1/30/2023
Today from Hiiraan Online:  _
Wararka Maanta- Arbaco, Aug 15, 2012
Tartan K/Cagta ah oo lagu Maamuusayay Bisha Barakeysan ee Ramadaan oo lagu soo gabagabeeyay Magaalada Baladweyne
BALAD1.jpg

Arbaco, Ogoosto 15, 2012 (HOL) — Magaalada Baladweyne ee xarunta gobolka Hiiraan ayaa galinkii danbe ee maalintii shalay lagu soo gabagabeeyay tartan kubada cagta ah oo lagu maamuusayay ama loo dhigay bisha barakeysan ee Ramadaan.

Tartanka oo ay ka qeyb-galeen 16 kooxood oo laga soo kala xulay Afarta xaafadood oo ay ka kooban tahay magaalada ayaa tan iyo bilowgii bisha Ramadaan si xiisa leh uga socday magaalada Baladweyne.

Galab kasta waxaa u soo daawasho tagi jiray tartanka oo lagu soo gabagabeeyay garoonka kubada cagta  Isbartiibo ee xaafadda Buundo-weyn dad ka koobna qeybaha bulshada oo ku dhaqan magaalada, kuwaasoo aad u xiiseeynayay qabashada tartamada noocan oo kale ah oo ay mudo dheer ugu danbeysay.

Cayaartii gabagabada ayaa waxaa ay shalay galinkii danbe dhaxmartay kooxaha ALBA iyo Buula-Amar waxaa 5-3 ugu danbeytii guusha ku raacday cayaartooyda kooxda ALBA oo halkaa ku qaaday koobkii bisha Ramadaan.

BALAD2.jpg

Guddoomiyaha guddiga Olanbikada gobollka Hiiraan C/kariin Xassan C/dulle Qalaad (Yaani-yaani)  ayaa ugu mahad celiyay dhamaan kooxihii ka qeyb-galay sidii quruxda badneyd oo ay tartanka ku soo dhameeyeen iyo cayaar wanaagii ay soo bandhigeen, waxaana uu sheegay in mar walba cayaaruhu yihiin kuwo qeyb weyn ka qaadanaya is dhax-galka iyo saaxiibtimada bulshada, waxaana uu tusaala soo qaatay dad weynihii u soo daawasho tagi jiraycaayaarta oo laga yaabo ayuu yiri in aysan horay isku arki jirin.

Sidoo kale waxaa uu mahad celin balaaran u jeediyay xiriirka kubada cagta Soomaaliyeed oo sida uu sheegay suurtagaliyay qabashad tartanka, gaar ahaan Xiirey Axmed Rooble oo ah xubin ka tirsan xiriirka oo furay bilowgii tartanka.

Taageerayasha Kooxda ALBA ee ku guuleystay koobka ayaa ku soo wareegay xaafadaha magaalada, iyaga oo muujiyay guusha ay ka gaareen tartanka lagu soo gabagabeeyay magaalada Baladweyne.

BALAD3.jpg
BALAD4.jpg
BALAD5.jpg

C/raxmaan Diini, Hiiraan Online
[email protected]
Baladweyne, Soomaaliya












Click here
8/15/2012 3:38 PM EST
Shir aan caadi ahayn ayaa dalalka Islaamka uga furmay dalka Boqortooyada Sacuudiga. Shirkaas ayaa looga hadlayaa dhibaatada ka taagan dalka Suuriya.

8/15/2012 10:49 AM EST
Arbaco, August 15, 2012(HOL): Madaxweynaha Soomaaliya Shiikh Shariif Shiikh Axmed oo maanta ka soo laabtay dalka Boqortooyada Sacuudiga oo uu uga qeybgalay Shirkii waddamada Islaamka ayaa shir jaraa’id oo uu ku qabtay xarunta Madaxtooyada waxaa uu uga warramay hanjabaado loo jeediyay guddiga soo xulaya xubnaha baarlamaanka Soomaaliya, saameynta Xukuumadda Soomaaliya ay leedahay xilligan iyo waxyaabihii looga hadlay shirkii waddamada Islaamka ee uu ka qeybgalay.

8/15/2012 9:39 AM EST
Arbaco, Ogoosto, 15, 2012 (HOL)-Maleeshiyo watay dhawr gaadhi ayaa shalay galab afar qof oo xoolo dhaqato ah ku afduubtey meel u dhexeysa deegaanka Sool-Joogto iyo Buuhoodle, kuwaas oo la sheegay in lala tagay degmadda Buuhoodle oo hadda lagu hayo.

8/15/2012 9:36 AM EST
Danjiraha dawlada Britain u qaablisan arrimaha Soomaaliya Matt Baugh ayaa rajo ka muujiyay xaalada Soomaaliya, isagoo sheegay in ansixinta dastuurka iyo horumarka dhanka ammaanka ee la gaaray ay tahay calaamad muujinaysa in Soomaaliya ay soo hagaagayso.

8/15/2012 7:53 AM EST
Arbaco, Ogoosto 15, 2012 (HOL) — Tifaftirhii laanta Af-Soomaaliga ee BBC-da, Yuusuf Garaad Cumar Axmed ayaa maanta kaga dhawaaqay Muqdisho inuu yahay murashax u taagan xilka madaxnimo ee Soomaaliya, isagoo sheegay in haddii uu ku guuleysto doorashada uu ka shaqeyn doono nabadda iyo dib u heshiisiinta.

8/15/2012 7:20 AM EST
Arbaco, Ogoosto 15, 2012 (HOL) — Wararka aynu ka heleyno deegaanka Hoosingoow ee gobolka jubada Hoose ayaa sheegaya in deegaan lagu magacaabo Waraaq oo qiyaastii 30 KM u jira deegaanka Hoosingoow ay ku dagaalameen laba beelood, kadib markii uu soo dhexgalay muran ku saabsan dhul.

8/15/2012 7:12 AM EST
Arbaco, Ogoosto 15, 2012 (HOL) — Xoghayaha guud ee Qaramada Midoobay, Ban Ki-Moon ayaa ka digay Talaadadii shalay inuu dib u dhac ku yimaado xulista xubnaha baarlamaanka KMG ah ee Soomaaliya.

8/15/2012 6:23 AM EST
Arbaco, Ogoosto 15, 2012 (HOL) — Maraakiibta dagaal ee ku sugan xeebta magaalada Kismaayo ayaa saaka aroortii markale gantaallo dhowr ah kusoo tuuray magaalada, iyadoona ay arintaasi keentay in dagaalyahannada Al-shabaab ay iyaguna dhankooda ku tuuraan madaafiic taasoo cabsi ku abuurtay dadka ku dhaqan Kismaayo.

8/15/2012 3:56 AM EST
Arbaco, Ogoosto 15, 2012 (HOL) — Kooxo hubeysan ayaa xalay ku dilay degmada Yaaqshiid ee gobolka Banaadir guddoomiyihii Suuq Bacaad oo ah suuqa labaad ee ugu weyn Muqdisho, Siciid Fiidoow iyadoo lagu wado in maydkiisa maanta lagu aaso qubuuraha Jeneraal daa'uud ee isla degmadaas.