11/28/2021
Today from Hiiraan Online:  _
Wararka Maanta- Isniin, Aug 13, 2012
Madaxweynaha Soomaaliya oo la kulmay Guddiga Xallinta Khilaafaadka Beelaha una dhoofay dalka Sucuudi Carabiya
Isniin, Ogoosto 13, 2012 (HOL) — Madaxweynaha DKMG Soomaaaliya, Shariif Sheekh Axmed ayaa maanta la kulmay guddiga xalinta khilaafaadka ee ku kulansan Muqdisho, isagoo ugu baaqay guddiga in la xalliyo cabashooyin ku saabsan musuqmaasuqa ee beelaha qaarkood soo gudbiyaan.

Kulanka oo ay goob-joog ka ahaayeen wasiirro ka tirsan xukuumadda Soomaaliya ayaa ahayd mid uu madaxweynuhu ugu kuurgalayay halka ay marayaan qorshaha lagu soo xulayo xildhibaannada cusub ee baarlamaanka maadaama uu waqtigu aad isku gurayo.

"Waxaa la idin kaga baahan yahay inaad soo dedejisaan xallinta khilaafaadka ku saabsan xulista xidhibaanada si ay u soo deg-degto soo gudbinta magacyada xildhibaannada baarlamaanka cusub," ayuu yiri Shariif Sheekh.

Guddoomiyaha guddiga xallinta khilaafaadka, Garaad Jaamac Garaad Cali oo kulanka ka hadlay ayaa sheegay inay meel wanaagsan marayso howshooda, ayna kusoo gabgabeyn doonaan howshooda waqtigii loogu talogalay.

Madaxweynaha ayaa hadalkiisa ku daray inay haystaan waqti yar loogana fadhiyo guddiyada xulista iyo xallinta khilaafaadka inay kusoo dhisaan baarlamaan cusub oo tayo leh si ay u doortaan guddoomiyeyaashiisa iyo madaxweyne, isagoo guddiga xallinta khilaafaadka ku boorriyay inay xaliyaan cabashada beelaha Soomaaliyeed ee ku aaddan faragelinta xulista xildhibaannada.

Dhanka kale, madaxweyne Shariif iyo wasiirro wehlinaya ayaa ayaa u dhoofay dalka Sacuudi Carabiya halkaasoo ay uga qaybgalayaan shirka waddamada Islaamka ah oo arrimaha looga hadlayo ay ku jirto Soomaaliya.

Wasiirrada madaxweyaha Soomaaliya ku wehlinaya safarkisa ayaa waxaa ka mid ah: wasiirka ganacsiga iyo warshadaha, Cabdiwahaab Ugaas Xuseen, wasiirka arrimha gudaha iyo ammaanka Qaranka, Cabdisamad Macalin Maxamuud.

Wasiirka ganacsiga iyo warshadaha xukuumadda Soomaaliya Mudane C/wahaab Ugaas Xuseen oo ka mid ah wafdiga uu hoggaaminayo Madaxweyne Shariif ayaa faahfaahin ka bixiyay safarkooda waxa uuna xusay in dowladda Sacuudi uu Madaxweynaha ka helay casuumaad halkaasna ay uga qeyb galayaan shir ay yeelanayaan wadamada Islaamka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/13/2012 9:01 AM EST
Isniin, Ogoosto 13, 2012 (HOL) — Dajire Augustine Mahiga oo ah ergayga xoghayaha guud ee Qaramada Midoobay uga wakiilka ah arrimaha Soomaaliya ayaa sheegay in toddobaadka soo socda lasoo dooran doono afhayeenka baarlamaanka, ku xigeennadiisa iyo madaxweynaha.

8/13/2012 5:18 AM EST
Isniin, Ogoosto 13, 2012 (HOL) — Wararka aynu ka heleyno magaalada Afmadow ee gobolka Jubada hoose ayaa sheegaya in xalay duleedka degmadaasi ay madaafiic isku weeydaarsadeen ciidamada dowladda, kuwa Kenya iyo Al-shabaab.

8/13/2012 5:08 AM EST
Isniin, Ogoosto 13, 2012 (HOL) — Komishanka Doorashooyinka Somaliland ayaa sheegay in doorashooyinka golaha deegaanka Somaliland ay dhici doonaan maalinimadda Arbacadda ee bisha November 28, 2012

8/13/2012 5:00 AM EST
Isniin, Ogoosto 13, 2012 (HOL) — Ciidammo ka tirsan kuwa DKMG ah ee Soomaaliya ayaa shalay gallinkii dambe ku dilay degmada Yaaqshiid ee gobolka Banaadir mid ka mid ah suxufiyiinta madaxa-bannaan ee Muqdisho ku sugan.

8/13/2012 4:45 AM EST
Isniin, Ogoosto 13, 2012 (HOL) — Madaxweynaha Somaliland Md: Axmed Maxamed Maxamuud Siillaanyo, ayaa hambalyo u diray guusha weyn ee uu soo hooyey Orodyahanka caanbaxay ee Maxamed Faarax ee u orda dalka Ingiriiska.

8/13/2012 4:36 AM EST
Isniin, Ogoosto 13, 2012 (HOL) — Kooxo bastoolado ku hubeysan ayaa bartamaha magaalada Mandheera ee dalka Kenya ku toogtay baadari Kenyan ah, iyadoo warar kala duwan ay kasoo baxayaan baadariga la dilay halka uu ka yimid.

8/13/2012 4:12 AM EST
Isniin, Ogoosto 13, 2012 (HOL) — Dab xooggan ayaa khasaare xooggan ka geystay suuqa xerada qoxootigsa IFO oo ka mid ah xeryaha ku yaalla Dhadhaab, halkaasoo ay ku jiraan in ka badan Nus Malyuun qof oo u badan Soomaali.

8/13/2012 3:57 AM EST
Isniin, Ogoosto 13, 2012 (HOL) — Afhayeenka baarlamaanka KMG ah ee uu xilligiisu gabagabada yahay, Shariif Xasan Sheekh Aadan ayaa sheegay in haddii loo doorto xilka madaxnimo ee Soomaaliya uu dalka ku hoggaamin doono cadaalad.

8/13/2012 3:48 AM EST
Isniin, Ogoosto 13, 2012 (HOL) — Dowladda Uganda ayaa sheegaty in tiro ka mid ah ciidamadeeda iyo diyaaradaha nooca qummaatiga u kaca ah ee helicopter-ka loo yaqaan oo ay u dirtay Soomaaliya si howgalka socda uga qaybqaataan lagu waayay hawada dalka Kenya.