12/6/2021
Today from Hiiraan Online:  _
Wararka Maanta- Axad, Aug 12, 2012
Maalinta Dhalinyarada Adduunka oo Muqdisho laga xusay


Axad, August 12, 2012-Waxaa magaalada Muqdishu maanta oo ah August 12  looga dabaal degay maalinta dhalinyaradda adduunka. Munaasabaddaan oo sanadkan ku soo aaday xili ay Muqdisho laga dareemayo ifafaallo nabadeed ayaa waxaa la qabtay xaflad geed talaal ah oo lagu maamusayo maalinta dhalinyaradda Aduunka.

Xafladdaan ayaa waxaa lagu qabtay Xarunta SYL  ama  Taallada SYL ayaa waxaa ka soo qabygalay kulankaas Dhalinyaro ka kala socotay dhamaan goboladda Dalka Soomaaliya. Waxaa halkaas ka hadlay dhalinyaro aad u qiiraysan oo dareenkoodu ahaa mid aad u sareeya.  Ruqiyo Abdiasis oo ka timid Puntland, muqudishana ay ugu danbeysay iyada oo laba jir ah "Dhalinyarada Soomalaaliyeed waxaa looga fadhiyaa in ay buuxiyaan doorkii dhalinyaradii SYL"ayay tiri Ruqiyo Cabdicasiis oo intaas ku sii dartay in  la joogo xiligii ay dhalinyaradu la wareegi lahayd howlaha khuseeya noloshooda.

Waxaa kaloo halkaas ka hadashay Safia Yaasin oo xustay sida ay qiiro u galisay in maalinta dhalinyadaa aduunka laga hor xuso Taallada Dhalinyaraddda ee SYL. Ahmed Abdi Caynab ayaa isna yiri "waxaa la joogaa xiligii aan hogaanka dalka wax ku yeelan lahayn. Umadda Soomaaliyeed waxaa samata bixiyay Dhalinyaradii SYL annagana waxaa nalooga fadhiyaa in aan raadkoodii raacno”.

Waxaa isna halkaas ka hadalay  Jabril Ibrahim Abdulle oo ah madaxa Xarunta Cilmi baarista iyo Wadatashiga Soomaaliyeed ee CRD  oo  ahayd hay'addii soo qaban qaabisay xafaladdan. Jabriil waxa uu iftiimiyay in xuska Dalinyarada Soomaaliyeed uu yahay bisha may 15 keeda.


 “Dhalinyarada Soomaliyeed  waxa ay la wadaagayaan dhalinta caalamka ku nool gaar ahaan  dunida Muslimka iyo Carabta iyo Africa maalintan qiimaha leh”ayuu yiri Jabriil Ibraahim oo intaas ku sii daray in dhalinyaradda Soomaaliyeed dhib badan soo garay 25kii sano ee la soo dhaafay, laakiin ay ka  gudbeen haddana loo baahan yahay in la garabgalo si ay uga qaybqaataan dhismaha dalka.

Waxaa xafladda ka hadlay Wasiiru dowlaha wasaaradda dhalinyaradda iyo Isboortiga iyo Shaqalaha, Abdullahi Shikeh Ali  oo loo yaqaan Qaloocoow. Wasiirku waxaa uu sheegay in Soomaaliya ayan ka bixi doonin dhibka haysta haddii ayan dhalinyaradeeda aan  laga qaybgalin dhismaha dalka.  “Dhalinyardu waa 70% shacabka Soomaalyeed marnaba suuragal ma aha in Sooomaaliya ka soo kabsato haddii ayan dhalinyarads door ka qaadan"ayuu yiri Wasiiru-dowlaha.


Ugu dambeyntii, geed loogu magac  daray Kulmiye ayaa waxaa lagu tallaalay taallada SYL , Golaha Murtida iyo Madadaalada, National Theater iyo Xarunta Gobolka  Banadir , iyadoo  ay ka soo qaybgaleen Guddoomiye ku xigeenka  Gobolka Banaadir Sheikh Ali Gure iyo  Xogyhayaha guud Abdi Kaafi, labadu waxaa ay ku dheeraadeen in ay diyaar u yihiin in ay la shaqeeyaan dhalinyarada, waxaana ay hambalyo u direen dhalinyarada Caalamka iyo kuwa Soomaaliya.

















Click here
8/12/2012 4:13 PM EST
Axad, Ogoosto, 12, 2012 (HOL)-Xubno ka mid ah madaxda xisbiga UDUB, ayaa maanta si rasmi ah shaaca uga qaaday inay usoo digo rogteen xisbiga taladda haya ee KUlMIYE.

8/12/2012 8:20 AM EST
Axad, Ogoosto 12, 2012 (HOL) — Guddiga xulista xildhibaannada baarlamaanka cusub ee Soomaaliya ayaa sheegay maanta oo Axad ah in beelaha Soomaaliyeed ee 4.5-ka ay soo dhameystireen xulidda xidhibaannada baarlamaanka cusub, iyagoo sheegay in baaritaanno kaddib ay dib u celiyeen kontomeeyo xildhibaan.

8/12/2012 7:28 AM EST
Axad, Ogoosto 12, 2012 (HOL) — Kooxo bastoolado ku hubeysan ayaa maanta ku dilay gudaha suuqa weyn ee Bakaaraha laba qof oo midkood uu askari ahaa, iyadoo la sheegay inaysan labadan qofba ka qaateen lacag iyo hub.

8/12/2012 7:26 AM EST
Axad, Ogoosto 12, 2012 (HOL) — Iyadoo maalmo kooban ay naga xigaan munaasabada ciidul fidriga ayeey dadka danyarta ah ee ku nool xeryahay barakacayaasha magaalada Baladweyne dalabanayaan in la soo kaalmeeyo si ay uga qeyb-qaataan farxada maalinta ciida.

8/12/2012 7:23 AM EST
Axad, Ogoosto 12, 2012 (HOL) — Dabley hubeysan ayaa xalay magaalada Gaalkacayo ku diley hal nin, islamarkaana dhaawacay nin kale oo ay midka geeriyoodey wada socdeen.Ninka dhintay oo lagu magacaabi jirey Cabdi Axmed Dheere, waxaa la sheegay in uu ka tirsanaa ganacsatada yar yar ee gobolka.

8/12/2012 5:02 AM EST
Axad, Ogoosto 12, 2012 (HOL) — Faahfaahin dheeri ah ayaa kasoo baxeyso duqeymo xooggan oo ay xalay Maraakiib dagaal salaaddii maqrib kadib ka geeystay magaalada Kismaayo, iyadoona duqeyntaasi ay sababtay khasaarooyin isugu jira dhimasho iyo dhaawac.

8/12/2012 4:53 AM EST
Axad, Ogoosto 12, 2012 (HOL) — Guushii uu gaaray ciyaaryahanka Soomaaliyeed ee Mo Farah oo u orda dalka Britain ayaa si weyn looga soo dhaweeyay gudaha dalka Soomaaliya, iyadoo dabaaldagyo lagu taageerayo guushiisa ay ka dhaceen gudaha Soomaaliya iyo dalka Kenya.

8/12/2012 4:37 AM EST
Axad, Ogoosto 12, 2012 (HOL) — Wakiilka xogyahaha guud ee Qaramada Midoobay u qaabilsan arrimaha Soomaaliya, danjire Augstine Mahiga ayaa madaxda dowladda KMG ah iyo xubnaha kale ee rajada ka qaba inay baarlamaanka ka mid noqdaan ama ay qabtaan xilalka waaweyn sida madaxweynaha iyo afhayeenka baarlamaanka ku eedeeyay inay musuqmaasuq ku hayaan xulista xubnaha cusub ee baarlamaanka Soomaaliya.

8/12/2012 4:07 AM EST
Axad, Ogoosto 12, 2012 (HOL) — Ciyaaryahannadii Soomaaliya uga qaybgalayay ciyaaraha Olombikada ee London 2012, Zamzam Maxamed Faarax iyo Maxamed Xasan Maxamed ayaa la sheegay inay magangalyo weydiisteen dowladda Britain, iyagoo ku andacoonaya inay ka baqayaan in Al-shabaab ay disho haddii ay dib ugu laabtaan Soomaaliya.

8/12/2012 3:48 AM EST
Axad, Ogoosto 12, 2012 (HOL) — Shaqaaqo xoogan ayaa ka taagan magaalada Johannsburg ee dalka Koonfur Afrika ka gadaal markii ay is risaseyn muddo socotay dhex-maray Soomaali iyo Itoobiyaan magaaladaas kuwada nool, halkaasoo ay dhaawacyo halis ah kasoo gaareen qaar ka mid ah dadkii goobtaas ku sugnaa iyo kuwo socota ah.

8/12/2012 3:30 AM EST
Axad, Ogoosto 12, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa xilkii ka qaaday Sabtidii shalay taliyihii ciidamada nabad-sugidda Puntland, Saleebaan Barre, iyadoo isla maantana loo magacaabay xilkaas mas'uul kale.

8/12/2012 3:29 AM EST
Axad, Ogoosto 12, 2012 (HOL) — Kooxo bastoolado ku hubeysan ayaa saakay aroortii hore ku dilay degmada Dharkeynley ee magaalada Muqdisho, Yuusuf Cali Cusmaan (Yuusuf Farey) oo ka mid ahaa sarkaal u shaqeynayay DKMG ah, kana mid ahaa bahda saxaafadda Soomaalida.

8/12/2012 3:20 AM EST
Axad, Ogoosto 12, 2012 (HOL) — Iyadoo ay maalmo koobani inaga xigaan wakhtigii Ciidul-fidriga, ayaa waxaa dhaq dhaqaaq ganacsi oo aad u xoogan laga dareemayaa suuqa magaalada Boosoosaaso, oo isagu ah kan ugu weyn guud ahaan deegaanada Puntland.