11/28/2021
Today from Hiiraan Online:  _
Wararka Maanta- Axad, Aug 12, 2012
Xubno ka tirsan madaxdii xisbiga UDUB oo sheegay inay usoo digo rogteen xisbiga kulmiye


Axad, Ogoosto, 12, 2012 (HOL)-Xubno ka mid ah madaxda xisbiga UDUB, ayaa maanta si rasmi ah shaaca uga qaaday inay usoo digo rogteen xisbiga taladda haya ee KUlMIYE.

Xaflad balaadhan oo xarunta kulmiye loogu sameeyey ayaa waxa ka soo qaybgalay madaxweyne ku xigeenka Somaliland Md: Cabdiraxmaan Cabdilaahi Ismaaciil (Saylici), wasiirro, hogaanka sare ee kulmiye iyo xubnaha ka soo goostay xisbiga mucaaradka ah ee UDUB.

Siyaasiyiinta xisbiga UDUB ka yimid ayaa sheegay in markii uu xisbigoodii kilaaf ka bixi waayey ay goosteen inay usoo digo rogtaan xisbigan, waxaanay xisbigii UDUB ku tilmaameen qaar koox gaar ahi taladii xisbiga isku duubtay, taasina ay keentay inuu xisbigaasi la isku qabqabsado, burburna qarka u saaran yahay.

Xubnahan xisbiga UDUB ka yimid ayaa ah garabkii dacweeyey gudoomiyaha xisbiga UDUB ee Daahir Rayaale, kaas oo khilaaf weyni soo kala dhexgalay, waxaanay ugu dambayntii maxkamaddu dacwadaasi u xukuntay gudoomiyaha xisbigaasi Daahir Rayaale, haseyeeshee, khilaafkii halkii kuma joogsan ee waxay keentay garabkan oo uu hogaaminayey gudoomiye ku xigeenka xisbigaasi Axmed Yuusuf Yaasiin ay la kulmaan madaxweynaha, waxaanu madaweynuhu ku qanciyey inay ku soo biiraan xisbiga KULMIYE.


Xubnahan ayaa iskugu jira masuuliyiin wasiiro ka soo ahaa dawladdii UDUB, xildhibaano golaha Wakiiladda iyo deegaankaba iskuga jira iyo masuuliyiin golaha dhexe iyo fulinta UDUB ku jiray, kuwaas oo si rasmi ah u bayaamiyey inay maanta kulmiye ku soo biiraan oo taageero weyn ku soo kordhin doonaan, isla markaana bacda ramadaanta ay xaflad weyn oo ay ku muujinayaan awoodooda taageero soo bandhigi doonaan.

gudoomiyaha xisbiga KULMIYE Muuse Biixi Cabdi, ayaa ku soo dhoweeyey xubnahan xisbiga KULMIYE, waxaanu sheegay in maanta laga bilaabo ka qaybqaaadan doonaan hawlaha xisbiga, isla markaana aan laga xigtaysan doonin iyaga iyo kuwii xisbiga la bilaabay oo ay u siman yihiin.

Madaxweyne ku  igeenka Somaliland Md: Cabdiraxmaan  Cabdilaahi Ismaaciil (Saylici) oo isna madasha soo dhoweynta xubnahan ka hadlay ayaa aad ugu hambalyeeyey geesinimada ay muujiyeen inay xisbiga KULMIYE ku soo biiraan, isla markaana aad ugu faraxsan yihiin in ragii markii ay mucaaradka ahaayeen aad isku weerari jireen ay maanta isku dhinac noqdaan oo ay kubadda meel u wada laagi doonaan.

Madaxweyne ku xigeenku waxa uu tilmaamay in aanu ku faraxsanayn burbur ku yimaadda xisbiga UDUB, madama oo dimuqraadiyadu ay ku fiican tahay is dheeli tirka mucaarad iyo mucaafadka.

“Anagu  maanta kuma faraxsanin xisbiga UDUB oo xisbi weyn ahaa baabi’iisa, sababta oo ah dimuqraadiyadu waxay ina faraysaa in mar walba ay jirto xisbiyo adag oo la tartama oo is toosiya, haddii aan la helin xisiyo is toosiya oo si wadaniyad ah isku dhaliilla dimuqraadiyadii ma kobcayso”ayuu yidhi madaxweyne ku xigeenku Cabdiraxmaan Saylici.


Waxaanu sheegay inuu rajaynayo inay saddex xisbi qaran ay ka soo bixi doonaan sagaalka urur ee golaha deeganka ku tartami doona, isla markaana ay hogaanka u qaban doonaan dad aqoon iyo wadaniyadi ku dheertahay oo dimuqraadiyadda koriya.

Sidoo kale, waxa uu ururadda siyaasadda usoo jeediyey inay dadka ay u xulayaan golaha deeganka ay noqdaan dad karti iyo daacadnimo lagu yaqaan balse aanay xigtaysi iyo qaraabo ku iman.

Si kastaba ha ahaate, xubnahan ka soo baxay UDUB ayaa ah xubno aad u culculis, kuwaas oo wakhtigii ay muxaafadka ahaayeen ee taladda dalka hayey dagaal siyaasadeed ka dhexeyn jiray xisbiga ay ku soo biireen ee KUlMIYE, haseyeeshee xubnahan ayaa markii uu khilaaf la daweyn kari waayey ka dilaacay UDUB, madaxweyne Axmed Siillaanyo garabkan ku qaabilay xafiiskiisa isagoo usoo jeediyey inay kulmiye ku biiraan, taasna ay aqbaleen.


Barkhad-Ladiif M. Cumar, Hiiraan Online 
[email protected]
Hargeysa, Somaliland













Click here
8/12/2012 4:01 PM EST
Axad, August 12, 2012-Waxaa magaalada Muqdishu maanta oo ah August 12 looga dabaal degay maalinta dhalinyaradda adduunka. Munaasabaddaan oo sanadkan ku soo aaday xili ay Muqdisho laga dareemayo ifafaallo nabadeed ayaa waxaa la qabtay xaflad geed talaal ah oo lagu maamusayo maalinta dhalinyaradda Adduunka.

8/12/2012 8:20 AM EST
Axad, Ogoosto 12, 2012 (HOL) — Guddiga xulista xildhibaannada baarlamaanka cusub ee Soomaaliya ayaa sheegay maanta oo Axad ah in beelaha Soomaaliyeed ee 4.5-ka ay soo dhameystireen xulidda xidhibaannada baarlamaanka cusub, iyagoo sheegay in baaritaanno kaddib ay dib u celiyeen kontomeeyo xildhibaan.

8/12/2012 7:28 AM EST
Axad, Ogoosto 12, 2012 (HOL) — Kooxo bastoolado ku hubeysan ayaa maanta ku dilay gudaha suuqa weyn ee Bakaaraha laba qof oo midkood uu askari ahaa, iyadoo la sheegay inaysan labadan qofba ka qaateen lacag iyo hub.

8/12/2012 7:26 AM EST
Axad, Ogoosto 12, 2012 (HOL) — Iyadoo maalmo kooban ay naga xigaan munaasabada ciidul fidriga ayeey dadka danyarta ah ee ku nool xeryahay barakacayaasha magaalada Baladweyne dalabanayaan in la soo kaalmeeyo si ay uga qeyb-qaataan farxada maalinta ciida.

8/12/2012 7:23 AM EST
Axad, Ogoosto 12, 2012 (HOL) — Dabley hubeysan ayaa xalay magaalada Gaalkacayo ku diley hal nin, islamarkaana dhaawacay nin kale oo ay midka geeriyoodey wada socdeen.Ninka dhintay oo lagu magacaabi jirey Cabdi Axmed Dheere, waxaa la sheegay in uu ka tirsanaa ganacsatada yar yar ee gobolka.

8/12/2012 5:02 AM EST
Axad, Ogoosto 12, 2012 (HOL) — Faahfaahin dheeri ah ayaa kasoo baxeyso duqeymo xooggan oo ay xalay Maraakiib dagaal salaaddii maqrib kadib ka geeystay magaalada Kismaayo, iyadoona duqeyntaasi ay sababtay khasaarooyin isugu jira dhimasho iyo dhaawac.

8/12/2012 4:53 AM EST
Axad, Ogoosto 12, 2012 (HOL) — Guushii uu gaaray ciyaaryahanka Soomaaliyeed ee Mo Farah oo u orda dalka Britain ayaa si weyn looga soo dhaweeyay gudaha dalka Soomaaliya, iyadoo dabaaldagyo lagu taageerayo guushiisa ay ka dhaceen gudaha Soomaaliya iyo dalka Kenya.

8/12/2012 4:37 AM EST
Axad, Ogoosto 12, 2012 (HOL) — Wakiilka xogyahaha guud ee Qaramada Midoobay u qaabilsan arrimaha Soomaaliya, danjire Augstine Mahiga ayaa madaxda dowladda KMG ah iyo xubnaha kale ee rajada ka qaba inay baarlamaanka ka mid noqdaan ama ay qabtaan xilalka waaweyn sida madaxweynaha iyo afhayeenka baarlamaanka ku eedeeyay inay musuqmaasuq ku hayaan xulista xubnaha cusub ee baarlamaanka Soomaaliya.

8/12/2012 4:07 AM EST
Axad, Ogoosto 12, 2012 (HOL) — Ciyaaryahannadii Soomaaliya uga qaybgalayay ciyaaraha Olombikada ee London 2012, Zamzam Maxamed Faarax iyo Maxamed Xasan Maxamed ayaa la sheegay inay magangalyo weydiisteen dowladda Britain, iyagoo ku andacoonaya inay ka baqayaan in Al-shabaab ay disho haddii ay dib ugu laabtaan Soomaaliya.

8/12/2012 3:48 AM EST
Axad, Ogoosto 12, 2012 (HOL) — Shaqaaqo xoogan ayaa ka taagan magaalada Johannsburg ee dalka Koonfur Afrika ka gadaal markii ay is risaseyn muddo socotay dhex-maray Soomaali iyo Itoobiyaan magaaladaas kuwada nool, halkaasoo ay dhaawacyo halis ah kasoo gaareen qaar ka mid ah dadkii goobtaas ku sugnaa iyo kuwo socota ah.

8/12/2012 3:30 AM EST
Axad, Ogoosto 12, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa xilkii ka qaaday Sabtidii shalay taliyihii ciidamada nabad-sugidda Puntland, Saleebaan Barre, iyadoo isla maantana loo magacaabay xilkaas mas'uul kale.

8/12/2012 3:29 AM EST
Axad, Ogoosto 12, 2012 (HOL) — Kooxo bastoolado ku hubeysan ayaa saakay aroortii hore ku dilay degmada Dharkeynley ee magaalada Muqdisho, Yuusuf Cali Cusmaan (Yuusuf Farey) oo ka mid ahaa sarkaal u shaqeynayay DKMG ah, kana mid ahaa bahda saxaafadda Soomaalida.

8/12/2012 3:20 AM EST
Axad, Ogoosto 12, 2012 (HOL) — Iyadoo ay maalmo koobani inaga xigaan wakhtigii Ciidul-fidriga, ayaa waxaa dhaq dhaqaaq ganacsi oo aad u xoogan laga dareemayaa suuqa magaalada Boosoosaaso, oo isagu ah kan ugu weyn guud ahaan deegaanada Puntland.