11/28/2021
Today from Hiiraan Online:  _
Wararka Maanta- Isniin, Aug 13, 2012
Dab xoog leh oo baabi'iyay qaybo ka mid ah Suuqa Xerada IFO oo ka mid ah Xeryaha Dhadhaab ee dalka Kenya
Isniin, Ogoosto 13, 2012 (HOL) — Dab xooggan ayaa khasaare xooggan ka geystay suuqa xerada qoxootigsa IFO oo ka mid ah xeryaha ku yaalla Dhadhaab, halkaasoo ay ku jiraan in ka badan Nus Malyuun qof oo u badan Soomaali.

Lama oga waxa sababay dabka, balse wararka ayaa sheegaya inuu baabi'iyay dhowr dukaan oo kuwa ganacsiga ah, iyadoo dadka ku jira xeradaas ay goor dambe oo xalay dabka damiyeen.

"Xalay saqdii dhexe ayuu dabku billowday, wuxuuna ka billowday haanta biyaha hoosteeda. Ma garanayno sababta uu ka billowday balse wuxuu gubay 20 goob ganacsi oo isugu jiray dukaamo iyo bakhaaro," ayuu yiri goobjooge ku sugan xerada IFO oo saxaafadda la hadlay.

Goobjoogaha ayaa sheegay inaan la garanayn khasaaraha maaliyadeed ee uu ka dhashay dabka, iyadoo ay dadka xeryaha Dhadahaab ku jira ay aad ula yaaban yihiin waxa xiligan kusoo beegay gubashada suuqyada xeradaas.

Toddobaadkii hore ayay ahayd markii suuqa weyn ee xerada Xagar-dheer uu dab xooggan baabi'iyay, mana jirto ciidammo Kenya ah oo u gurmaday dadka ku jira xeryaha xiliyadii uu dabku kacayay, kuwaasoo ahaa xilliyo habeen ah.

"Dadweynaha ayaa dabka damiyay, ma jirto cid kale oo noo soo gurmatay, markii aan ciidamada ku wargelinnay dabka waxay noo sheegeen inaysan xilligan imaan karin xeryaha sababo dhinaca ammaanka ah awgood," ayay tiri haweenkay ka mid ah dadkii ku sugnaa xerada IFO xilligii uu dabku socday.

Xeryayaha IFO, Xagar-dheere iyo Dhagaxley oo ku yaalla Dhadhaab-Kenya ayaa lagu sheegayaa kuwa ugu weyn dunida, waxaana ku jira dad ka badan 500,000 oo qof, kuwaasoo 470,000 oo ka mid ah ay yihiin qoxooti Soomaaliyeed.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/13/2012 9:01 AM EST
Isniin, Ogoosto 13, 2012 (HOL) — Dajire Augustine Mahiga oo ah ergayga xoghayaha guud ee Qaramada Midoobay uga wakiilka ah arrimaha Soomaaliya ayaa sheegay in toddobaadka soo socda lasoo dooran doono afhayeenka baarlamaanka, ku xigeennadiisa iyo madaxweynaha.

8/13/2012 9:00 AM EST
Isniin, Ogoosto 13, 2012 (HOL) — Madaxweynaha DKMG Soomaaaliya, Shariif Sheekh Axmed ayaa maanta la kulmay guddiga xalinta khilaafaadka ee ku kulansan Muqdisho, isagoo ugu baaqay guddiga in la xalliyo cabashooyin ku saabsan musuqmaasuqa ee beelaha qaarkood soo gudbiyaan.

8/13/2012 5:18 AM EST
Isniin, Ogoosto 13, 2012 (HOL) — Wararka aynu ka heleyno magaalada Afmadow ee gobolka Jubada hoose ayaa sheegaya in xalay duleedka degmadaasi ay madaafiic isku weeydaarsadeen ciidamada dowladda, kuwa Kenya iyo Al-shabaab.

8/13/2012 5:08 AM EST
Isniin, Ogoosto 13, 2012 (HOL) — Komishanka Doorashooyinka Somaliland ayaa sheegay in doorashooyinka golaha deegaanka Somaliland ay dhici doonaan maalinimadda Arbacadda ee bisha November 28, 2012

8/13/2012 5:00 AM EST
Isniin, Ogoosto 13, 2012 (HOL) — Ciidammo ka tirsan kuwa DKMG ah ee Soomaaliya ayaa shalay gallinkii dambe ku dilay degmada Yaaqshiid ee gobolka Banaadir mid ka mid ah suxufiyiinta madaxa-bannaan ee Muqdisho ku sugan.

8/13/2012 4:45 AM EST
Isniin, Ogoosto 13, 2012 (HOL) — Madaxweynaha Somaliland Md: Axmed Maxamed Maxamuud Siillaanyo, ayaa hambalyo u diray guusha weyn ee uu soo hooyey Orodyahanka caanbaxay ee Maxamed Faarax ee u orda dalka Ingiriiska.

8/13/2012 4:36 AM EST
Isniin, Ogoosto 13, 2012 (HOL) — Kooxo bastoolado ku hubeysan ayaa bartamaha magaalada Mandheera ee dalka Kenya ku toogtay baadari Kenyan ah, iyadoo warar kala duwan ay kasoo baxayaan baadariga la dilay halka uu ka yimid.

8/13/2012 3:57 AM EST
Isniin, Ogoosto 13, 2012 (HOL) — Afhayeenka baarlamaanka KMG ah ee uu xilligiisu gabagabada yahay, Shariif Xasan Sheekh Aadan ayaa sheegay in haddii loo doorto xilka madaxnimo ee Soomaaliya uu dalka ku hoggaamin doono cadaalad.

8/13/2012 3:48 AM EST
Isniin, Ogoosto 13, 2012 (HOL) — Dowladda Uganda ayaa sheegaty in tiro ka mid ah ciidamadeeda iyo diyaaradaha nooca qummaatiga u kaca ah ee helicopter-ka loo yaqaan oo ay u dirtay Soomaaliya si howgalka socda uga qaybqaataan lagu waayay hawada dalka Kenya.