2/7/2023
Today from Hiiraan Online:  _
Wararka Maanta- Arbaco, Aug 15, 2012
Beelo Xoolaley ah oo uu soo dhexgalay muran dhuleed oo ku dagaalamay Nawaaxiga Deegaanka Hoosingoow
Arbaco, Ogoosto 15, 2012 (HOL) — Wararka aynu ka heleyno deegaanka Hoosingoow ee gobolka Jubbada Hoose ayaa sheegaya in deegaan lagu magacaabo Waraaq oo qiyaastii 30 KM u jira deegaanka Hoosingoow ay ku dagaalameen laba beelood, kaddib markii uu soo dhexgalay muran ku saabsan dhul.

Dagaalkan oo ay labada dhinac isu adeegsadeen rasaas ayaa yimid kadib markii beelo wada daga deegaankaasi ay ku murmeen dhul la doonayay in ceel laga qodo, murankaasoo isu badalay in labada dhinac ay isu adeegsadaan rasaas.

Sida ay noo xaqiijiyeen dad ku sugan deegaanka Hoosingoow dagaalka dhexmaray labada beel ayaa sababay dhimashada hal qof iyo dhaawaca sedex kale, waxaana ay weli xiisad ka taagantahay goobihii lagu dagaalamay.

Cabdi Salaad Cabdi oo kamid ah odoyaasha deegaanka Hoosingoow oo warbaahinta la hadlay ayaa sheegay in dagaalka dhex maray labada beelood uu ka dhashay dhul la doonayay in ceel laga qodo, wuxuuna intaa ku daray in weli ay taagantahay xiisadda u dhexeysa labada beelood.

Ma ahan markii ugu horeeysay oo dagaal caynkan oo kale ah uu ka dhaco gobolka jubada hoose, haseyeeshee iska horimaadyada ka dhasha dhulalka ayaa ah kuwo aalaaba ka dhaca gobollada jubooyinka.

Xasan Nuur, Hiiraan Online
[email protected]
Kismaayo, Soomaaliya













Click here
8/15/2012 3:38 PM EST
Shir aan caadi ahayn ayaa dalalka Islaamka uga furmay dalka Boqortooyada Sacuudiga. Shirkaas ayaa looga hadlayaa dhibaatada ka taagan dalka Suuriya.

8/15/2012 10:49 AM EST
Arbaco, August 15, 2012(HOL): Madaxweynaha Soomaaliya Shiikh Shariif Shiikh Axmed oo maanta ka soo laabtay dalka Boqortooyada Sacuudiga oo uu uga qeybgalay Shirkii waddamada Islaamka ayaa shir jaraa’id oo uu ku qabtay xarunta Madaxtooyada waxaa uu uga warramay hanjabaado loo jeediyay guddiga soo xulaya xubnaha baarlamaanka Soomaaliya, saameynta Xukuumadda Soomaaliya ay leedahay xilligan iyo waxyaabihii looga hadlay shirkii waddamada Islaamka ee uu ka qeybgalay.

8/15/2012 9:39 AM EST
Arbaco, Ogoosto, 15, 2012 (HOL)-Maleeshiyo watay dhawr gaadhi ayaa shalay galab afar qof oo xoolo dhaqato ah ku afduubtey meel u dhexeysa deegaanka Sool-Joogto iyo Buuhoodle, kuwaas oo la sheegay in lala tagay degmadda Buuhoodle oo hadda lagu hayo.

8/15/2012 9:36 AM EST
Danjiraha dawlada Britain u qaablisan arrimaha Soomaaliya Matt Baugh ayaa rajo ka muujiyay xaalada Soomaaliya, isagoo sheegay in ansixinta dastuurka iyo horumarka dhanka ammaanka ee la gaaray ay tahay calaamad muujinaysa in Soomaaliya ay soo hagaagayso.

8/15/2012 7:53 AM EST
Arbaco, Ogoosto 15, 2012 (HOL) — Tifaftirhii laanta Af-Soomaaliga ee BBC-da, Yuusuf Garaad Cumar Axmed ayaa maanta kaga dhawaaqay Muqdisho inuu yahay murashax u taagan xilka madaxnimo ee Soomaaliya, isagoo sheegay in haddii uu ku guuleysto doorashada uu ka shaqeyn doono nabadda iyo dib u heshiisiinta.

8/15/2012 7:12 AM EST
Arbaco, Ogoosto 15, 2012 (HOL) — Xoghayaha guud ee Qaramada Midoobay, Ban Ki-Moon ayaa ka digay Talaadadii shalay inuu dib u dhac ku yimaado xulista xubnaha baarlamaanka KMG ah ee Soomaaliya.

8/15/2012 6:42 AM EST
Arbaco, Ogoosto 15, 2012 (HOL) — Magaalada Baladweyne ee xarunta gobolka Hiiraan ayaa galinkii danbe ee maalintii shalay lagu soo gabagabeeyay tartan kubada cagta ah oo lagu maamuusayay ama loo dhigay bisha barakeysan ee Ramadaan.

8/15/2012 6:23 AM EST
Arbaco, Ogoosto 15, 2012 (HOL) — Maraakiibta dagaal ee ku sugan xeebta magaalada Kismaayo ayaa saaka aroortii markale gantaallo dhowr ah kusoo tuuray magaalada, iyadoona ay arintaasi keentay in dagaalyahannada Al-shabaab ay iyaguna dhankooda ku tuuraan madaafiic taasoo cabsi ku abuurtay dadka ku dhaqan Kismaayo.

8/15/2012 3:56 AM EST
Arbaco, Ogoosto 15, 2012 (HOL) — Kooxo hubeysan ayaa xalay ku dilay degmada Yaaqshiid ee gobolka Banaadir guddoomiyihii Suuq Bacaad oo ah suuqa labaad ee ugu weyn Muqdisho, Siciid Fiidoow iyadoo lagu wado in maydkiisa maanta lagu aaso qubuuraha Jeneraal daa'uud ee isla degmadaas.