11/28/2021
Today from Hiiraan Online:  _
Wararka Maanta- Arbaco, Aug 1 , 2012
Munaasabad dib loogu Howl-gelinayay Ciidamada Booliiska Gobolka Hiiraan oo Maanta lagu qabtay Magaalada Baladweyne

Arbaco, Ogoosto 01, 2012 (HOL) — Munaasabad siweyn loo soo qaban qaabiyay kana dhacday saldhiga baliiska magaalada Baladweyne ee xarunta gobollka Hiiraan ayaa waxaa ka qeyb-galay guddoomiyaha gobollka Hiiraan, saraakiisha dowladda Itoobiya, iyo taliska ciidamada Jabuuti ee AMISOM.

Munasabada oo aheyd mid dib loogu howlgalinayay ciidamada baliiska gobollka Hiiraan oo si toos ah uga howlgali doona magaalada Baladweyne ayaa waxaa hadalo kala duwan ka jeediyay mas’uuliyiinta ka qeyb-gashay oo dhamantood ka hadllay muhiimada baliiska iyo sida looga baahan yahay dib u soo celinta nabad-galyada.

Guddoomiyaha gobolka Hiiraan C/fitaax Xassan Afrax oo hadal ka jeediyay munaasabada ayaa sheegay in wax lagu farxo tahay maanta in gobollka Hiiraan ay si toos ah u shaqeynayaan ciidamada baliiska Soomaaliyeed.

"Waqti dheer oo kala danbeyn iyo sharci la’aan ah ayaa la soo maray, laakiin waxaa farxad u ah guud ahaanba bulshada ku dhaqan degmada Baladweyne in maanta ay shaqeynayaan ciidamada baliiska oo la og-yahay yihiin kuwa saldhiga u ah ama aas aaska u ah nabad-galyada,’’ ayuu yiri guddoomiyaha gobolka.


Waxaa uu ka digay C/fitaax Xassan Afrax in lagu dhax arko magaalada dad shacab ah oo sida uu sheegay ku labisan dareyska ciidamada baliiska ama militariga, maadaama in badan la maqlo in ay jiraan dad sita dareyska ciidamada oo haddana wax yeelo u geysta dadka rayidka ah.

Taliyaha saldhiga baliiska ee maamulka gobollka Hiiraan Cali Dhuux Cabdi Mahad dhinaciisa hadal jeediyay ayaa sheegay in looga fadhiyo ciidamada baliiska ee maanta dib loo howlgaliyay in ay gacan bir ah ku qabtaan amaanka magaalada, isaga oo sheegay in aan la aqbali doonin iyadoo ay shaqeynayaa baliis falal amaanka ka dhan ah oo dhaca.

"Runtii haddii aynu nahay ciidamada baliiska waxaa naga go’an in aan ka shaqeyno nabad-galyada dadka shacabka ee  ku dhaqan degmada, waxaa shaqeyn doonaa dadka oo hurdaya, waxaana shaqeyn doonaa iyaga oo soo jeeda, fal danbiyeedka inta uusan dhicin ayaa xooga saari doonaan in aan ka hor tango, haddii uu dhaco sidoo kale dabgal deg deg ah ayaan sameyn doonaa si loo soo qabto ama loo helo cidii ka danbeysa,’’ ayuu yiri, taliyaha saldhiga baliiska degmada Baladweyne,’’ Cali Dhuux Cabdi Mahad.

Mid ka mid saraakiisha taliska ciidamada Jabuuti ee AMISOM oo ka hadllay munaasabada ayaa sheegay in uu aad ugu faraxsanyahay ka qeyb-galka munaasabada dib loogu howlgalinayo ciidamada baliiska gobollka Hiiraan, waxaana uu kula dardaarmay in ay shaqadooda u gutaan si wanaagsan.

Ku xigeenka arrimaha nabad-galyada ee gobollka Axmed Cismaan C/dalla Inji oo ka hadllay goobta ayaa sheegay in ka shaqeynta nabad-galyadu aheyn mid cid gaar ah mas’uuliyad ka saaran tahay, loona baahan yahay in guud ahaan bulshada magaaladu ka wada shaqeyso, hasse ahaatee waxaa uu sheegay in si gaar ah maamulku mas’uul uga hayay arinta ku saabsan soo celinta amniga.


Guud ahaan mas’uuliyiinta maamulka gobollka iyo saraakiishii kala duwaneyd ee ka hadashay munaasabada lagu qabtay saldhiga baliiska degmada Baladweyne waxaa ay isla wada qireen baahida loo qabo nabad-galyada, iyaga oo sheegay in haddii aysan jirin ciidamo baliis ah adag tahay in la hello nabad-galyo buuxda.

Ugu dambeytii, guddoomiyaha gobollka Hiiraan oo ay la  socdaan saraakiil ka tirsan ciidamada Itoobiya iyo kuwa AMISOM waxaa ay socod ku mareen bartamaha degmada, gaar ahaan goobaha ganacsiga iyaga oo u muuqday kuwo u guur-galaya xaalada magaalada iyo sida ganacsigu u socdo.



C/raxmaan Diini, Hiiraan Online
[email protected]
Baladweyne Soomaaliya












Click here
8/1/2012 6:33 PM EST
Khamiis, August 02, 2012(HOL): Magaalada Gaalkacyo ee Gobolka Mudug ayaa waxaa maanta ka dhacday doorashada madaxweynenimada maamulka Galmudug, taasi oo ay u tartameen labo musharrax oo xilkaas isu soo taagay.

8/1/2012 9:48 AM EST
Arbaco, Ogoosto 01, 2012 (HOL) — Wakiilka xoghayaha guud Qaramada Midoobay ee arrimaha Soomaaliya, danjire Augustine Mahiga ayaa sheegay inay jiraan xubno doonaya in lasoo magacaabo xildhibaanno ay iyagu wataan, isagoo sheegay inaan la aqbali karin arrinaas.

8/1/2012 9:27 AM EST
Arbaco, August 01, 2012 (HOL) - Safaarada Soomaalida ayaa bilowday deeq raashin ah oo la gaarsiinayo dadka saboolka ah ee ku nool xaafada Islii ee Soomaalidu ay ku badantahay.

8/1/2012 8:47 AM EST
Arbaco, Ogoosto 01, 2012 (HOL) — Madaxweynaha DKMG ah ee Soomaaliya, Shariif Sheekh Axmed iyo wafdi uu hoggaaminayo ayaa maanta tagay degmada Balcad ee gobolka Shabeellada dhexe oo 30-km dhinaca waqooyi kaga beegan Muqdisho.

8/1/2012 7:05 AM EST
Arbaco, Ogoosto 01, 2012 (HOL) — Dhamaan deegaanada Puntland waxaa maanta si weyn looga xusay, 1-da August oo ku beegan sanad guuradii 14-aad ee kasoo wareegtey xiligii dhidibada loo taagay maamul goboleedka Soomaaliyeed ee Puntland sanadkii 1998.

8/1/2012 5:09 AM EST
Arbaco, Ogoosto 01, 2012 (HOL) — Ergada ansixinta dastuurka qabyadaha ee Soomaaliya ayaa ku ansixiyay dastuurka cod aqlabiyad ah iyadoo ay jireen xubno ka diiday ansixinta iyo kuwo ka aamusay.

8/1/2012 4:32 AM EST
Arbaco, Ogoosto 01, 2012 (HOL) — Diyaarado nooca dagaalka oo aan illaa imika la garaneyn cida iska leh ayaa shalay ilaa maanta si weyn ugu dulwareegaya magaalada Kismaayo, iyadoona diyaaradahani ay qalqal ku abuureen shacabaka ku dhaqan magaalada Kismaayo ee xarunta gobolka jubbada hoose.

8/1/2012 4:04 AM EST
Arbaco, Ogoosto 01, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo ciidamada dowladda KMG ah, kuwa Kenya iyo xoogagga Al-shabaab ku dhexmarya deegaanka Faafax-dhuun ee gobolka Gedo.

8/1/2012 3:17 AM EST
Arbaco, Ogoosto 01, 2012 (HOL) — Halkan hoose ka daawo(Live)shirka golaha ansixinta DASTUURKA qabyada ah ee Soomaaliya, iyadoo codeynta oo gacan taag ah ay ka billaabatay xarunta uu shirku ka socdo.

8/1/2012 3:01 AM EST
Arbaco, Ogoosto 01, 2012 (HOL) — Weerarro ismiidaamin ah ayaa lagu qaaday maanta xarunta uu shirka uga socday ergooyinka ansixinta dastuurka, waxaana mas'uuliyiin ka tirsan dowladda ay sheegeen inay ku dhinteen qaraxyadaas labadii qof ee xambaarsanaa, sidoo kalena aysan jirin cid kale oo ay dhimasho kasoo gaaray.