12/6/2021
Today from Hiiraan Online:  _
Wararka Maanta- Arbaco, Aug 1 , 2012
Diyaarado Dagaal oo Dul-heehaabaya Hawada Magaalo Xeebeedda Kismaayo kuwaas oo cabsi geliyay Shacabka

Arbaco, Ogoosto 01, 2012 (HOL) — Diyaarado nooca dagaalka oo aan illaa imika la garaneyn cida iska leh ayaa shalay ilaa maanta si weyn ugu dulwareegaya magaalada Kismaayo, iyadoona diyaaradahani ay qalqal ku abuureen shacabaka ku dhaqan magaalada Kismaayo ee xarunta gobolka jubada hoose.

Diyaaradahan oo ah ilaa laba diyaaradood ayaa waxa ay ku dulwareegayaan xaafadaha kala duwan ee magaalada Kismaayo, iyadoona guuxa diyaaradaha uu dhagaha ka qabsaday shacabka ku dhaqan magaalada Kismaayo.

Goobjooge ku sugan magaalada Kismaayo 00 ka gaabsaday magaciisa ayaa HOL u sheegay in diyaaraduhu ay si aan caadi ah ugu wareegayaan magaalada, wuxuuna sheegay in dadka ku dhaqan magaalada ay lasoo darastay cabsi ay ka qabaan in diyaaradahani ay duqeymo ka geeystaan degmada Kismaayo.

Arrintani ayaa kusoo beegmaysa xilli mudooyinkii u danbeeyay ay isa soo tarayeen hanjabaado kasoo yeerayay madaxda dowladda KMG iyo kuwa Kenya, kuwaa oo ku aadanaa in bishan August ay weerar cir iyo dhul ah ku qaadi doonaan magaalada Kismaayo.

Gobollada Jubooyinka oo ay inta badan gacanta ku hayaan xoogagga Al-shabaab ayaa aalaaba waxa ka dhaca duqeymo ay diyaaradaha Kenya ka geeystaan, waxa ayna arintaasi keentay in qoysas fara badan ay ka barakacaan deegaanadooda.

Xasan Nuur, Hiiraan Online
[email protected]
Kismaayo, Soomaaliya













Click here
8/1/2012 6:33 PM EST
Khamiis, August 02, 2012(HOL): Magaalada Gaalkacyo ee Gobolka Mudug ayaa waxaa maanta ka dhacday doorashada madaxweynenimada maamulka Galmudug, taasi oo ay u tartameen labo musharrax oo xilkaas isu soo taagay.

8/1/2012 9:48 AM EST
Arbaco, Ogoosto 01, 2012 (HOL) — Wakiilka xoghayaha guud Qaramada Midoobay ee arrimaha Soomaaliya, danjire Augustine Mahiga ayaa sheegay inay jiraan xubno doonaya in lasoo magacaabo xildhibaanno ay iyagu wataan, isagoo sheegay inaan la aqbali karin arrinaas.

8/1/2012 9:27 AM EST
Arbaco, August 01, 2012 (HOL) - Safaarada Soomaalida ayaa bilowday deeq raashin ah oo la gaarsiinayo dadka saboolka ah ee ku nool xaafada Islii ee Soomaalidu ay ku badantahay.

8/1/2012 8:47 AM EST
Arbaco, Ogoosto 01, 2012 (HOL) — Madaxweynaha DKMG ah ee Soomaaliya, Shariif Sheekh Axmed iyo wafdi uu hoggaaminayo ayaa maanta tagay degmada Balcad ee gobolka Shabeellada dhexe oo 30-km dhinaca waqooyi kaga beegan Muqdisho.

8/1/2012 7:11 AM EST
Arbaco, Ogoosto 01, 2012 (HOL) — Munaasabad siweyn loo soo qaban qaabiyay kana dhacday saldhiga baliiska magaalada Baladweyne ee xarunta gobollka Hiiraan ayaa waxaa ka qeyb-galay guddoomiyaha gobollka Hiiraan, saraakiisha dowladda Itoobiya, iyo taliska ciidamada Jabuuti ee AMISOM.

8/1/2012 7:05 AM EST
Arbaco, Ogoosto 01, 2012 (HOL) — Dhamaan deegaanada Puntland waxaa maanta si weyn looga xusay, 1-da August oo ku beegan sanad guuradii 14-aad ee kasoo wareegtey xiligii dhidibada loo taagay maamul goboleedka Soomaaliyeed ee Puntland sanadkii 1998.

8/1/2012 5:09 AM EST
Arbaco, Ogoosto 01, 2012 (HOL) — Ergada ansixinta dastuurka qabyadaha ee Soomaaliya ayaa ku ansixiyay dastuurka cod aqlabiyad ah iyadoo ay jireen xubno ka diiday ansixinta iyo kuwo ka aamusay.

8/1/2012 4:04 AM EST
Arbaco, Ogoosto 01, 2012 (HOL) — Ugu yaraan 10-qof oo dhinacyadii dagaalamay ka tirsan ayaa ku dhintay dagaal culus oo ciidamada dowladda KMG ah, kuwa Kenya iyo xoogagga Al-shabaab ku dhexmarya deegaanka Faafax-dhuun ee gobolka Gedo.

8/1/2012 3:17 AM EST
Arbaco, Ogoosto 01, 2012 (HOL) — Halkan hoose ka daawo(Live)shirka golaha ansixinta DASTUURKA qabyada ah ee Soomaaliya, iyadoo codeynta oo gacan taag ah ay ka billaabatay xarunta uu shirku ka socdo.

8/1/2012 3:01 AM EST
Arbaco, Ogoosto 01, 2012 (HOL) — Weerarro ismiidaamin ah ayaa lagu qaaday maanta xarunta uu shirka uga socday ergooyinka ansixinta dastuurka, waxaana mas'uuliyiin ka tirsan dowladda ay sheegeen inay ku dhinteen qaraxyadaas labadii qof ee xambaarsanaa, sidoo kalena aysan jirin cid kale oo ay dhimasho kasoo gaaray.