12/2/2021
Today from Hiiraan Online:  _
Wararka Maanta- Isniin, Aug 13, 2012
SHARIIF XASAN: "Haddii xilka Madaxweynenimo la ii doorto Soomaaliya waxaan ku maamulayaa Cadaalad"
Isniin, Ogoosto 13, 2012 (HOL) — Afhayeenka baarlamaanka KMG ah ee uu xilligiisu gabagabada yahay, Shariif Xasan Sheekh Aadan ayaa sheegay in haddii loo doorto xilka madaxnimo ee Soomaaliya uu dalka ku hoggaamin doono cadaalad.

Shariif Xasan ayaa hadalkan ka sheegay xaflad uu kaga dhawaaqayay inuu yahay murashax oo Axadii shalay ka dhacday magaalada Muqdisho, wuxuuna noqonayaa mas'uulkii ugu dambeeyay madaxda sare ee dowladda KMG ah oo ku dhawaaqa inuu yahay murashax madaxweyne.

"Dalkan wuxuu u baahan yahay cadaalad, inuu dhibaatada ka baxana  waxay ku xiran tahay in cadaalad uu helo," ayuu yiri Shariif Xasan oo hadal kooban ka jeediyay xafladda murashaxnimadiisa.

Sidoo kale, Shariif Xasan wuxuu sheegay inuu ka shaqeyn doono sidii ay Soomaaliya horumar ku gaari lahayd, isagoo xusay inuu ka shaqeyn doono dib u heshiisiinta iyo sidii ay shacabka Soomaaliyeed gacmaha isku qabsan lahaayeen.

Mas'uuliyiin isugu jiray xildhibaanno, wasiirro iyo mas'uuliyiin ka socda xisbiyada qaar ka mid ah asxaabta dalka ka jira ayaa sheegay inay taageersan yihiin Shariif Xasan ayna la dhacsan yihiin murashaxnimadiisa, balse ma aysan sheegin inay kaslooni ku qabaan hadalkiisa ah inuu dalka ku hoggaamin doono cadaalad haddii la doorto.

Afhayeenka baarlamaanka ayaa waxaa looga bartay inuu muran abuuro markii ay madaxda Soomaalidu heshiis gaaraan, waxaana dhowr jeer oo arrinta la weydiiyay uu sheegay inuusan isagu ahayn qof caqabad ku ah horumarka Soomaaliya.

"Waxaan xilka madaxnimo ee Soomaaliya isku taagay markii aan arkay in dalkan uu u baahan yahay in cadaalad lagu hoggaamiyo, waxaana qabaa inaan anigu hoggaan cadaalad ah u horseedi karo Soomaaliya," ayuu Shariif Xasan ku yiri khudbadiisa.

Madaxweynaha Soomaaliya, Sharii Sheekh Axmed iyo ra'iisul wasaare Cabdiweli Maxamed Cali ayaa iyaguna horay ugu dhawaaqay inay yihiin murashaxiin u taagan xilka madaxnimo ee Soomaaliya, iyadoo ay sare u socoto murashaxiinta xilka isku soo taagaya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/13/2012 9:01 AM EST
Isniin, Ogoosto 13, 2012 (HOL) — Dajire Augustine Mahiga oo ah ergayga xoghayaha guud ee Qaramada Midoobay uga wakiilka ah arrimaha Soomaaliya ayaa sheegay in toddobaadka soo socda lasoo dooran doono afhayeenka baarlamaanka, ku xigeennadiisa iyo madaxweynaha.

8/13/2012 9:00 AM EST
Isniin, Ogoosto 13, 2012 (HOL) — Madaxweynaha DKMG Soomaaaliya, Shariif Sheekh Axmed ayaa maanta la kulmay guddiga xalinta khilaafaadka ee ku kulansan Muqdisho, isagoo ugu baaqay guddiga in la xalliyo cabashooyin ku saabsan musuqmaasuqa ee beelaha qaarkood soo gudbiyaan.

8/13/2012 5:18 AM EST
Isniin, Ogoosto 13, 2012 (HOL) — Wararka aynu ka heleyno magaalada Afmadow ee gobolka Jubada hoose ayaa sheegaya in xalay duleedka degmadaasi ay madaafiic isku weeydaarsadeen ciidamada dowladda, kuwa Kenya iyo Al-shabaab.

8/13/2012 5:08 AM EST
Isniin, Ogoosto 13, 2012 (HOL) — Komishanka Doorashooyinka Somaliland ayaa sheegay in doorashooyinka golaha deegaanka Somaliland ay dhici doonaan maalinimadda Arbacadda ee bisha November 28, 2012

8/13/2012 5:00 AM EST
Isniin, Ogoosto 13, 2012 (HOL) — Ciidammo ka tirsan kuwa DKMG ah ee Soomaaliya ayaa shalay gallinkii dambe ku dilay degmada Yaaqshiid ee gobolka Banaadir mid ka mid ah suxufiyiinta madaxa-bannaan ee Muqdisho ku sugan.

8/13/2012 4:45 AM EST
Isniin, Ogoosto 13, 2012 (HOL) — Madaxweynaha Somaliland Md: Axmed Maxamed Maxamuud Siillaanyo, ayaa hambalyo u diray guusha weyn ee uu soo hooyey Orodyahanka caanbaxay ee Maxamed Faarax ee u orda dalka Ingiriiska.

8/13/2012 4:36 AM EST
Isniin, Ogoosto 13, 2012 (HOL) — Kooxo bastoolado ku hubeysan ayaa bartamaha magaalada Mandheera ee dalka Kenya ku toogtay baadari Kenyan ah, iyadoo warar kala duwan ay kasoo baxayaan baadariga la dilay halka uu ka yimid.

8/13/2012 4:12 AM EST
Isniin, Ogoosto 13, 2012 (HOL) — Dab xooggan ayaa khasaare xooggan ka geystay suuqa xerada qoxootigsa IFO oo ka mid ah xeryaha ku yaalla Dhadhaab, halkaasoo ay ku jiraan in ka badan Nus Malyuun qof oo u badan Soomaali.

8/13/2012 3:48 AM EST
Isniin, Ogoosto 13, 2012 (HOL) — Dowladda Uganda ayaa sheegaty in tiro ka mid ah ciidamadeeda iyo diyaaradaha nooca qummaatiga u kaca ah ee helicopter-ka loo yaqaan oo ay u dirtay Soomaaliya si howgalka socda uga qaybqaataan lagu waayay hawada dalka Kenya.