3/29/2024
Today from Hiiraan Online:  _
Wararka Maanta- Isniin, Oct 24, 2011
Ciidamada ammaanka ee Kenya oo faahfaahin ka bixiyay qaraxii Nairobi

Isniin, October 24, 2011(HOL) Nairobi , Kenya - Taliyaha ciidamada booliska ee magaalada Nairobi Antony Kibuchi oo shir jaraa;id ku qabtay Nairobi ayaa ku tilmaamay qaraxii ka dhacay  baar lagu caweeyo oo kuu yaalla Nairobi inuu ahaa mid ka dhashay bam-gacmeed.

Waxaa uu sheegay in weerarkaas aysan gacanta ku soo dhigin cidii ka dambaysay, balse ay wadaan baaritaano ay ku baadi goobaan dadkii soo tuuray bamka oo uu sheegay inuu ahaa mid lagu sameeyay dalka Ruushka.

Taliyaha ciidamada booliska ee magaalada Nairobi
                     
Antony Kibuchi

Antony Kibuchi waxaa uu tilmaamay inaysan jirin cadayn dhab ah oo qaraxaasi  la xiriirinaysa xarakada Alshabaab, balse uu qaraxu yahay mid ku soo aaday xilli ay hanjabaado kaga imaanayaan Kenya  kooxdaasi oo uu sheegay  inuusan meesha ka saari Karin ku lug lahaanshahooda falkan.

Kibuchi waxaa uu Kenyaanka ka codsaday inay feejignaadaan oo ay  ka digtoonaadaan wax uu ku tilmaamay taageerayaasha Alshabaab, isagoo xaqiijiyay in ammaanka dalku uu yahay mid la adkeeyay  oo aysan jirin wax cabsi ah.

“14 qof ayuu ku dhaawacmay qaraxa oo isbitaallada lagu daaweynayaa, balse waxaa jira kuwo kale oo aysan waxba gaarin oo ku sugnaa goobta qaraxa”. Ayuu sii raacshay taliyaha ciidamada booliska ee Nairobi.

Taliyaha ciidamada boolisku waxaa kale oo uu sheegay in weerarka lagu qaaday Nairobi, uusan hakin doonin hawlgalada ay ciidamada kenya ka wadaan gudaha waddanka Soomaaliya oo uu tilmaamay inuu yahay mid Alshabaab lagu wiiqayo.

Wali Alshabaab wax war ah kama soo saarin qaraxan  cabsida ku abuuray dadka ku nool dalka Kenya , gaar ahaana Soomaalida oo ka cabsi qaba in la bartilmaameedsado, maadaama maalmihii ugu dambeeyay ay saraakiisha Kenya iyo saxaafaduba aad u hadal hayeen in Alshabaab ay ku xididaysatay xaafada Eastleigh oo xarun u ah tobonaan kun oo Soomaali ah.

Inkastoo looga shakisanyahay xarakada Alshabaab inay weerarkan qaaday, ayaa haddana qaar ka mid ah dadweynaha Kenya ay isla dhex marayaan in weerarkan uu ka dhalan karo, tartan ka dhexeeya qaar kamid ah mulkiilayaasha iska leh baararka khamriga lagu cabo oo ku sii badanaya magaalooyinka Kenya.

Qaraxan oo ah mid lala beegsaday baar lagu caweeyo oo ku yaalla xaafada Karen ee magaalada Nairobi  ayaa yimid, iyadoo safaarada Maraykanka ee Nairobi ay ka digtay in la bartilmaameedsan doono baararka iyo goobaha laga dukaamaysto ee ay ku badanyihiin ajaanibtu.

Axmed Cabdisamad, Hiiraan Online
[email protected]
Nairobi , Kenya













Click here
10/24/2011 2:59 PM EST
Isniin, October 24, 2011(HOL)-Magaalada Nairiobi ee caasimadda dalka Kenya ayaa waxaa goor dhaweyd ka dhacay labo qarax oo is-xigay, kuwaasi oo geystay khasaare dhimasho iyo dhaawac isugu jira.

10/24/2011 12:04 PM EST
Isniin, October 24, 2011 (HOL) - Madaxweynaha Soomaaliya Sheekh Shariif Sheikh Axmed ayaa cambaareeyey joogitaanka ciidmada Kenya ee Koonfurta dalka Soomaaliya.

10/24/2011 11:23 AM EST
Isniin, October 24, 2011Diyaarado nooca dagaal oo aan la aqoon cida rasmiga ah ee iska leh ayaa goordahawayd duqeymo ka geeystay qaar katirsan jaziiradaha ku yaal galbeedka gobolka J/hoose.

10/24/2011 10:07 AM EST
Wakiilo kakala socda qaar kamid ah maamul goboleedyada dhawaanahan looga dhawaaqayay bartamaha iyo koonfurta Soomaaliya oo isugu yimid magaalada Nairobi ayaa ka dhawaajiyay inay isku afgarteen midaynta maamulka ee deegaamada ay ku dhawaaqeen inay ka taliyaan, si loo helo hal maamul goboleed oo tayo leh.

10/24/2011 9:39 AM EST
Isniin, Oktoobar 24, 2011 (HOL) — Wasiir-ku-xigeenka wasaaradda caafimaadka DKMG ah ee Soomaaliya, Faysal Xuseen Daahir ayaa tababar soconaya muddo 30 maalmood ah maanta u furay illaa 30 umulisooyin ah oo ka kala yimid gobollada dalka Soomaaliya.

10/24/2011 8:41 AM EST
Isniin, Oktoobar 24, 2011 (HOL) — Madaxweynaha Soomaaliya, Sheekh Shariif Sheekh Axmed ayaa maanta booqday furumaha dagaalka ee degmada Dayniile oo maalmahan ay ku dagaalamayeen ciidammada DKMG ah iyo kuwa AMISOM oo dhinac ah iyo xoogagga Xarakada Al-shabaab.

10/24/2011 8:37 AM EST
Isniin, Oktoobar 24, 2011 (HOL) — Booliiska dalka Kenya ayaa sheegay in qaraxii bambaano ee xalay ka dhacay baar lagu caweeyo oo ku yaalla bartamaha Kenya ay mas'uul ka tahay Xarakada Al-shabaab, iyagoo sheegay in weerarkan uu la xiriiro hanjabaaddii Al-shabaab.

10/24/2011 7:24 AM EST
Isniin, Oktoobar 24, 2011 (HOL) — Askari ka tirsan ciidanka DKMG ah ee Soomaaliya ayaa maanta toogasho ku dilay laba haween ah oo ka mid ahaa dad raashin loogu qaybinayay siliggii hore ee Mareykanka oo ka tisran degmada Wadajir, iyadoo ay ku dhaawacantay rasaastaas haweeney kale.

10/24/2011 7:15 AM EST
Isniin, Oktoobar 24, 2011 (HOL) — Maamulka Ahlu Sunna Waljameeca ee bartamaha Soomaaliya ayaa eedeyn kulul u jeediyay dowladda KMG, kadib markii sida uu maamulku sheegay dowladda Idhaha ka qabsatay wax u qabashada shacabka ku dhaqan gobollada bartamaha Soomaaliya.

10/24/2011 5:54 AM EST
Isniin, Oktoobar 24, 2011 (HOL) — Warsaaxafadeed ay Xarakada Al-shabaab soo saartay maanta oo Isniin ah ayaa waxay digniin ugu dirtay shacabka dalka Burundi oo ay kumannaan ciidammo ah ka joogaan Soomaaliya.

10/24/2011 4:53 AM EST
Isniin, Oktoobar 24, 2011 (HOL) — Weerar bam-gacmeed ah oo xalay lagu weeraray goob lagu caweeyo oo ku taalla bartamaha magaalada Nairobi ee dalka Kenya ayaa sababtay dhaawacyada 13-qof sida ay sheegeen booliiska Kenya. Waxaan weerarkan uu imaanayaa iyadoo Xarakada Al-shabaab ay ku dhaawaqday inay Kenya ka aargudanayso.

10/24/2011 4:48 AM EST
Isniin, Oktoobar 24, 2011 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay ku sheegay in dagaalladii 20-kii bishan ka dhacya degmada Kismaayo ay ku qabseen inay joojiyaan howlo caafimaad oo ay ka wadeen degmadaas.

10/24/2011 3:55 AM EST
Isniin, Oktoobar 24, 2011 (HOL) — Cabsi aad u xoogan ayaa lasoo darastay shacabka ku dhaqan magaalada Kismaayo, xilli ay diyaarado dagaal shalay duqeeyeen goobo katirsan magaalada Kismaayo ee xarunta gobolka J/hoose.

10/24/2011 3:46 AM EST
Isniin, Oktoobar 24, 2011 (HOL) — Xaflad balaadhan oo lagaga dhowaaqayey naadiga akhriska iyo Wax-qorista oo loogu magac-daray Alle ha naxariistee Abwaan Cabdi Iidaan Faarax (Iidaan Readers Club (IRC) ayaa xalay lagu qabtay magaalada Hargeysa.