11/28/2021
Today from Hiiraan Online:  _
Wararka Maanta- Talaado, Aug 14, 2012
Diyaaradihii Uganda ee ku sii jeeday Soomaaliya oo burburkoodii laga helay bartamaha dalka Kenya (SAWIRRO)

Talaado, Ogoosto 14, 2012 (HOL) — Saddex diyaaradood oo kasoo duulay dalka Uganda si ay u xoojiyaan ciidamada AMISOM ee ku sugan Soomaaliya ayaa ku burburay Kenya iyadoo la sheeagyo in loogu talogalay inay ka qaybqaataan qabsashada magaalada Kismaayo ee gobolka Jubbada hoose.

Diyaaradahan ayaa waxaa burburkooda laga helay dhul buurley ah oo ku yaalla baratmaha dalka Kenya, iyagoo qaar ka mid ah ay gubteen, waxaana la helay askartii la socday mid ka mid ah, kuwasaoo la sheegay inay soo gaareen dhaawacyo kala duwan, iyadoo la sheegayo in maydadka laba askari oo ka mid ahaa kuwii diyaaradda saarnaana la helay goor dambe oo maanta ah.

Saraakiil u hadlay milateriga Kenya ayaa sheegay in dhaawacyada lagu daweynayo isbitaal ay ku leeyihiin meel ku dhow halka laga helay burburka diyaaradda, iyadoo duuliyii diyaaradda la helay lagu daweynayo isbitaal ku yaalla magaalada Nairobi ee dalka Kenya.

"Weli ma ogin cid ku dhimatay diyaaradaha, balse waxaa la helay toddoba askari oo dhaawacyo qaba. Balse waxaan sheegi karnaa in mid ka mid ah diyaaradihii aan dirnay ay ku dagtay Gaarisa," ayuu yiri afhayeenka milateriga Uganda, Col. Felix Kulayigye oo saxaafadda la hadlay.



Diyaaradahan oo lagu farsameeyay dalka Ruushka ayaa waxay xukuumadda Uganda ugu talogashay inay ku xoojiso ciidamada Midowga Afrika ayna ka qaybqaataan howgalka lagu doonayo in lagu qabsado degmada Kismaayo oo ay ku xooggan tahay Al-shabaab.

Guud ahaan diyaaradahan waxaa la socday 28 sarkaal oo ciidamada cirka Uganda ka tirsnaa, kuwaasoo loogu talogalay inay howgalka AMISOM fududeeyaan, si ay dowladda KMG ah ugu suurogasho inay dalka oo dhan la wareegto.

Ciidamada Midowga Afrika oo howlgalkooda ka billaabay Soomaaliya sannadkii 2007 ayaa waxay noqon lahayd markii ugu horreysay oo ay dagaalladooda ka qayb-qaataan diyaarado dagaal, iyadoo aan la ogeyn inay tani dib u dhigayso go'aankii Midowga Afrika ee ahaa in Kismaayo la qabto inta aysan dhammaan bishan Ogoosto.






Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
8/14/2012 7:55 PM EST
Talaado, August 15, 2012(HOL): Maalmihii aanu ka soo gudubnay waxaa isa soo tarayay war ku saabsan in Xarrakada Al-Shabaab ee gacanta ku haya magaalada Kismaayo ee Gobolka Jubbada Hoose ay dadka magaaladaas u xalaaleysay cunista hilibka Waraabaha ama Dhurwaaga.

8/14/2012 10:10 AM EST
Talaado, Ogoosto 14, 2012 (HOL) — Dhismaha kulliyad lagu baranayo cilmiga caafimaadka oo ka tirsan jaamacadda Horseed oo ka mid ah jaamacadaha Muqdisho ka howlgala ayaa waxaa maanta dhagax-dhigay wasiirka waxbarashada, hiddaha iyo tacliinta sare ee DKMG ah, Axmed Caydiid C/raxmaan.

8/14/2012 9:48 AM EST
Talaado, Ogoosto 14, 2012 (HOL) — Xiriiriyaha dhinaca gargaarka bani'aadamnimo ee Soomaaliya u qaabilsan Qaramada Midoobay, Mark Bowden ayaa maanta ka digay in la weeraro magaalada Kismaayo ee gobolka Jubbada hoose oo ay ka taliso Xarakada Al-shabaab.

8/14/2012 9:27 AM EST
Talaado, Ogoosto 14, 2012 (HOL) — Ra’iisul wasaaraha Xukuumadda Soomaaliya, C/weli Maxamed Cali iyo xubno ka tirsan golihiisa wasiirrada ayaa maanta kulan la qaatay wafti uu hoggaaminayo xoghayaha joogtada ah ee wasaarada arrimaha dibada Kenya, Thuite Wmangi waxayna kawada hadleen sidii loo xoojin lahaa iskaashiga ka dhexeeya labada wadan.

8/14/2012 9:11 AM EST
Talaado, Ogoosto 14, 2012 (HOL) — Ciidammo ka tirsan milateriga dowladda KMG ah ee Soomaaliya oo tiradoodu gaarayso 602-askari ayaa maanta tababar loogu soo xiray xero tababar oo ciidamada dowladda KMG ah ay ku leeyihiin deegaanka Jasiira ee duleedka Muqdisho, waxaana la sheegay in ciidamadaas ay ka qayb-qaadanayaan sugidda ammaanka Muqdisho inta doorashooyinku socdaan.

8/14/2012 9:06 AM EST
Talaado, Ogoosto 14, 2012 (HOL) — Guddiga farsamada ee xulista baarlamaanka KMG ah ee Soomaaliya ayaa sheegay inay ku dhawaaqi doonaan magacyada 150 xildhibaan oo ka mid ah kuwa baarlamaanka cusub ee Soomaaliya, kuwaasoo ay sheegeen inay ka gudbeen baaritaankii lagu sameynayay.

8/14/2012 8:29 AM EST
Talaado, Ogoosto 14, 2012 (HOL) — Ciidamada maamulka gobolka Hiiraan ayaa saacadihii aynu soo dhaafnay ka waday magaalada Baladweyne ee xarunta gobollka Hiraan howlgal looga hortagayo falalka amaan darro ee mar marka qaar ka dhaca magaalada.

8/14/2012 7:04 AM EST
Talaado, Ogoosto 14, 2012 (HOL) — Sarkaal ka tirsanaa ciidamada Nabad-sugidda DKMG ah ee Soomaaliya ayaa maanta lagu dilay afaafka hore ee dekedda Muqdisho, waxaana dilkiisa fuliyay hal ruux oo qori ka dafay askari ka tirsan ciidamada DKMG ah oo halkaas ku suganaa.

8/14/2012 6:48 AM EST
Talaado, Ogoosto 14, 2012 (HOL) — Ururka Midowga Afirka ayaa sheegay inay ka walaacsan yihiin hanjabaado dil ah oo loo dirayo guddiga farsamada ee xulitaanka xildhibaannada cusub ee baarlamaanka, kuwaasoo ay sheegeen inay ka dambeeyaan shaqsiyaad doonaya in xildhibaanno ay wataan loogu daro xubnaha cusub ee baarlamaanka Soomaaliya.

8/14/2012 5:23 AM EST
C/laahi axmed Cadow oo markale isu soo taagay doorashada madaxtinimada lana hadlayay warbaahinta ayaa waxa uu ka hadlay xaalada dalka iyo doorashada lagu wado in maalmaha soo socda ay ka dhacdo Muqdisho.