxmaan Macallin Cabdullaahi (Baadiyow)  oo ay ka soo qeybgaleen dhammaan qeybaha kala duwan ee bulshada, aqoonyahanno, haween, siyaasiyiin, odayaal, culimo, dhallinyaro iyo ururrada bulshada rayidka oo ka kala yimid magaalooyin kala duwan ee dalka Sweden ayaa waxay dhacday Caasimadda dalka Sweden ee Stockholm.

Xafladdaas ayaa lagu bandhigay taariikh nololeedka Dr. Abdirahman Baadiyow, heerkiisa aqooneed iyo waxqabadkiisa, barnaamijkiisa siyaasaseed ee mudnaanta siinaya  Dowlad wanaagga; Arrimaha amniga, sharciga iyo kala danbeynta, adeegyada bulshgada; soo nooleynta  iyo kobcinta dhaqaalaha; arrimaha gurba-joogta; iyo siyaasadda arrimaha dibadda.


Waxaa xusid mudan in musharraxu kaga qeybqaatay xafladda taleefoon una si kooban uga hadlay qeyba ka mida barnaamijkiisa siyaasadeed, waxaa su’aalo weydiiyay dadkii xafladda ka soo qeybgalay. Waxaa halkaa ha hadlay qaar kamida kasoo qeybgalayaashii oo halkaasi kasoo jeediyay erayo qiiro leh oo lagu taageerayo musharaxa.

Dr. Hiraabe oo ka mid ah aqoonyahankii munaasabadda ka qeybgalay ayaa sheegay in Dr. Baadiyow uu yahay shakhsi aqoon leh, ahlu diin ah oo 20-kii sano ee la soo dhaafay ka shaqeynayay dalka, waxqabad la taaban karana, isagoo xusay in xilka uu isu soo taagay Dr. Baadiyow uu yahay waajib diini ah oo lagu badbaadinayo dalka Soomaaliya.

Sidoo kale waxaa munaasabadda ka hadashay Sahra Barqadle oo xubin firfircoon ka ah bulshada rayidka isla markaana aqoon u leh Dr. Baadiyow. Sahra waxaa ay sheegtay in Dr. Baadiyow uu wax badan u soo qabtay dadka iyo dalka Soomaaliyeed, “Dad waxaa ugu wanaagsan qofkii dad dhisa, waxaana halkaan iyo meela kaleba kula kulmay dadkii uu dhisay Dr. Baadiyow. Haddii aan baarlamaanka ka mid ahaan lahaa waxaan dhihi lahaa hala doorto aqoonyahannada sida Dr. Baadiyow”.


Gaashaanle sare Mustafa Diini oo ay ciidamada isla ahaayeen Musharraxa, aqoon dheeraad ahna u leh ayaa qiiro leh u yiri “Dr. Baadiyow waa nin ku haboon howshaan, yimidna waqtigii habboonaa, booskii kuu haboonaana jooga, isla markaana ay u caddahay waddadii uu u mari lahaa”.

Eng. Abuukar  Xasan oo ay wax soo wada barteen Dr. Baadiyow, aqoon dheeraad  ahna u leh illaa iyo yaraantiisii ayaa wax ka sheegay waxqabadkii musharaxa 20-kii sano ee burburka, gaar ahaan dhanka waxbarashada. “Annaga oo ka walwalsan waxbarashada ilmaheenna iyo meel aan geyno ayuu u abuuray ilmaheenna waxbarasho illaa heer jamacadeed”ayuu yiri Eng. Abuukar.


Waxaa xafladda ka hadlay akhyaar kale, weliba waxaa dhanka Skype-ka uga qeybqaatay aqoonyahanno iyo dhallinyaro isgu jira rag iyo dumar oo ku nool dalka Norway, kuwaasi oo iyagana muujiyay dareenkooda iyo taageeradooda musharraxa.

Xafladdaan ayaa guud ahaan ku dhacday kuna soo gabagabowday jawi farxad leh, kasoo qeybgalayaashuna waxay fursad u heleen sharraxaadda barnaamijka siyasadeed ee musharraxa  Dr. Baadiyow.



















Click here
8/17/2012 3:01 PM EST
Jimo, Agoosto 17, 2012 (2012)Guddiga Farsamada ee xulista Baarlamaanka Federaalka Soomaaliya ayaa maanta soo gudbiyey 202 xildhibaan, waxaana dhiman 73 xubnood oo laga sugayo in ay odayaal dhaqameedka u soo gudbiyaan guddiga farsamada. Beeshad Shanaad - 23 Digil iyo Mirifle - 49 Darood - 40 Hawiye - 37

8/17/2012 10:37 AM EST
Jimco, Ogoosto 17, 2012 (HOL) — Madaxweynaha dowladda KMG ah ee Soomaaliya Shariif Sheekh Axmed ayaa maanta ka hadlay shaqada guddiga farsamada iyo xulitaanka xildhibaannada baarlamaanka iyo weliba dhammeystirka marxaladda KMG ah, kaddib kulan uu la qaatay ergayga qaarka ah ee xoghayaha guud ee Qaramada Midoobay u qaabilsan arrimaha dalka Soomaaliya dajire Augustine Mahiga.

8/17/2012 10:06 AM EST
Jimco, Ogoosto 17, 2012 (HOL) — Dhallinyaro ka kala yimid dalalka UK iyo Canada oo maalmahan fasax ku joogay Soomaaliya ayaa hay’adda iskuxirka iyo horumarinta dhallinyarada Soomaliyeed ee SOYDEN fursad u siisay inay dhalinyaradaas ku boodaan xarunta lagu tababaro.

8/17/2012 9:50 AM EST
Jimco, Ogoosto 17, 2012 (HOL) — Xildhibaan Maxamed Ibraahim Xaabsade oo ka mid ahaa magacyada xubno dhawaan ay guddiga xulista xidlhibaannadu dib u soo celiyeen ayaa iska fogeeyay inuu ka mid yahay hoggaamiye kooxeedyada Soomaaliya.

8/17/2012 9:50 AM EST
Jimco, Ogoosto 17, 2012 (HOL) — Hay’adda Qalam oo ka mid ah hay'adaha dhinaca samafalka ka shaqeeya ayaa waxay maanta oo Jimco gaarsiisay boqolaal qoys oo ku nool gudaha iyo daafaha magaalada Baydhabo ee gobolka Bay raashin sakaatul Fidri ah.

8/17/2012 9:22 AM EST
Jimco, Ogoosto 17, 2012 (HOL) — Taliyaha ciidanka booliiska Soomaaliya, Jen. Shariif Sheekhunaa Maye ayaa la sheegay inuu bixiyay amar lagu soo xiray gacan-yaraha ugaaska Beesha Tunni oo ka mid ah beelaha Soomaaliyeed, kaasoo horay logoa saaray shirka odyaasha dhaqanku ay ku leeyihiin Muqdisho.

8/17/2012 8:29 AM EST
Jimco, Ogoosto 17, 2012 (HOL) — Warar soo baxaya ayaa sheegaya in xoogag Xarrakada Al-shabaab ee gacanta ku haya maamulka degmada Buula-burte ee gobollka Hiiraan la wareegeen gadiid siday raashin gargaar ah oo loogu talagalay dadka ku dhibateysan qeybo ka mid ah gobollka Hiiraan.

8/17/2012 8:26 AM EST
Jimco, Ogoosto 17, 2012 (HOL) — In ka badan 10-hay'adood oo ka mid ah kuwa samafalka Turkiga ayaa uga baxay Muqdisho sababo la xiriira xilliga kala guurka ah ee lagu jiro, balse waxaa weli ku sugan Muqdisho afar hay'adood oo ka shaqeynaya dib u dhiska iskuullada, xarumaha dowladda iyo caafimaadka.

8/17/2012 8:23 AM EST
Jimco, Ogoosto 17, 2012 (HOL) — Ciidamada booliiska AMISOM iyo kuwa DKMG ah ee Soomaaliya ayaa maanta dhoolatus ku sameeyay waddooyinka Muqdisho qaar ka mid ah, iyadoo ay noqonayso markii ugu horreysay oo booliiska AMISOM ay maraan waddooyinkaas.

8/17/2012 6:59 AM EST
Jimco, Ogoosto 17, 2012 (HOL) — Hay'adda caalamiga ah ee laan-qayrta cas (ICRC) ayaa warsaxaafadeed ay soo saartay ku sheegtay inay 420,000 qof oo ku nool Muqdisho ay u qaybisay gargaar bani'aadamnimo.

8/17/2012 4:48 AM EST
Jimco, Ogoosto 17, 2012 (HOL) — Ururka Midowga Afrika ayaa sheegtay in ciidamadooda ku sugan Soomaaliya aysan wax faragelin ah ku sameyn doorashada madaxnimo ee Soomaaliyaaa, taasoo lagu wado inay dhacdo maalinta Isniinta ah ee soo socota, inkastoo wararka qaarkood ay sheegayaan inay dib u dhici karto.

8/17/2012 4:46 AM EST
Jimco, Ogoosto 17, 2012 (HOL) — Saraakiil u hadashay xoogagga Al-shabaab iyo Kenya ayaa guulo ka kala sheegtay dagaal culus oo shalay ka dhacay deegaanka Faafaxdhuun ee gobolka Gedo.