12/2/2021
Today from Hiiraan Online:  _
Wararka Maanta- Axad, Aug 12, 2012
Dhaqaaqa Ganacsiga Suuqa Degmada Boosaaso oo kor u kacay iyo Ciidda oo si weyn loogu diyaar garoobayo
Axad, Ogoosto 12, 2012 (HOL) — Iyadoo ay maalmo koobani inaga xigaan wakhtigii Ciidul-fidriga, ayaa waxaa dhaq dhaqaaq ganacsi oo aad u xoogan laga dareemayaa suuqa magaalada Boosoosaaso, oo isagu ah kan ugu weyn guud ahaan deegaanada Puntland.

Kumanaan qof oo isugu jira dhalinyaro iyo dad waaweyn, qaarkoodna ay ka yimaadeen gobolada fog fog, ayaa suuqa si aad ah usoo buux dhaafiyey. Waxaana adag in suuqa si fudud loogu dhex lugeeyo, ciriirka jira aawadiis.

Qaybaha suuqa ee mashquulka badani uu ka jiro, dadkuna ay sida aadka ah wax uga iibsanayaan waxaa ka mid ah: qaybaha Dharka, Kabaha, Udugga iyo carwooyinka lagu gado qalabka ay ciyaalku ku ciyaaraan.

Waxyaabaha ay indhahaagu qabanayaan marka koowaad ee aad suuqa tagtana waxaa kamid ah: Aabeyaal iyo hooyooyin wata ubadkooda yar yar, islamarkaana u iibinaya lebiska iyo agabyada kale ee ay doortaan, si ay farxad ugu damaashaadaan maalinta Ciidda.

Qaar kamid ah ganacsata oo HOL la hadlay ayaa ka warbixiyey dareenkooda ku aadan soo dhowaanshaha Ciidda iyo sida uu xiligan iibku yahay, waxaana kamid ahaa Maxamed Xasan Xabashi (Xamari),mar ay dad badani meheradiisa hor dhoobnayeen wuxuu yiri:

"Sanad walba waxan helnaa fursado dhowr ah, xiliyada Ciidaha ayaana kamid ah. Inkasta oo wakhti adag lagu jiro marka la eego dhinaca dhaqaalaha,hadana iibku ma xuma"

Safiyo Maxamed Faarax oo iyaduna ka tirsan ganacsatada yar yar ee dharka ciyaalka gada, ayaa tilmaantay in si fiican wax looga iibsadey, haseyeeshee ay ku rajo weyn tahay in si wanaagsan wax looga gato marka uu wakhtiga Ciidu soo dhowaado, gaar ahaan ayaamaha ugu danbeeya bisha barakaysan ee Ramadaan.

Inkasta oo ay dadka intooda badani Ciidayaan, waxaa hadana jira qoysas badan oo aan awoodin in ay farxadaas muslimiinta dunida la wadaagaan. arimaha ugu waaweyn ee taas loo aanayn karana waxaa kamid ah: hoos u dhaca ku yimid qiimaha Dollarka, arintaas oo inta badan si weyn u saameysa dadka danyarta ah.

Suuqa Boosaaso oo dabayaaqada sanadkii hore ee 2011 uu dab xoogani qabsaday, hanti malaayiin Dollar lagu qiyaaseyna ay ku bas beeshay, wuxuu u muuqdaa mid si aad ah uga soo kabtay dhibkii gaarey, iyadoo xiligan uu suuqu yeeshay waddooyin badan, dhismayaashii gubteyna si weyn dib loogu dayac tiray.

Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
8/12/2012 4:13 PM EST
Axad, Ogoosto, 12, 2012 (HOL)-Xubno ka mid ah madaxda xisbiga UDUB, ayaa maanta si rasmi ah shaaca uga qaaday inay usoo digo rogteen xisbiga taladda haya ee KUlMIYE.

8/12/2012 4:01 PM EST
Axad, August 12, 2012-Waxaa magaalada Muqdishu maanta oo ah August 12 looga dabaal degay maalinta dhalinyaradda adduunka. Munaasabaddaan oo sanadkan ku soo aaday xili ay Muqdisho laga dareemayo ifafaallo nabadeed ayaa waxaa la qabtay xaflad geed talaal ah oo lagu maamusayo maalinta dhalinyaradda Adduunka.

8/12/2012 8:20 AM EST
Axad, Ogoosto 12, 2012 (HOL) — Guddiga xulista xildhibaannada baarlamaanka cusub ee Soomaaliya ayaa sheegay maanta oo Axad ah in beelaha Soomaaliyeed ee 4.5-ka ay soo dhameystireen xulidda xidhibaannada baarlamaanka cusub, iyagoo sheegay in baaritaanno kaddib ay dib u celiyeen kontomeeyo xildhibaan.

8/12/2012 7:28 AM EST
Axad, Ogoosto 12, 2012 (HOL) — Kooxo bastoolado ku hubeysan ayaa maanta ku dilay gudaha suuqa weyn ee Bakaaraha laba qof oo midkood uu askari ahaa, iyadoo la sheegay inaysan labadan qofba ka qaateen lacag iyo hub.

8/12/2012 7:26 AM EST
Axad, Ogoosto 12, 2012 (HOL) — Iyadoo maalmo kooban ay naga xigaan munaasabada ciidul fidriga ayeey dadka danyarta ah ee ku nool xeryahay barakacayaasha magaalada Baladweyne dalabanayaan in la soo kaalmeeyo si ay uga qeyb-qaataan farxada maalinta ciida.

8/12/2012 7:23 AM EST
Axad, Ogoosto 12, 2012 (HOL) — Dabley hubeysan ayaa xalay magaalada Gaalkacayo ku diley hal nin, islamarkaana dhaawacay nin kale oo ay midka geeriyoodey wada socdeen.Ninka dhintay oo lagu magacaabi jirey Cabdi Axmed Dheere, waxaa la sheegay in uu ka tirsanaa ganacsatada yar yar ee gobolka.

8/12/2012 5:02 AM EST
Axad, Ogoosto 12, 2012 (HOL) — Faahfaahin dheeri ah ayaa kasoo baxeyso duqeymo xooggan oo ay xalay Maraakiib dagaal salaaddii maqrib kadib ka geeystay magaalada Kismaayo, iyadoona duqeyntaasi ay sababtay khasaarooyin isugu jira dhimasho iyo dhaawac.

8/12/2012 4:53 AM EST
Axad, Ogoosto 12, 2012 (HOL) — Guushii uu gaaray ciyaaryahanka Soomaaliyeed ee Mo Farah oo u orda dalka Britain ayaa si weyn looga soo dhaweeyay gudaha dalka Soomaaliya, iyadoo dabaaldagyo lagu taageerayo guushiisa ay ka dhaceen gudaha Soomaaliya iyo dalka Kenya.

8/12/2012 4:37 AM EST
Axad, Ogoosto 12, 2012 (HOL) — Wakiilka xogyahaha guud ee Qaramada Midoobay u qaabilsan arrimaha Soomaaliya, danjire Augstine Mahiga ayaa madaxda dowladda KMG ah iyo xubnaha kale ee rajada ka qaba inay baarlamaanka ka mid noqdaan ama ay qabtaan xilalka waaweyn sida madaxweynaha iyo afhayeenka baarlamaanka ku eedeeyay inay musuqmaasuq ku hayaan xulista xubnaha cusub ee baarlamaanka Soomaaliya.

8/12/2012 4:07 AM EST
Axad, Ogoosto 12, 2012 (HOL) — Ciyaaryahannadii Soomaaliya uga qaybgalayay ciyaaraha Olombikada ee London 2012, Zamzam Maxamed Faarax iyo Maxamed Xasan Maxamed ayaa la sheegay inay magangalyo weydiisteen dowladda Britain, iyagoo ku andacoonaya inay ka baqayaan in Al-shabaab ay disho haddii ay dib ugu laabtaan Soomaaliya.

8/12/2012 3:48 AM EST
Axad, Ogoosto 12, 2012 (HOL) — Shaqaaqo xoogan ayaa ka taagan magaalada Johannsburg ee dalka Koonfur Afrika ka gadaal markii ay is risaseyn muddo socotay dhex-maray Soomaali iyo Itoobiyaan magaaladaas kuwada nool, halkaasoo ay dhaawacyo halis ah kasoo gaareen qaar ka mid ah dadkii goobtaas ku sugnaa iyo kuwo socota ah.

8/12/2012 3:30 AM EST
Axad, Ogoosto 12, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa xilkii ka qaaday Sabtidii shalay taliyihii ciidamada nabad-sugidda Puntland, Saleebaan Barre, iyadoo isla maantana loo magacaabay xilkaas mas'uul kale.

8/12/2012 3:29 AM EST
Axad, Ogoosto 12, 2012 (HOL) — Kooxo bastoolado ku hubeysan ayaa saakay aroortii hore ku dilay degmada Dharkeynley ee magaalada Muqdisho, Yuusuf Cali Cusmaan (Yuusuf Farey) oo ka mid ahaa sarkaal u shaqeynayay DKMG ah, kana mid ahaa bahda saxaafadda Soomaalida.