2/7/2023
Today from Hiiraan Online:  _
Wararka Maanta- Arbaco, Aug 15, 2012
Kooxo hubeysan oo xalay dilay Gudoomiyihii Suuq Bacaad oo ah Suuqa labaad ee ugu weyn Magaalada Muqdisho

Arbaco, Ogoosto 15, 2012 (HOL) — Kooxo hubeysan ayaa xalay ku dilay degmada Yaaqshiid ee gobolka Banaadir guddoomiyihii Suuq Bacaad Siciid Fiidoow oo ah suuqa labaad ee ugu weyn Muqdisho,  iyadoo lagu wado in maydkiisa maanta lagu aaso qubuuraha Jeneraal daa'uud ee isla degmadaas.

Dilka marxuumka ayaa waxaa geystay kooxo bastoolado ku hubeysan iyadoo aan weli la ogeyn sababta keentay in la toogto, waxaaan kooxaha dilkiisa geystay u suurogashay inay goobta ka baxsadaan.

"Guddoomiyaha waxaa la dilay isagoo kusii socda gurigiisa, waxaana toogtay laba ruux oo basatoolado ku hubeysan. Dadweyne gartay ayaa goobta ka qaaday," ayuu yiri goobjooge ku sugan degmada Yaaqshiid oo saxaafadda la hadlay.

Dowladda KMG ah ayaan ka hadlin dilka mas'uulkan iyadoo aysan jirin sidoo kale cid sheegatay mas'uuliyadda dilka guddoomiyahan oo noqonaya kii ugu horreeyay guddoomiye suuq oo Muqdisho lagu dilo.

Toogashada marxuumka ayaa waxay kusoo beegmaysaa iyadoo dowadda KMG ah ay sheegtay inay xoojinayso ammaanka Muqdisho, basle dilalka ka dhacaya caasimadda ayaa noqday kuwo soo kordhaya.

Ammaan-darradan ayaa waxay kusoo beegmaysaa iyadoo lagu wado in maalmaha soo socda lagu qabto Muqdisho doorashada madaxnimo ee dalka, inkastoo ay weli jiraan isqabqabsi dhinaca xidhibaannada ah oo u dhexeeya beelaha Soomaalida.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/15/2012 3:38 PM EST
Shir aan caadi ahayn ayaa dalalka Islaamka uga furmay dalka Boqortooyada Sacuudiga. Shirkaas ayaa looga hadlayaa dhibaatada ka taagan dalka Suuriya.

8/15/2012 10:49 AM EST
Arbaco, August 15, 2012(HOL): Madaxweynaha Soomaaliya Shiikh Shariif Shiikh Axmed oo maanta ka soo laabtay dalka Boqortooyada Sacuudiga oo uu uga qeybgalay Shirkii waddamada Islaamka ayaa shir jaraa’id oo uu ku qabtay xarunta Madaxtooyada waxaa uu uga warramay hanjabaado loo jeediyay guddiga soo xulaya xubnaha baarlamaanka Soomaaliya, saameynta Xukuumadda Soomaaliya ay leedahay xilligan iyo waxyaabihii looga hadlay shirkii waddamada Islaamka ee uu ka qeybgalay.

8/15/2012 9:39 AM EST
Arbaco, Ogoosto, 15, 2012 (HOL)-Maleeshiyo watay dhawr gaadhi ayaa shalay galab afar qof oo xoolo dhaqato ah ku afduubtey meel u dhexeysa deegaanka Sool-Joogto iyo Buuhoodle, kuwaas oo la sheegay in lala tagay degmadda Buuhoodle oo hadda lagu hayo.

8/15/2012 9:36 AM EST
Danjiraha dawlada Britain u qaablisan arrimaha Soomaaliya Matt Baugh ayaa rajo ka muujiyay xaalada Soomaaliya, isagoo sheegay in ansixinta dastuurka iyo horumarka dhanka ammaanka ee la gaaray ay tahay calaamad muujinaysa in Soomaaliya ay soo hagaagayso.

8/15/2012 7:53 AM EST
Arbaco, Ogoosto 15, 2012 (HOL) — Tifaftirhii laanta Af-Soomaaliga ee BBC-da, Yuusuf Garaad Cumar Axmed ayaa maanta kaga dhawaaqay Muqdisho inuu yahay murashax u taagan xilka madaxnimo ee Soomaaliya, isagoo sheegay in haddii uu ku guuleysto doorashada uu ka shaqeyn doono nabadda iyo dib u heshiisiinta.

8/15/2012 7:20 AM EST
Arbaco, Ogoosto 15, 2012 (HOL) — Wararka aynu ka heleyno deegaanka Hoosingoow ee gobolka jubada Hoose ayaa sheegaya in deegaan lagu magacaabo Waraaq oo qiyaastii 30 KM u jira deegaanka Hoosingoow ay ku dagaalameen laba beelood, kadib markii uu soo dhexgalay muran ku saabsan dhul.

8/15/2012 7:12 AM EST
Arbaco, Ogoosto 15, 2012 (HOL) — Xoghayaha guud ee Qaramada Midoobay, Ban Ki-Moon ayaa ka digay Talaadadii shalay inuu dib u dhac ku yimaado xulista xubnaha baarlamaanka KMG ah ee Soomaaliya.

8/15/2012 6:42 AM EST
Arbaco, Ogoosto 15, 2012 (HOL) — Magaalada Baladweyne ee xarunta gobolka Hiiraan ayaa galinkii danbe ee maalintii shalay lagu soo gabagabeeyay tartan kubada cagta ah oo lagu maamuusayay ama loo dhigay bisha barakeysan ee Ramadaan.

8/15/2012 6:23 AM EST
Arbaco, Ogoosto 15, 2012 (HOL) — Maraakiibta dagaal ee ku sugan xeebta magaalada Kismaayo ayaa saaka aroortii markale gantaallo dhowr ah kusoo tuuray magaalada, iyadoona ay arintaasi keentay in dagaalyahannada Al-shabaab ay iyaguna dhankooda ku tuuraan madaafiic taasoo cabsi ku abuurtay dadka ku dhaqan Kismaayo.