12/2/2021
Today from Hiiraan Online:  _
Wararka Maanta- Talaado, Aug 14, 2012
Ra'iisul Wasaaraha Somalia oo Muqdisho kula kulmay wafdi ka socday Wasaaradda Arrimaha Dibadda ee dalka Kenya

Talaado, Ogoosto 14, 2012 (HOL) — Ra’iisul wasaaraha Xukuumadda Soomaaliya, C/weli Maxamed Cali iyo xubno ka tirsan golihiisa wasiirrada ayaa maanta kulan la qaatay wafti uu hoggaaminayo xoghayaha joogtada ah ee wasaarada arrimaha dibada Kenya, Thuite Wmangi waxayna kawada hadleen sidii loo xoojin lahaa iskaashiga ka dhexeeya labada wadan.

Ugu horayntii xooghayaha joogtada ah ee wasaarada arrimaha dibadda Kenya ayaa sheegay inuu aad ugu faraxsan yahay inuu maanta booqdo Muqdisho uuna la kulmo madax ka tirsan dowladda KMG ah.

“Aad ayaan ugu faraxsanahay booqashada maanta waxaanan u nimid inaan dib u howlgalino safaaraddii aan Soomaaliya ku lahayn, waxaa kale oo aan rabnaa inaan ka qayb-qaadanno howlaha socda ee ku saabsan sidii dalka xasillooni loogu soo dabaali lahaa; isla markaan u xaqiijino joogitaankeena Muqdisho inuu macno weyn u samaynayo sidii dalka looga hormarin lahaa dhanka ammaanka madaama uu dalku dib uga soo kabanayo colaadihii,” ayuu yiri Wmangi.


Sidoo kale; Wasiirka qorshaynta iyo iskaashiga caalamiga ee DKMK, Cabdullaahi Goodax Barre ayaa sheegay inay saraakiisha Kenya kawada hadleen sidii loo xoojin lahaa iskaashiga ka dhexeeyey labada dal, sida hormarinta dhaqaalaha, tababarada shaqaalaha dowladda, waxbarashada, dhinaca canshuuraha iyo sidii baarlamaanka cusub ee Soomaaliya loo siin lahaa tababarro.

Kulanka ayaa waxay saxaafaddu ka ahayd dibad-joog, waxaana ilo wareedyo ku dhow kulanka ay sheegayaan inay jireen qodobbo kale oo laga hadlay oo aan la shaacin, kuwaasoo u badan dhinaca howgallada ciidamada Kenya oo AMISOM ka t irsan.

Ugu dambeyn, ra’iisul wasaaraha Soomaaliya ayaa uga mahad-celiyey xukuumadda Kenya dadaalka dheeraadka ah ee ku aadan sidii Soomaaliya nabad waarta loogu soo dabaali lahaa, sidoo kale ra’iisul wasaaruhu wuxuu soo dhaweeyay dib u howl-galinta safaaradda Kenya ee magaalada Muqdisho.






Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/14/2012 7:55 PM EST
Talaado, August 15, 2012(HOL): Maalmihii aanu ka soo gudubnay waxaa isa soo tarayay war ku saabsan in Xarrakada Al-Shabaab ee gacanta ku haya magaalada Kismaayo ee Gobolka Jubbada Hoose ay dadka magaaladaas u xalaaleysay cunista hilibka Waraabaha ama Dhurwaaga.

8/14/2012 2:59 PM EST
Talaado, Ogoosto 14, 2012 (HOL) — Saddex diyaaradood oo kasoo duulay dalka Uganda si ay u xoojiyaan ciidamada AMISOM ee ku sugan Soomaaliya ayaa ku burburay Kenya iyadoo la sheeagyo in loogu talogalay inay ka qaybqaataan qabsashada magaalada Kismaayo ee gobolka Jubbada hoose.

8/14/2012 10:10 AM EST
Talaado, Ogoosto 14, 2012 (HOL) — Dhismaha kulliyad lagu baranayo cilmiga caafimaadka oo ka tirsan jaamacadda Horseed oo ka mid ah jaamacadaha Muqdisho ka howlgala ayaa waxaa maanta dhagax-dhigay wasiirka waxbarashada, hiddaha iyo tacliinta sare ee DKMG ah, Axmed Caydiid C/raxmaan.

8/14/2012 9:48 AM EST
Talaado, Ogoosto 14, 2012 (HOL) — Xiriiriyaha dhinaca gargaarka bani'aadamnimo ee Soomaaliya u qaabilsan Qaramada Midoobay, Mark Bowden ayaa maanta ka digay in la weeraro magaalada Kismaayo ee gobolka Jubbada hoose oo ay ka taliso Xarakada Al-shabaab.

8/14/2012 9:11 AM EST
Talaado, Ogoosto 14, 2012 (HOL) — Ciidammo ka tirsan milateriga dowladda KMG ah ee Soomaaliya oo tiradoodu gaarayso 602-askari ayaa maanta tababar loogu soo xiray xero tababar oo ciidamada dowladda KMG ah ay ku leeyihiin deegaanka Jasiira ee duleedka Muqdisho, waxaana la sheegay in ciidamadaas ay ka qayb-qaadanayaan sugidda ammaanka Muqdisho inta doorashooyinku socdaan.

8/14/2012 9:06 AM EST
Talaado, Ogoosto 14, 2012 (HOL) — Guddiga farsamada ee xulista baarlamaanka KMG ah ee Soomaaliya ayaa sheegay inay ku dhawaaqi doonaan magacyada 150 xildhibaan oo ka mid ah kuwa baarlamaanka cusub ee Soomaaliya, kuwaasoo ay sheegeen inay ka gudbeen baaritaankii lagu sameynayay.

8/14/2012 8:29 AM EST
Talaado, Ogoosto 14, 2012 (HOL) — Ciidamada maamulka gobolka Hiiraan ayaa saacadihii aynu soo dhaafnay ka waday magaalada Baladweyne ee xarunta gobollka Hiraan howlgal looga hortagayo falalka amaan darro ee mar marka qaar ka dhaca magaalada.

8/14/2012 7:04 AM EST
Talaado, Ogoosto 14, 2012 (HOL) — Sarkaal ka tirsanaa ciidamada Nabad-sugidda DKMG ah ee Soomaaliya ayaa maanta lagu dilay afaafka hore ee dekedda Muqdisho, waxaana dilkiisa fuliyay hal ruux oo qori ka dafay askari ka tirsan ciidamada DKMG ah oo halkaas ku suganaa.

8/14/2012 6:48 AM EST
Talaado, Ogoosto 14, 2012 (HOL) — Ururka Midowga Afirka ayaa sheegay inay ka walaacsan yihiin hanjabaado dil ah oo loo dirayo guddiga farsamada ee xulitaanka xildhibaannada cusub ee baarlamaanka, kuwaasoo ay sheegeen inay ka dambeeyaan shaqsiyaad doonaya in xildhibaanno ay wataan loogu daro xubnaha cusub ee baarlamaanka Soomaaliya.

8/14/2012 5:23 AM EST
C/laahi axmed Cadow oo markale isu soo taagay doorashada madaxtinimada lana hadlayay warbaahinta ayaa waxa uu ka hadlay xaalada dalka iyo doorashada lagu wado in maalmaha soo socda ay ka dhacdo Muqdisho.