1/30/2023
Today from Hiiraan Online:  _
Wararka Maanta- Arbaco, Aug 15, 2012
MADAXWEYNAHA SOOMAALIYA: “ Xukuumaddu saameyn ma lahan haddii Ra’iisal Wasaaraha musharrax noqday”


Arbaco, August 15, 2012(HOL): Madaxweynaha Soomaaliya Shiikh Shariif Shiikh Axmed oo maanta ka soo laabtay dalka Boqortooyada Sacuudiga oo uu uga qeybgalay Shirkii waddamada Islaamka ayaa shir jaraa’id oo uu ku qabtay xarunta Madaxtooyada waxaa uu uga warramay hanjabaado loo jeediyay guddiga soo xulaya xubnaha baarlamaanka Soomaaliya, saameynta Xukuumadda Soomaaliya ay leedahay xilliga iyo waxyaabihii looga hadlay shirkii waddamada Islaamka ee uu ka qeybgalay.

Madaxweynaha ayaa ugu horreyn uga hadlay shirkiisa jaraa’id waxyaabihii loo hadlay shirkii waddamada Islaamka, wuxuuna sheegay in looga hadlay dhibaatooyinka ka jira dalalka Islaamka sida Suuriya, Burma, Sudan, Maali iyo Soomaaliya. Wuxuu sheegay oo kale in la isku raacay in laga taageero sidii ay dhibaatada uga bixi lahaayeen.

Madaxweynaha wuxuu shirkiisa jaraa’id uga hadlay xaaladda uu dalku marayo, wuxuuna rajo ka muujiyay in 20-ka Agoosto ka hor ay diyaar noqdaan xildhibaanada Baarlamaanka si loo qabto doorashada madaxda. Sidoo kalena wuxuu ka hadlay cabashooyinka ka soo yeeray  guddiga xulitaanka Baarlamaanka iyo hanjabaad la sheegay in loo jeediyay.

“Qof dhowr sano xildhibaan soo ahaa haddii la yiraahdo xildhibaannimo waa weysay, wax kasta afkiisa way ka soo bixi karaan, marka yaanan u qaadan wax walba inay sida la sheegay u dhici doonaan” ayuu yiri madaxweynaha oo sheegay in guddiga xulidda baarlamaanka ku howlan ay dowladdu sugeyso ammaankooda.


Madaxweynaha oo wax laga weydiiyay degmooyin cusub oo lagu daray qaar ka mid ah gobollada dalka Soomaaliya ayaa wuxuu sheegay in arrintaas ay soo jeediso wasaaradda arrimaha gudaha, marka lagu qanco soo jeedintaasna la magacaabo. “Degmooyinka marka la magacaabayo waxaa soo diyaarisa wasaaradda arrimaha gudaha, kaddibna waa soo gudbiyaan, haddii lagu qanco wixii ay soo gudbiyaan inay sax yihiin waa la magacaabaa, haddii meelaha qaar su’aalo loo baahdana waa la weydiiyaa kaddibna waa la magacaabaa”ayuu yiri Shiikh Shariif Shiikh Axmed.

Waxaa uu ka sii hadkay Madaxweynaha saameynta ay Xukuumadda Soomaaliya ku yeelan karaan arrimaha hadda socda, wuxuuna sheegay in  xilligan aysan xukuumadda  lahayn wax saameyn ah mar haddii buu yiri uu musharrax noqday ra’iisal wasaaraha.

Golaha wasiirradu  wax shaqo ah oo ay ku leeyihiin ma lahan arrimaha magacaabista degmooyinka, waligeedna shaqo kuma yeelan, teeda labaadna waxay tahay in xukuumadda aysan wax saameyn ah lahayn, aysanna soo saari karin wax qaraar ah mar haddii uu ra’iisal wasaaraha musharrax noqdo”ayuu yiri madaxweyne Shariif.


Dhanka kalena, markii uu madaxweynaha ka soo tegay garoonka diyaaradaha Aadan Cadde ee magaalada Muqdisho ayaa waxaa soo dhaweeyay xubno ka tirsan golaha Wasiirrada oo ay ka mid ahaayeen Wasiirka Difaaca Xuseen Carab Ciise,Wasiirka Shidaalka C/qaadir Dhicisow, wasiirka Maaliyadda C/naasir Maxamed Cabdulle iyo guddoomiyaha gobolka Banaadir Maxamuud Axmed Nuur “Tarsan. Sidoo kale  Taliyeyaasha Ciidamada qalabka sida, Taliyaha Ciidamada Amisom iyo shacab kale ayaa garoonka ku soo dhaweeyay madaxweynaha.




Salaad Iidow Xasan (Xiis), Hiiraan Online
[email protected]













Click here
8/15/2012 3:38 PM EST
Shir aan caadi ahayn ayaa dalalka Islaamka uga furmay dalka Boqortooyada Sacuudiga. Shirkaas ayaa looga hadlayaa dhibaatada ka taagan dalka Suuriya.

8/15/2012 9:39 AM EST
Arbaco, Ogoosto, 15, 2012 (HOL)-Maleeshiyo watay dhawr gaadhi ayaa shalay galab afar qof oo xoolo dhaqato ah ku afduubtey meel u dhexeysa deegaanka Sool-Joogto iyo Buuhoodle, kuwaas oo la sheegay in lala tagay degmadda Buuhoodle oo hadda lagu hayo.

8/15/2012 9:36 AM EST
Danjiraha dawlada Britain u qaablisan arrimaha Soomaaliya Matt Baugh ayaa rajo ka muujiyay xaalada Soomaaliya, isagoo sheegay in ansixinta dastuurka iyo horumarka dhanka ammaanka ee la gaaray ay tahay calaamad muujinaysa in Soomaaliya ay soo hagaagayso.

8/15/2012 7:53 AM EST
Arbaco, Ogoosto 15, 2012 (HOL) — Tifaftirhii laanta Af-Soomaaliga ee BBC-da, Yuusuf Garaad Cumar Axmed ayaa maanta kaga dhawaaqay Muqdisho inuu yahay murashax u taagan xilka madaxnimo ee Soomaaliya, isagoo sheegay in haddii uu ku guuleysto doorashada uu ka shaqeyn doono nabadda iyo dib u heshiisiinta.

8/15/2012 7:20 AM EST
Arbaco, Ogoosto 15, 2012 (HOL) — Wararka aynu ka heleyno deegaanka Hoosingoow ee gobolka jubada Hoose ayaa sheegaya in deegaan lagu magacaabo Waraaq oo qiyaastii 30 KM u jira deegaanka Hoosingoow ay ku dagaalameen laba beelood, kadib markii uu soo dhexgalay muran ku saabsan dhul.

8/15/2012 7:12 AM EST
Arbaco, Ogoosto 15, 2012 (HOL) — Xoghayaha guud ee Qaramada Midoobay, Ban Ki-Moon ayaa ka digay Talaadadii shalay inuu dib u dhac ku yimaado xulista xubnaha baarlamaanka KMG ah ee Soomaaliya.

8/15/2012 6:42 AM EST
Arbaco, Ogoosto 15, 2012 (HOL) — Magaalada Baladweyne ee xarunta gobolka Hiiraan ayaa galinkii danbe ee maalintii shalay lagu soo gabagabeeyay tartan kubada cagta ah oo lagu maamuusayay ama loo dhigay bisha barakeysan ee Ramadaan.

8/15/2012 6:23 AM EST
Arbaco, Ogoosto 15, 2012 (HOL) — Maraakiibta dagaal ee ku sugan xeebta magaalada Kismaayo ayaa saaka aroortii markale gantaallo dhowr ah kusoo tuuray magaalada, iyadoona ay arintaasi keentay in dagaalyahannada Al-shabaab ay iyaguna dhankooda ku tuuraan madaafiic taasoo cabsi ku abuurtay dadka ku dhaqan Kismaayo.

8/15/2012 3:56 AM EST
Arbaco, Ogoosto 15, 2012 (HOL) — Kooxo hubeysan ayaa xalay ku dilay degmada Yaaqshiid ee gobolka Banaadir guddoomiyihii Suuq Bacaad oo ah suuqa labaad ee ugu weyn Muqdisho, Siciid Fiidoow iyadoo lagu wado in maydkiisa maanta lagu aaso qubuuraha Jeneraal daa'uud ee isla degmadaas.