2/6/2023
Today from Hiiraan Online:  _
Wararka Maanta- Isniin, Oct 24, 2011
Maamulka Ahlusunna Waljamaaca ee Gobollada dhexe oo eedeeyn u jeediyay dowladda KMG ah ee Soomaaliya

Isniin, Oktoobar 24, 2011 (HOL) — Maamulka Ahlu Sunna Waljameeca ee bartamaha Soomaaliya ayaa eedeyn kulul u jeediyay dowladda KMG, kadib markii sida uu maamulku sheegay dowladda Idhaha ka qabsatay wax u qabashada shacabka ku dhaqan gobollada bartamaha Soomaaliya.

Guddoomiyaha gudiga fulinta Ahlu Sunna Waljameeca Shiikh Max’ed Yuusuf Xeefow ayaa warbaahinta u sheegay in dowladda ay ku eedeynayaan sida ay dhabarka ugu jeedisay shacab-ka ku dhaqan gobolada dhexe, gaar ahaa marka laga hadllayo arrimaha bani’aadanimada, iyo deeqaha laga helo dowladdaha saaxiibka la ah Soomaaliya.

"Dowladda KMG ah kaalintii ay ka filayeen shacab-ka ku dhaqan gobolada dhexe kama aysan soo dhalaalin, waxaan si gaar ah ugu eedeyneynaa in aysan dowladdu waxba ka soo gaarsiin dadka halka ku nool gargaarkii faraha badnaa ee la helay bilihii ugu danbeeyay iyo deeqihii waxbarasho ee dowladda Turkigu ugu deeqday shacab-ka Soomaaliyeed ayuu yiri,’’ Shiikh Max’ed Yuusuf Xeefow.

Waxaa uu sheegay Xeefow in marar badan oo is xig xigtay dowladda Soomaaliya u direen codsiyo la xiriira in wax lagala qabto xaaladaha dhinaca bani’aadanimada ah ee ka jirta bartamaha Soomaaliya laakiin aysan dowladdu dhag jalaq u siin codsigooda.

"Waxaa leenahay dowladdaha deeqaha bixiya, gaar ahaan dowladda Turkiga waa in ay ka fiirsataa sida loo maamulo deeqaha ay dhiibaan nooc kasta oo ay yihiin ayaan leenahay ayuu yiri,’’ guddoomiyaha gudiga fulinta Ahlu Sunna Waljameeca Shiikh Max’ed Yuusuf Xeefow.

Ma’aha maamulkii ugu horeeyay oo dowladda KMG ku eedeeya in ay ka gaabisay wax u qabashada dadka ku dhaqan gobolada dalka ee aan ku jira gacanta xarrakada Mujaahidiinta Al-shabaab, iyadoo eedeyn tan la mid ah uu horay ugu jeediyay dowladda madaxweynaha maamulka Galmudug oo sheegay in deeqihii la soo dhiibay lagu maamushay Muqdisho oo kaliya.

C/raxmaan Diini, Hiiraan Online
[email protected]
Beledweyne Soomaaliya













Click here
10/24/2011 2:59 PM EST
Isniin, October 24, 2011(HOL)-Magaalada Nairiobi ee caasimadda dalka Kenya ayaa waxaa goor dhaweyd ka dhacay labo qarax oo is-xigay, kuwaasi oo geystay khasaare dhimasho iyo dhaawac isugu jira.

10/24/2011 12:04 PM EST
Isniin, October 24, 2011 (HOL) - Madaxweynaha Soomaaliya Sheekh Shariif Sheikh Axmed ayaa cambaareeyey joogitaanka ciidmada Kenya ee Koonfurta dalka Soomaaliya.

10/24/2011 11:23 AM EST
Isniin, October 24, 2011Diyaarado nooca dagaal oo aan la aqoon cida rasmiga ah ee iska leh ayaa goordahawayd duqeymo ka geeystay qaar katirsan jaziiradaha ku yaal galbeedka gobolka J/hoose.

10/24/2011 10:07 AM EST
Wakiilo kakala socda qaar kamid ah maamul goboleedyada dhawaanahan looga dhawaaqayay bartamaha iyo koonfurta Soomaaliya oo isugu yimid magaalada Nairobi ayaa ka dhawaajiyay inay isku afgarteen midaynta maamulka ee deegaamada ay ku dhawaaqeen inay ka taliyaan, si loo helo hal maamul goboleed oo tayo leh.

10/24/2011 9:39 AM EST
Isniin, Oktoobar 24, 2011 (HOL) — Wasiir-ku-xigeenka wasaaradda caafimaadka DKMG ah ee Soomaaliya, Faysal Xuseen Daahir ayaa tababar soconaya muddo 30 maalmood ah maanta u furay illaa 30 umulisooyin ah oo ka kala yimid gobollada dalka Soomaaliya.

10/24/2011 9:23 AM EST
Taliyaha ciidamada booliska ee magaalada Nairobi Antony Kibuchi oo shir jaraa;id ku qabtay Nairobi ayaa ku tilmaamay qaraxii ka dhacay baar lagu caweeyo oo kuu yaalla Nairobi inuu ahaa mid ka dhashay bam-gacmeed.

10/24/2011 8:41 AM EST
Isniin, Oktoobar 24, 2011 (HOL) — Madaxweynaha Soomaaliya, Sheekh Shariif Sheekh Axmed ayaa maanta booqday furumaha dagaalka ee degmada Dayniile oo maalmahan ay ku dagaalamayeen ciidammada DKMG ah iyo kuwa AMISOM oo dhinac ah iyo xoogagga Xarakada Al-shabaab.

10/24/2011 8:37 AM EST
Isniin, Oktoobar 24, 2011 (HOL) — Booliiska dalka Kenya ayaa sheegay in qaraxii bambaano ee xalay ka dhacay baar lagu caweeyo oo ku yaalla bartamaha Kenya ay mas'uul ka tahay Xarakada Al-shabaab, iyagoo sheegay in weerarkan uu la xiriiro hanjabaaddii Al-shabaab.

10/24/2011 7:24 AM EST
Isniin, Oktoobar 24, 2011 (HOL) — Askari ka tirsan ciidanka DKMG ah ee Soomaaliya ayaa maanta toogasho ku dilay laba haween ah oo ka mid ahaa dad raashin loogu qaybinayay siliggii hore ee Mareykanka oo ka tisran degmada Wadajir, iyadoo ay ku dhaawacantay rasaastaas haweeney kale.

10/24/2011 5:54 AM EST
Isniin, Oktoobar 24, 2011 (HOL) — Warsaaxafadeed ay Xarakada Al-shabaab soo saartay maanta oo Isniin ah ayaa waxay digniin ugu dirtay shacabka dalka Burundi oo ay kumannaan ciidammo ah ka joogaan Soomaaliya.

10/24/2011 4:53 AM EST
Isniin, Oktoobar 24, 2011 (HOL) — Weerar bam-gacmeed ah oo xalay lagu weeraray goob lagu caweeyo oo ku taalla bartamaha magaalada Nairobi ee dalka Kenya ayaa sababtay dhaawacyada 13-qof sida ay sheegeen booliiska Kenya. Waxaan weerarkan uu imaanayaa iyadoo Xarakada Al-shabaab ay ku dhaawaqday inay Kenya ka aargudanayso.

10/24/2011 4:48 AM EST
Isniin, Oktoobar 24, 2011 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay ku sheegay in dagaalladii 20-kii bishan ka dhacya degmada Kismaayo ay ku qabseen inay joojiyaan howlo caafimaad oo ay ka wadeen degmadaas.

10/24/2011 3:55 AM EST
Isniin, Oktoobar 24, 2011 (HOL) — Cabsi aad u xoogan ayaa lasoo darastay shacabka ku dhaqan magaalada Kismaayo, xilli ay diyaarado dagaal shalay duqeeyeen goobo katirsan magaalada Kismaayo ee xarunta gobolka J/hoose.

10/24/2011 3:46 AM EST
Isniin, Oktoobar 24, 2011 (HOL) — Xaflad balaadhan oo lagaga dhowaaqayey naadiga akhriska iyo Wax-qorista oo loogu magac-daray Alle ha naxariistee Abwaan Cabdi Iidaan Faarax (Iidaan Readers Club (IRC) ayaa xalay lagu qabtay magaalada Hargeysa.