12/6/2021
Today from Hiiraan Online:  _
Wararka Maanta- Arbaco, Aug 1 , 2012
Sanad-guuradii 14-aad ee kasoo Wareegtey Asaaskii Puntland oo si weyn looga xusay Dhamaan Deegaanada Puntland

Arbaco, Ogoosto 01, 2012 (HOL) — Dhammaan deegaananda Puntland waxaa maanta si weyn looga xusay, 1-da August oo ku beegan sanad guuradii 14-aad ee kasoo wareegtey xiligii dhidibada loo taagay maamul goboleedka Soomaaliyeed ee Puntland sanadkii 1998.

Munaasabad balaaran oo ka dhacday fagaaraha (Barxadda) ee Garoowe ayaa waxaa kasoo qayb galay  madaxda ugu sareysa Puntland oo ay ugu horeeyeen madaxweynaha Cabdiraxmaan Maxamed Maxamuud (Faroole) iyo ku-xigeenkiisa Gen. Cabdisamed Cali Shire.

Sidoo kale waxaa xuska sanad guurada 14-aad ee asaaskii Puntland kasoo qayb galay xubno ka tirsan goleyaasha wasiirada iyo baarlamaanka, saraakiisha ciidamada iyo kumanaan qof oo ka socdey qaybaha kala duwan ee bulshada sida: ardeyda, ururada dhalinyarada, haweenka iyo shaqaalaha.

Cutubyo ka tirsan ciidamada qalabka sida oo isugu jirey: Daraawiish, Mariinis iyo Boolis ayaa gaada ka ciyaar ku sameeyey fagaaraha barxadda, iyagoo sidoo kale salaan sharaf u saaray madaxweynaha iyo madaxdii kale ee madasha ku sugnaa.

Madaxweynaha oo socod ku maray inta u dhexeysa aqalka madaxtooyada iyo fagaaraha (Barxadda) ayaa intaas kadib si kooban bulshada ula hadlay, wuxuuna ugu hanbalyeeyey 14 guurada kasoo wareegtey xiligii maamulka Puntland la dhisay.


"ilaahey waxan ka baryayaa in uu sanadkan sanadkiisa xiga nagu gaarsiiyo nabad iyo horumar, hadal badan halkan ka oran mayo, hadalkii xuska 1-da August caawa ayaa la jeedin doonaa, waxan idin leeyahay hanbalyo hanbalyo hanbalyo" Madaxweyne Faroole ayaa yiri

Inkasta oo xuska asaaskii Puntland uu sanadkan iyo kii ka horeeyeyba kusoo beegmay xilli lagu guda jiro bisha barakaysan ee Ramadaan, waxaa hadana si weyn looga xusay inta badan magaalooyinka waaweyn ee Puntland sida: Boosaaso, Qardho, Badhan, Gaalkacayo iyo Dhahar.

Si kastaba ha ahaatee 1-8-2012 oo ay Puntland 14-sano jirsatey ayaa kusoo beegantay xilli maanta cod aqlabiyad leh lagu ansixiyey dastuurka cusub ee dalka, kadib markii uu in badan dib uga dhacay wakhtigii horay ansixintiisa loo qorsheeyey.









Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
8/1/2012 6:33 PM EST
Khamiis, August 02, 2012(HOL): Magaalada Gaalkacyo ee Gobolka Mudug ayaa waxaa maanta ka dhacday doorashada madaxweynenimada maamulka Galmudug, taasi oo ay u tartameen labo musharrax oo xilkaas isu soo taagay.

8/1/2012 9:48 AM EST
Arbaco, Ogoosto 01, 2012 (HOL) — Wakiilka xoghayaha guud Qaramada Midoobay ee arrimaha Soomaaliya, danjire Augustine Mahiga ayaa sheegay inay jiraan xubno doonaya in lasoo magacaabo xildhibaanno ay iyagu wataan, isagoo sheegay inaan la aqbali karin arrinaas.

8/1/2012 9:27 AM EST
Arbaco, August 01, 2012 (HOL) - Safaarada Soomaalida ayaa bilowday deeq raashin ah oo la gaarsiinayo dadka saboolka ah ee ku nool xaafada Islii ee Soomaalidu ay ku badantahay.

8/1/2012 8:47 AM EST
Arbaco, Ogoosto 01, 2012 (HOL) — Madaxweynaha DKMG ah ee Soomaaliya, Shariif Sheekh Axmed iyo wafdi uu hoggaaminayo ayaa maanta tagay degmada Balcad ee gobolka Shabeellada dhexe oo 30-km dhinaca waqooyi kaga beegan Muqdisho.

8/1/2012 7:11 AM EST
Arbaco, Ogoosto 01, 2012 (HOL) — Munaasabad siweyn loo soo qaban qaabiyay kana dhacday saldhiga baliiska magaalada Baladweyne ee xarunta gobollka Hiiraan ayaa waxaa ka qeyb-galay guddoomiyaha gobollka Hiiraan, saraakiisha dowladda Itoobiya, iyo taliska ciidamada Jabuuti ee AMISOM.

8/1/2012 5:09 AM EST
Arbaco, Ogoosto 01, 2012 (HOL) — Ergada ansixinta dastuurka qabyadaha ee Soomaaliya ayaa ku ansixiyay dastuurka cod aqlabiyad ah iyadoo ay jireen xubno ka diiday ansixinta iyo kuwo ka aamusay.

8/1/2012 4:32 AM EST
Arbaco, Ogoosto 01, 2012 (HOL) — Diyaarado nooca dagaalka oo aan illaa imika la garaneyn cida iska leh ayaa shalay ilaa maanta si weyn ugu dulwareegaya magaalada Kismaayo, iyadoona diyaaradahani ay qalqal ku abuureen shacabaka ku dhaqan magaalada Kismaayo ee xarunta gobolka jubbada hoose.

8/1/2012 4:04 AM EST
Arbaco, Ogoosto 01, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo ciidamada dowladda KMG ah, kuwa Kenya iyo xoogagga Al-shabaab ku dhexmarya deegaanka Faafax-dhuun ee gobolka Gedo.

8/1/2012 3:17 AM EST
Arbaco, Ogoosto 01, 2012 (HOL) — Halkan hoose ka daawo(Live)shirka golaha ansixinta DASTUURKA qabyada ah ee Soomaaliya, iyadoo codeynta oo gacan taag ah ay ka billaabatay xarunta uu shirku ka socdo.

8/1/2012 3:01 AM EST
Arbaco, Ogoosto 01, 2012 (HOL) — Weerarro ismiidaamin ah ayaa lagu qaaday maanta xarunta uu shirka uga socday ergooyinka ansixinta dastuurka, waxaana mas'uuliyiin ka tirsan dowladda ay sheegeen inay ku dhinteen qaraxyadaas labadii qof ee xambaarsanaa, sidoo kalena aysan jirin cid kale oo ay dhimasho kasoo gaaray.